San Juan 3:29 - Diosichi Pila

²⁹ Meralaquinade! tinue. Jesuri casalainamin unila cuwenta jochunae tinue. Casalainaminni sona camanhe. Casalainaminchi amico, yari sona catumanhe. Juntonan casalainamin unila janaminca meráto, yachi amiconan son jochunae. Yari sona catutonan, amicochi tenchi son pejochunae tinue. Junni tsachila Jesúchica jilainasa, lari jun tsanquenan son joyoe Jesuchi tenchi.

San Juan 3:29 ပူးပေါင်းရင်းမြစ်များ

San Mateo 22:2

—Miya manca yachi nao casalainasa, fiesta quichunae tie. Junni Diosi tsachilachi Miya joto ya miya cuwenta jochunae tie.

San Mateo 25:1

Junsi Jesús itsantie: —Diosi yachi tsachilaca jun mate mantanato, itsanque jochunae tie: Chunca nala sonala lanparin manca manca cato jilaichunae tie casalainanun fiesta quirabi. Casalaichinamin unila uyanchi nechi janaminca tulaibi jilaichunae tie.

San Mateo 9:15

Junni Jesuri yalachi fiquica meráto beconan itsantie: —La casalainamin cuwenta joyoe tie. Junni casalainanun fiestaca quirabi jaminlari duque son tinato, natiya ano fitunca ilaituchunae. Casalaino jun tsachi yalabe parejo cajosanan, yalari son tito ano fitunca ilaituchunae tie. Jun tenchi lari lachi tsachilabe penenasanan, ano fitunca ituminla joe tie. Junni manca mate mantimini la itoanae tie. Laca josolelaquichunae. Junnunbi labe penenaminla weyante ano fitunca ilaichunae tie.

San Juan 15:11

Nulaca la cuwentanan son jolajosa tenjae. Man piti nacátiya laqui itolajosa tenjae tie. Jun tenchi la tsanque micarinayoe tie.

San Juan 16:24

Lachi mantate carocailaitue tie. Tsanque rocaito canilaquina! tie nula duque son jolajochun.

San Juan 17:13

Junni Jesús yachi Apa Diosibe carocainato itsantie: —Junnasanan amana nuchica manlono joyoe tie. Nuchica camanlotuminnan, inlabe tsanque cuenta quinayoe yape labe duque son jolajosa.

San Juan 3:30

Tsachila Jesuca fe tenca cade cade jinola joe; laca nanni purade purade jinola joe tinue. Mumunmin Juan tsanque cuenta quinue.

2 Coríntolachi 11:2

Nulacari wepananayoe pansile epele nenalarachunaeque. Diosichi mantatenan nulaca tsanque wepananayoe. Aman apalari namalaca unilachi cuwano jotori, duque wepanato cuidaiminla joe yape sen sona josa. Junni lari jun tsanquenan nulaca Crístochi cuwano joyoe yape yachi sen tsachila jolajosa. Junto nulachi tenchi duque wepananayoe.

Filípolachi 2:2

Tsanla jotori, laca tsaracari son josa carilaquina! Man tala man tala tenca calaquituna! Man parejori tenca cato, junsi laquiracaato, man junni tenca cato nenalarana! Tsanque nenalaranari, lari tsaracari son joanae.

1 Juanchi 1:4

Junni pansi jolajosa itsanque pila chutenayoe yape natiya laqui itolajosa.

2 Juanchi 1:12

Nulabe duque cuenta caquino muquinasanan, pilachi cuenta quino muquetue. Nulaca quirabi jitobi, cale cuenta quino muquee duque son jolajochun.

Quirajanunca 21:9

Junni anjeli lachica jae. Jana sieteca anjelila tason tanjato tsachilaca debi casticaquimin jominlae. Junni ya sieteca anjelila manca labe itsanque cuenta quee: —Jade! tie. Opisa Nachi sona ino junca quirawochinayoe tie yabe casalaino junca.