San Juan 20:19 - Diosichi Pila

¹⁹ Jun mate quebi inasa Jesuchi tsachila layaito chuminlayoe. Tominco ma jominue. Israelita mantaminlaca jelechi tamo doito chuminlayoe. Junni tsanque chularasanan, Jesús moora chiquilachibi quiraie. Quiraisi, itsantie: —Pansi chularana! tie.

San Juan 20:19 ပူးပေါင်းရင်းမြစ်များ

San Mateo 10:13

Jun yabi chuminla sen jolajonari, Diosibe rocailaina! yape yalaca seque chusa carisa. Seitonla jonari Diosibe tsanque rocaitulajona! tie.

San Marcos 16:14

Junni wanbile chunca manca Jesube penenaminla ano fito chularasanan, Jesús yalabenan manquirainue. Junto yalaca quereitumin uyan tenca punla jonun tenchi sonba pato itsantinue: —La mansonhinunbi, weyanlari laca quirato, nulabe cuenta manpolarilaquinue. ¿Junni nulari niyaito yala pacaca quereilaitiyun? tinue.

San Juan 14:27

La nulaca pansi suwato jichinayoe yape wepanatuto chularasa. La wepanatuto pansi chumin joto, nulacanan jun tsanquenan pansi chusa cariyanae tie. Diosica tennatuminlari nula tsanquenan pansi chuno podeilaituchunae. Junni nulari wepanatulajona! Jeleitulajona!

San Juan 16:22

Nulanan jun tsanquenan amana laqui jominnan, laca manquiratobi manson tilatichunae tie. Nulaca monantiya laqui mansuwano podeilaituchunae tie.

San Juan 16:33

Junni labe penenaminlaca pansi chularasa tenjae. Jun tenchi nulabe tsanque cuenta quinayoe tie. Junni meralaquinade! Nulari in tote cachuminnan, padeseilaichunae tie. Tsan jotonan, son tilatina! Tote mantanaminlaca jera fe loca joyoe tie.

San Juan 20:21

Junni Jesús manaman tsantito, pansi chularana! tie. Apa Diosi laca ereca jonun cuwenta, nulacanan erenayoe tie.

San Juan 20:26

Junni ochu ma poletobi, Jesuchi tsachila talari tamochi manan manlayaica jominlayoe. Aman Tomás junte pejominhe. Junni tamo dorasanan, Jesús chiquilachibi manan manquiraie. Jesús chiquila junte chuminlabe pansi chularana! tie.

San Juan 21:1

Junni aman Jesuri man nete yachi tsachilabe manquiraie Tiberia tinun wa pipilute. Itsanque quiraie:

San Juan 21:14

(Jesús puyaca joto mansonhitobi yachi tsachilabe palu ne quiraica jominhe. Junto in quiraicabe peman ne quiraie.)

San Juan 7:13

Israelita mantaminlaca jelechi yaca nosa cuenta quinaminlanue.

Mantá Tanla 1:3

Junni Jesús puyato mansonhitobi, yalabe manquiraidede nenaminue. Duque ticatiya quinue yape tsa mansonhinueque tenhilaisa. Diosi mantananun tsachi bolon niyan jonola jonunca jera micarinaminue. Junni junpalu chunca ma fecári Jesús yalabe tsantin nenaminue.

Románolachi 15:33

Diosi chiquilaca wepanatuto pansi chusa carimin joe. Junni yabe rocainayoe nulabe seque penenasa. Amen.

1 Coríntolachi 15:5

Jesucristo mansonhitobi, Pédrobe manquirainue. Junte nechi chunca paluca yachi mantá tanlabe manquirainue. Ya fiquicanan nulaca micaricayoe.

Efesolachi 2:14

Ya chiquilaca jera sen suwanue. Israelítalabe israelita itonlabeca man junni suwanue. Casale pa nenalarasanan, ya pari serica cuwenta jominue chiquilachi quitsale. Junni Jesús jun serica cuwenta jominca balenue.

Efesolachi 6:23

Acola, soquila, nula jeralelachi tenchi Apa Diosibe, junsi Miya Jesucrístobe rocaimin joyoe yape nulanan pansi wepanatuto chularasa. Yala nulaca laquirato fe quereisa carisa tenjae.

Filípolachi 1:2

Chiquilachi Apa Diosibenan Miya Jesucrístobenan rocailainayoe yape yalari nulaca seque laquiralarasa. Nulaca wepanatuto pansi nenalarasa carilaquedeque rocailainayoe.

2 Tesalónicalachi 3:16

Miya Jesube nulachi tenchi numasitiya rocaimin joyoe niyaquetiya wepanatuto pansi chusa carinocarinque. Miya Jesuca nula jeralelabe perasa rocainayoe. Yasiri wepanatuto pansi chusa carimin joe.

Israelítalachi 7:2

Junni Abrahanni miyalaca fe loto, yalachica ticatiya jera josoleto tanjanaminue. Junni ya jera josoleto tanjananunca Melquisedechi nasi cuwanue Diosichi tenchi cuwanayoe tito. Chunca ticatiya cato, Melquisedechi manca cuwanue. Aman Melquisedec tito, jun fiquiri yalachi fiquichi pato, tuca mantamin miya tinun joe. Junsi Salem tinun pueblobi miya joe tito, Wepanatuto pansi chusa carimin miya joe tinun joe.

3 Juanchi 1:14

Inale nuca quirabi jato, cale cuenta quino muquee.

Quirajanunca 1:4

La Juan in pilaca chutenayoe. Asia tobi sieteca pueblobi Jesucrístochi tsachila man bolon man bolon chularae. Yalachi erechun in pilaca quinayoe. Apa Diosibenan, yachi Tencabenan, Jesucrístobenan rocainayoe yape nulaca laquirato seque ayudailaisa. Diosi matunan jomin joto, amananan cajoto, inanan cajochunae. Yachi Tenca sieteca Tenca tsan joto ya mantato chudinun caquele joe. Jesucrístori puyatonan mansonhinue. Ya casale tsanhica joe. Yari Diosica tsarasica pamin joto, jerale to miyalachi Miya joe. Junni la yalabe rocainayoe yape nulari wepanatuto pansi chularasa. Jesucristo chiquilaca duque laquirato, chiquilachi jutsaca yachi asanchi tsaleca joe.