San Juan 3:26 - Diosichi Pila

²⁶ Junni Juanbe penenamin tsachila yachica jato itsanlatinue: —Jordán pi ja beco tsachi manca nuchica jaca jominhe. Nuri micarinato yaca paca jominhe Diosichi opisa na cuwenta jochunaeque. Junni yanan mumunnae latinue. Junni jeralela nuca puraniquito, yabesiri jera penenamin ilainae tilatinue.

San Juan 3:26 ပူးပေါင်းရင်းမြစ်များ

San Mateo 23:7

Duque tsachila nenanunte yalaca duque respetaito saludaisa munaralarae. Yalaca micarimin tisa munatiminla joe tie.

San Mateo 23:8

Junni nula mantimini natiya tsanhitulajona! Nula tala saludainato micarimin tituntsan joe. Diosi wenteca Cristo tinuncasiri micarimin tinola joe. Nula jeralela man parejo jolajoe acola cuwenta.

San Juan 1:15

Junni Juanni yaca quirato cuenta quee. Sonba pato, itsantie: —Nulabe cuenta quinato, laca fe mantá tan tsachica cuenta quicayoe. ¿Yari laca caquenan jominue tituan? tie. ¿Junto lachi benechi jatonan, laca fe jochunae tituan? tie. Junni la tsantica jun tsachiri Jesús joe tie. Juanni Jesuca tsanque cuenta quee.

San Juan 1:7

Yari tsen suwaminca cuenta polarichun jominue yape jeralela junca meráto tsen suwaminbe cayailaisa.

San Juan 1:9

Tsen suwamin mantimini tobi pataca jominue. Yari jeralelachi tencabi tsemin joe. Tsachilachi tencabi yasiri tsaracari tsemin joe yape miralarasa.

San Juan 11:48

Yaca tsantin nenasa quiranilaquinari, jerale tsachila ya Jesúcari Miya joe tito, yabesiri cayailaichunae latinue. Tsanhilainari, romano soldadolari jato, Jesuca miya suwachique tsanlainae tito, chiquilaca pa jolajochunae latinue. Junto Diosichi yaca araleto, chiquilacanan quera quito, jera totelaquichunae latinue.

San Juan 12:19

Junni junlaca quirato, fariséola tala itsanque cuenta quilaquinue: —Quiralaquede! latinue. Niyanantiya quino podeitulajoyoe latinue. Jeralela yabe penenachi latinae latinue.

San Juan 3:2

Yari Jesúchica quepen nosa jato, yaca respetaito pato, Rabí tito itsantinue: —Nuri duque seque wepanato quirantsancari quinae tinue. Junto miralarayoe tinue Diosi ereca jun joto micarimin joeque. Diosi ereca itomanpari, tsanquino podeino itomin jonhoe tinue.

San Juan 4:1

Aman junni duque tsachila Jesube penenaminla ito mumunhilaie. Aman Jesús patsa mumuntue; yabe penenaminlari mumunnaminlayoe. Junni Jesuchi tsachilari Juanchi tsachilaca fécari duque seranaminlayoe. Junni fariséolari junca meralaquinue. Junni ya fariséola junca meralaquinueque miito, chiquilabe Jesube

San Juan 4:31

Junnasa Jesuchi tsachila yaca Miya, ano finiquede! tilatiyoe.

San Juan 5:33

Nula tala weyanlaca Juánchica erelaquinue tie Crístoca panhalaquisa. Junni Juanni laca tsarasica panue.