San Juan 20:15 - Diosichi Pila

¹⁵ Junni Jesunan itsantinue: —¿Niya jonan warenayun? tinue. ¿Moca neyanayun? tinue. Junni María Magdalena ya fiquica meráto, wita tsan cuidaimin jonhoeque tenhito, nuri Jesuca uyanchi tanjica jotori, tile tatotiya chiquebe paniquede! tinue yaca mancábi jichun.

San Juan 20:15 ပူးပေါင်းရင်းမြစ်များ

San Mateo 12:34

Junni lanan, nulanan, weyan tsachilanan jun puca pele cuwenta jolajoichunae tie. Sen tenca tanlari seque paminla jocaichunae. Junni nulari ti quiran pini cuwenta joto, natiya seque pano podeilaituchunae. Tsachilachi tencabi tanunca yalachi fiqui forochi paminla joichunae tie.

San Mateo 28:5

Junni ya sonala féto quiranari, anjeli yalabe itsantinue: —Jele titulajode! La mirayoe tinue. Nulari Jesús corosibi puyaca jominca quirabi jalainae tinue.

San Marcos 16:6

Junni yalabe itsantinue: —Nulari wepanalaituna! ¿Jesús Nasareno corosibi puyaca jominca neyalaquinaco? Aman inte itoe tinue. Mansonhica joe. Yaca tsoreca jonun postoca quiralaquede! tinue.

San Lucas 24:5

Junni sonalari yalaca quirato, jeleito, tobi mutsailainue. Junnasa ya unilalari yalabe itsanlatinue: —¿Nulari niyaito menaranun forobiri son tsachica neyalaquinayun? latinue.

San Juan 1:38

Junni Jesuri quiraereto, benechi janaminlaca quirato, ¿Tica neyalaquinayun? tinue. Yalari yaca Rabí tito, ¿Tile chuyun? latinue. (Aman israelítala tala micariminlaca “rabí” tinunla joe.)

San Juan 18:7

Junni Jesús manaman itsantie: —¿Moca neyalaquinayun? tie. Junni yalari manpato, Jesús Nasarénoca neyalaquinayoe latie.

San Juan 20:13

Junni anjelila ya sonaca quirato, ¿Niya jonan warenayun? tilatie. María Magdalénari beconan pato, chiquilachi miya puyaca junca tarinlaquinue. Nunchi tanjica jonunca miitolajoyoe tinue. Jun tenchi warenayoe tinue.