San Juan 20:17 - Diosichi Pila

¹⁷ Junni Jesuri yabe itsantinue: —Lachi Apa Diosichica calotuminca laca talatude! tinue. Lachi acolachica, soquilachica jito, yalabe cuenta polaride! tinue. Yalachinan, lachinan Apa Diosichica manlochinayoe tie tina! tinue.

San Juan 20:17 ပူးပေါင်းရင်းမြစ်များ

San Mateo 12:50

Lachi Apa Diosi jamochi chue. Junni jerale yachi mantaca meráminlacanan lachi acola, lachi soquila, lachi ayanla tiyanae tie.

San Mateo 25:40

Junni yala tsantinunsi, la Miya joto yalabe itsantiyanae tie: Meralaquede! Poperela lachi familiala cuwenta jolajoe tiyanae tie. Junto nula yalaca ayudaitori, lacanan ayudaica cuwenta jochunae tiyanae tie.

San Mateo 28:7

Junni nulari yachi tsachilachica wewe jilaide! Yalaca meracarichín! tinue Jesús puyaca jominnan mansonhinueque. Junni Jesuri nulaca caquenan Galilea toca jichunae tinue. Junbi yaca manquiralaquichunae tinue. Aman nula yachi tsachilabe in fiquica jera meracarilaquina! tinue. Nulabe tsanqueri pánayoe tinue.

San Marcos 12:26

Aman puyacala mansonhilaichunaeque cuenta quilaquisa! ¿Matu to Moisés chuteca pilaca quiratuminlayun? Junbi tape cuentaca chuteca joe tinue. Tapebi nechi Diosi cuenta quito, itsantinueque chuteca joe: Lari matu to Abrahanchi, Isaachi, Jacóbochi Diosi joyoe tinue.

San Marcos 16:19

Junni Miya Jesús yalabe tsanque cuenta quinunsi, Diosi yaca yachi toca mantanlonue. Junbi Diosichi tsa tede nanchi chudinue Diosibe pemantachun.

San Lucas 10:4

Nulari nin tolo, nin sapato, nin cala tanjitulajona! tinue. Minute uyan tsachilabe saludainato cuenta quito wanhidede jilaituna! tinue.

San Juan 13:1

Junni casa ma fiesta nasi nacá caitosanan, Jesube chiquilabe man parejo ano pefilaquinamanyoe. Junni junnasa yucan Júdaca seiton tenca suwaca jominue. Ya Júdari Simón Iscariótechi nao jominue. Junni yaca Jesuca pa jominlachi cuwapono tenca casa carica jominue. Jesús mantimini jera miraminue Apa Diosi yaca jera mantá tan suwaca joeque yape jeraleca mantasa. Diosichibi nechi pataca jomin joto, Diosichicanan manlono jominue. Yacanan Jesús miraminue. Junni jamochi manlono ma quelo inaminue yachi Apa Diosichica manlono ma. Chiquila yachi tsachila joto mantimini, tote canenanonan jominlayoe. Junni aman Jesuri juncanan tenhinue ya jamochi manlono ma quelo inaeque. Junca tenhito, chiquilaca duque laquiramin joto, sen quito quirawoe duque laquiramin joeque miralarasa. Itsanquee:

San Juan 14:2

Lachi Apa Diosichibi duque chunun ya joe. Tsan itomanpari, nulabe tsantino itomin joinhie. Nula chuno jonun yaca sequebi jino joyoe tie.

San Juan 14:28

¿Nulaca purato jito, inale manjanae tituan? tie. Lachi Apa Diosichica manlochinayoe. Yari laca fe mantá tan joe tie. Junni nulari laca jera laquiramanpari, son tino jominla jonhoe yachica lochinaeque.

San Juan 14:6

Junni Jesuri itsantie: —Lasiri Apa Diosichica jinun minu joyoe tie. Lasiri tsarasica micarimin joyoe tie. Lasiri sonnasa carimin joyoe tie. Labe cayaiminlasiri Apa Diosichibi feno podeilaichunae tie.

San Juan 16:28

La Apa Diosichibi nechi patato, toca jacayoe. Junsi toca purato, Apa Diosichica manlochinayoe tie.

San Juan 17:11

Junni tsainaban la wari in tote itochinayoe tie. Nuchica manlachinayoe. Labe penenaminla mantimini, yalari in tote canenalarachunae tie. Apa Diosi, nu tsara sen joe. Junto yalaca cuidaina! tie. Nuri lachi mantá cuwae. Junni yalaca jun mantate cuidaina! yape yala tala man junni jolajosa. Labe nube man junni jonan, yala jun tsannan jolajosa tenjae tie.

San Juan 17:25

Sen Apa Diosi, uyanla nuca miitucala joe. La nuca tsarasica mirayoe. Lachi tsachilanan miralarae; la nu ereca jun jaca joeque miralarae tie.

San Juan 17:5

Junni amana, Apa Diosi, lacanan tsara sen joeque quirawode! tie. To caitosanan, lari nube chuto uraran tsente chumanyoe tie. Junni amananan nuchibi jun tsannan mansuwade! tie.

San Juan 20:27

Junto Tomabe pato, Jesús itsantie: —Nuchi temisuchi inte tilito quirade! tie. Nuchi tedechi quilinchile lansa wica jun foroca taquirade! tie. Nu quereitumin itona! tie. Quereimin jona! tie.

San Juan 7:33

Junni Jesús israelítalabe itsantie: —Nulachite nasiri canenachinayoe tie. Junto laca ereminchica manjichinayoe.

Románolachi 8:29

Itsanque joe: Diosibe cacayaitusanan miraminue mo mo yachi tsachila inola jonunca. Junni yalaca wenteto, yachi Nao cuwenta suwano joyoe tinue yape yachi mancari Nao duque acola, soquila tasa.

2 Coríntolachi 6:18

Nulachiri Apa joanae tinue. Nulari lachi nalala jolajochunae tinue. Jera poden Diosi tsantica joeque chuteca joe.

Israelítalachi 11:16

Te, yala jun toca manneyalaquitunue; yala neyananun to tsaracari fe sen to jominue. Diosichi to jominue. Jun tenchi Diosiri luratue yalachi Diosi joe latinasa. Yalachi tenchi sen puebloca jera seca joe.

Israelítalachi 8:10

Miya Diosiri manca mate israelítalabe casan trato manqueyanae tinue. Itsanque jochunae tinue: Lachi mantaca miisa cariyanae tinue. Lachi mantaca yalachi tencabi poanae tinue. Yalachi Diosi joanae; yalari lachi tsachila jolajochunae tinue.

1 Pédrochi 1:3

Apa Diosica se tintsan joe. Yari chiquilachi Miya Jesucrístochi Apa joto, ya puyacaca mansoncarinue. Yaca mansoncarito, chiquilacanan duque laquirato yachi nalala isa carinue. Junni chiquilari yachi nalala joto, yaca meralarayoe chiquilaca jamochi pansi sonnasa carichunaeque.

1 Juanchi 3:2

Nulaca laquirato payinayoe. Numa Diosichi nalala jolajoyoe. Juntonan Jesucristo manpatanasa niya quiraque jocaichunanque camiitolajoyoe. Incari miralarayoe: Ya quirainasa, chiquilanan yaca seque quirato, ya cuwentanan jocaichunaeque.

Quirajanunca 21:3

Junsi mantato chudinunbi nechi manan fiquica meráyoe. Yari sonba pato, itsantie: —Quirade! tie. Diosiri tsachilabe chuto poleno joe tie. Yalari yachi tsachila jolajochunae tie. Junni Diosi patsa yalabe chuto yalachi Diosi jochunae.

Quirajanunca 21:7

Fe lominla junca jera tsacumin jolajochunae tie. Yalachi Diosi jonan, lachi nalala jolajochunae tie.