San Juan 3:31 - Diosichi Pila

³¹ Junni Mumunmin Juan itsantinue: —Jamochi nechi patamin tsachiri jeralelaca fécari mantá tan joe. Tote nechi tsachi mantimini tsachilachi miteri nenamin joe. Tsachilachi miteri pamin joe. Jesús jamochi nechi pataca joto, ya jeralelaca fe joe.

San Juan 3:31 ပူးပေါင်းရင်းမြစ်များ

San Mateo 28:18

Junni aman Jesús chiquilachica jato itsantie: —Jamochinan tobinan jera mantaca lachi cuwaca joe tie.

San Juan 1:15

Junni Juanni yaca quirato cuenta quee. Sonba pato, itsantie: —Nulabe cuenta quinato, laca fe mantá tan tsachica cuenta quicayoe. ¿Yari laca caquenan jominue tituan? tie. ¿Junto lachi benechi jatonan, laca fe jochunae tituan? tie. Junni la tsantica jun tsachiri Jesús joe tie. Juanni Jesuca tsanque cuenta quee.

San Juan 1:30

¿Quisinan lari yaca patuan? ¿Laca benele laca fe sen tsachi manca jachunae tituan? tie. Lari na caitosanan, yari numa jominue; junto laca fe tsachi joe tie.

San Juan 3:30

Tsachila Jesuca fe tenca cade cade jinola joe; laca nanni purade purade jinola joe tinue. Mumunmin Juan tsanque cuenta quinue.

San Juan 6:33

Jana jamochi nechi patato, jeralelaca sonnasa carimin, aman yari Diosi cuwaca finun cuwenta joe tie.

San Juan 6:51

Lari Diosichibi nechi patato, la sonnasa carimin finun joyoe tie. Jun finunca fiminlari numatotiya sonnato polelaichunae tie. Junni yape jeralela sonnano podeilaisa, jun anoca cufino joyoe tie. Junto fino tito lachi pucacanan tsantinayoe tie.

San Juan 8:23

Junni Jesuri yalabe itsantie: —La jamochi nechi joyoe; nula in tote nechi jolajoe. Nula in tote chumin tsachila jolajoe; lari in tote nechi tsachi itoyoe tie.

Mantá Tanla 10:36

Junni aman Diosi israelítalaberi sen fiquica pasa carinue. Ya Jesucrístoca paca fiqui joe. Ya Jesucrístori se patarimin joe tinue yape tsachilabe Diosibe pa tala itolajosa. Jesucristo jeralelachi Miya joe tinue.

Románolachi 9:5

Matu tote Diosi wenteca junlachi alicala jolajoe. Tsachi tala patori, Diosi wenteca Cristo tinun tsachinan israelita tsachi jominue. Yari jeralelaca mantamin Diosi jonun tenchi, yaca numatotiya se tintsan joe. Tsanque joe.

Israelítalachi 9:1

Diosiri caque trato quinato, israelítalaca niyaque Diosichi tenchi ticatiya quino jonunca mantanue. In totenan Diosica se tinun posto quisa mantaca jominue.

1 Pédrochi 3:22

Crístori jamochi loto, Apa Diosichi tsa tede nanchi mantato pechue. Junni jerale jamochi nenaminla, anjelilanan, mantá tanlanan, yabe mantaiminla joe.

1 Juanchi 4:5

Yalari Diosica tennatuminla joe. Junto Diosica quereituto, uyan quiraque micariminla joe. Junni Diosica tennatuminlari yalaca meralaquichunae.

Quirajanunca 19:16

Yachi camisabi, yachi botebi manca mumunnan chuteca joe. miyalaca mantamin miya, jerale mantaminlaca mantamin chuteca joe.