San Juan 21:22 - Diosichi Pila

²² Jesús mantimini Pédrobe manpato, itsantie: —Yaca la manpatano fecári casonnasa tenjanari, nuchi yape josa! tie. Nuri labe penenana! tie.

San Juan 21:22 ပူးပေါင်းရင်းမြစ်များ

San Mateo 16:24

Junni Pédrobe tsantisi, chiquilaca itsanque payie: —Labe penenachi timinlari tenca munate nenanoca telaqueponola jochunae. Corosibi puyano jun tsachi cuwenta jera telaquepoto, labesiri penenanola jochunae tie.

San Mateo 24:3

Aman inale Jesús Olibo tinun dubi chusanan yape penenaminla yachica nosa jalaito itsanlatiyoe: —Chiquilabe pade! latiyoe numasi tsanhino jonunca. ¿Niyaito miintsan jochunan? nu numasi manpatano jonunca, numasi to jeraino jonunca.

San Mateo 24:44

Junni nulanan jun tsanquenan tencabe méranola jochunae tie la tsachi ica jun manpatano jonunca. Laca manpatatuchunae latinasanan, manpatano joyoe tie. Jesús chiquilaca tsanque micarie.

San Mateo 25:31

Junni Jesuri jun cuenta polaritobi, man fiquinan pae. Itsantie: —La tsachi ica jun joto uraran tsenbe manpatanae tie jerale Diosichi anjelilabe. Uraran mantato chudinunbi chudiyanae tie.

San Mateo 8:22

Jesús mantimini yabe itsantie: —Yala puyaca cuwenta junlari yala tala menailaichunae tie. Nuri junca tennatuto labe penenana! tie.

San Marcos 9:1

Junni Jesús yachi tsachilabe itsantinue: —Nulabe tsarasica pachinayoe tinue. Nula weyan weyanla inte wiruraminla Diosi sonba mantananunca quirano fecári puyalaituchunae tinue.

San Juan 21:19

Junni Jesús tsantisi, Pédroca labe penenana! tie. Aman Jesús Pédrobe tsantinato, Pedro niyaque puyano jonunca pánaminue. Junni duque wata poletobi, tsachila Pedro niya quiraque totainunca miito, Diosica duque seque palaquinue.

San Juan 21:21

Junni Pédrori jun tsachi benele janaminca quirato, Jesube itsantie: —Miya, ¿ya tsachiri niyanhichunan? tie.

1 Coríntolachi 11:26

Junni nula ya bibuca fin, ya binoca cuchin, quinato, Miya Jesuca mantenhilaichunae. Ya manpatano fécari tsanque micuwalaquichunae chiquilachi tenchi puyanueque.

1 Coríntolachi 4:5

Junni miino óra cajosanan, miichique tenfetulajona! Miya Jesucristo manpatatobi, jera miisa carichunae. Tsachila ticatiya nosa quito nenaminlaca jun mate jera miintsan jochunae. Tsachilachi tencabi niyaque tenca calaquinanunca jun mate jera miintsan jochunae. Jun mate Diosi jerale se tino junlaca se tichunae.

1 Tesalónicalachi 2:19

Junni meralaquede! Chiquilachi Miya Jesucristo manpatano mate yachi cale wirurasa, nulacanan junte pewiruralarasa tenjae. Chiquila junca meralarayoe. Nulaca junte manquiranato, duque son tito manquiralaqueyanae chiquila nulaca ayudaicalayoe tito.

Santiago 5:7

Junni acola, soquila, Miya Jesucristo manpatano ma fecári seque tenca cato meralarana! Jana wita quiminlari ticatiya waqueto tsanque méraminla joe. Casale suwa quimanhe. Junni wanbile manaman suwa quimanhe. Tsanque ticatiya waca junca sele mancalaquimanhe.

Santiago 5:8

Miya Jesucristo manpatano ma quelo inasa, nulanan jun tsanquenan sen tenca ito meralarana!

Quirajanunca 1:7

Meralaquede! Yari poyobe manpatanaminca jeralela quiralaquichunae. Yaca tileto toteminlanan manquiralaquichunae. Jerale tobi chuminla yaca manquirato warelaquichunae. Tsa joe. Tsan jochunae.

Quirajanunca 22:20

Jesús in fiquica pasa carimin joto, la moora manpatanae tinae. Tsa tie. Miya Jesús, manpatana!

Quirajanunca 22:7

Junni Jesús itsantie: —La moora manpatanae tie. In pila Diosichi mantate chuteca jun pila joe. Junni in fiquibe mantaiminla duque son jolajochunae tie.

Quirajanunca 3:11

La ina manpatanae. Natiya peleilaituna! yape monantiya nulachi premio cuwano jonunca josolelaquitusa.