San Juan 3:17 - Diosichi Pila

¹⁷ Diosi yachi Naoca erenue tobi nenasa. Junni tsachilaca culpa quisa eretunue. Te, tsachilaca se larisa erenue.

San Juan 3:17 ပူးပေါင်းရင်းမြစ်များ

San Mateo 18:10

Junsi Jesús man fiquiman micarie: —Nalalaca natiya yape, epe jolajoeque tenca catulajona! tie. Yalachi anjelila jamochi rato, lachi Apa Diosichi cale numasitiya wiruralarae.

San Mateo 18:11

¿Junni nulachi niyaque tenca jalain? Patsa opisa tan tsachiri opisa mancaca topiyaritori, ¿ti quichunnan? ¿Manneyabi jino itochunan? Aman la tsachi ica jun joto, jun tsanquenan tenca topiyaca nenamin tsachilaca neyato, se laribi jaca joyoe tie. Junni opisa tsacumin nue chunca nueca opisaca epele purato, topiyacaca manneyabi jichunae tie.

San Lucas 9:56

Lari tsachi ica jun joto, tsachilaca totebi jatucayoe tinue. Tsachilaca se laribi jacayoe tinue. Junni tsantitobi, uyan puebloca jito polelainue.

San Juan 1:29

Junni ayuna nanchi Jesús Juánchica janue. Junni janaminca quirato, Juan yaca itsantie: —Quiralaquede! tie. In Jesús Diosi cuwaca jun opisa na cuwenta jochunae tie. Piyanlelachi jutsaca piyarimin jochunae tie.

San Juan 11:42

Mirayoe nu laca numasitiya merámin joeque. Tsan josanan inte labe pewiruraminla yape meralaquisa tsantinayoe tie. Yape nu laca ereca joeque quereilaisa tsantinayoe tie.

San Juan 17:18

Nuri laca eree nuca tennatuminlachica. Junni la jun tsanquenan inlacanan nuca tennatuminlachica erechinayoe tie.

San Juan 17:21

yape jeralela man junni jolajosa. Apa Diosi, ¿labe nube man junni jolajoyoco? tie. Junni inlanan chiquilabe man junni jonola joe tie. Tsan jonola joe yape nuca tennatuminlari quereilaisa la nu ereca jun jaca joeque.

San Juan 17:23

Junni la inlabe man junni joichunae tie. Nunan labe man junni jochunae. Junni inla talanan jera seque man junni jonola jochunae tie yape uyanla miilaisa. Inla man junni jonari, nuca tennatuminlanan miilaichunae la nu ereca jun jaca joeque. Nuri inlaca laquirae laca cuwenta. Junni inlanan man junni jonola joe yape uyanla junca miilaisa.

San Juan 17:25

Sen Apa Diosi, uyanla nuca miitucala joe. La nuca tsarasica mirayoe. Lachi tsachilanan miralarae; la nu ereca jun jaca joeque miralarae tie.

San Juan 17:3

Nusiri tsa Diosi joe; lari Jesucristo nu ereca jun joyoe. Junni chiquilaca miraminla, yalari numatotiya sonnato polelaichunae tie.

San Juan 17:8

Labe nu pacaca yalabenan jera manpolaricayoe. Yala jun fiquica meráto, tsarasica miralarae tie nuchibi nechi pataca joeque. Nu ereca jun jaeque quereilaie.

San Juan 20:21

Junni Jesús manaman tsantito, pansi chularana! tie. Apa Diosi laca ereca jonun cuwenta, nulacanan erenayoe tie.

San Juan 3:34

Jesuri Diosi ereca jun jato, Diosichi fiquica pamin joe. Junni Apa Diosi yachi Tencaca Jesuchi cuwanato, nasi nacári cuwatunue; jera cuwanue.

San Juan 5:36

Junni la tsaina uyanchi fiquibe laca miilaide! tinato, Juanchi fiquica pátiyoe; lachi Apa Diosichi fiquica pánayoe tie. Lachi Apa laca mantaca joe tie ticatiya quisa. Junni nulari la tsanquinanunca quirato miino jominlanue laca Diosi ereca jaeque.

San Juan 5:38

Nulari Diosi erecabe cayaituto, junsi Diosichi fiquica entendeituminla joe tie.

San Juan 5:45

Lari Apa Diosichi cale nulaca culpa quituanae. Culpa quichunaeque tenca calaquituna! Manca tsachi nulaca culpa quichunae tie. Matu to Moisés, ya Diosichi mantaca Diosichi Pilabi chutenue. Junni nulari Moisechi fiquicari tsarasica tennaminla joyoe timinlae. Junni ya Moisechi fiquibenan nula culpa ilaichunae tie.

San Juan 6:29

Junni Jesuri itsantie: —Diosi nulaca itsanque mantaca joe tie: Diosi ereca jun tsachibe cayailaisa mantaca joe tie.

San Juan 6:38

La Diosichibi nechi patato, lachi tenca munate nenabi patatiyoe tie. Laca ereminbe mantaito nenabi patacayoe tie.

San Juan 6:40

Lachi Apari itsanque munarae: Yachi Naoca tennato yabe cayaiminlari jeralela numatotiya sonnato polenola joe. Junto to jeraino mate yalaca mansoncarino joyoe tie. Lachi Apa Diosi tsanque mansoncarisa munarae tie.

San Juan 6:57

Laca ereminni, ya Diosi joe. Ya Apa Diosi sonnanun tenchi lanan pesonnayoe tie. Jun tsanquenan lari sonnanun tenchi laca fiminlanan pesonnalarachunae tie.

San Juan 7:29

La mantimini ya ereca jun jato, yachibi nechi jacayoe tie. Junto yaca mirayoe tie.

San Juan 8:11

Junni ya sonari Miya, monantiya quitue tie. Junni Jesuri lanan quitiyoe tie. Manjiniide! Juntonan jutsa manquituna! tie.

San Juan 8:42

Jesús mantimini itsantie: —Lari Diosichi joto, Diosichibi nechi jacayoe. Tenca mánta jatiyoe; Diosi ereca jun jacayoe tie. Junni nulanan Diosichi tsachila jomanpari, laca laquirano jominla jonhoe tie.

1 Juanchi 2:2

Yari chiquilachi jutsa tenchi puyaca jominhe. Juntonan chiquilachi tenchisiri itominue. Piyanlelachi tenchi puyaca jominhe.

1 Juanchi 4:14

Apa Diosiri yachi Naoca erenue yape jerale tote chuminlaca se larisa yape yucan catusa. Chiquila Crístoca quiraminla joto, tsanque micarino podeilaiyoe.