San Juan 18:33 - Diosichi Pila

³³ Aman junni Pilátori mantanun tamochi manwito, Jesuca oticato, itsanque panhanue: —¿Nu israelítalachi miya joyun? tinue.

San Juan 18:33 ပူးပေါင်းရင်းမြစ်များ

San Mateo 27:11

Aman junni Jesuri miya Pilátochi cale wiruraminbe Pilato itsantinue: —¿Nuri israelítalachi miyayun? tinue. Junni Jesuri tsan joyoe tinue.

San Mateo 27:27

Junni miyachi soldadola Jesuca casale miyachi yabi wa tamochi tanwito, jerale jun bolon soldadolaca layaisa carilaquinue.

San Marcos 15:2

Junni Pilátori Jesube panhato ¿Nuri israelítalachi miya joyun? tinue. Junni Jesuri tsan joyoe tinue.

San Lucas 23:2

Junni Jesuca culpa quechiqueri itsanlatinue: —In tsachiri jerale israelítalaca seiton suwanae tilatinue. Nulachi miyaca merátuto, nin inpuesto calaca cuwatusa timin joe. Aman nulachi miyaca merátuto, yanan Cristo tinun miya joyoe timin joe latinue.

San Juan 1:49

Junni Nataniélinan Jesuca Rabí tito itsantinue: —Nu Diosichi Nao joe. Israelítalachi Miya joe tinue.

San Juan 12:13

Junto cati japisunan quiranca cato, Jesuca tulaibi jalaie. Biba quede jalaie. Diosichi mantate janaminca seque pantsan joe latie. Israelítalachi miya joe latie.

San Juan 12:15

Jerusalenbi chuminla, nula jele tilatitunaque chuteca joe. Quiralaquede! Nulachi Miya buro nabi chudito jachunaeque chuteca joe. Matu mate Diosichi Pilabi tsanque chuteca josa, Jesús jun tsannan inaminue buro nabi chudito jaca.

San Juan 18:34

Junni Jesuri tulanto, ¿Nusiri laca tsantinayun, o uyanlanan laca miya joe latinun? tinue.

San Juan 18:37

Junni Pilato jun fiquica meráto, itsantinue: —¿Junni miya jono patico? tinue. Junni Jesuri itsantinue: —Nu tsa tie tinue. La miya joyoe. Tsarasica pamin joyoe tinue. Tsarasica pachun naicayoe tinue. Jun tenchi toca patacayoe tinue. Tsarasica pánanunca meráminlari lachi fiquica meralaquichunae tinue.

San Juan 18:38

Junni Pilato Jesús tsanticaca meráto, ¿ti fiqui tsarasica jono jonhoncan? tinue. Aman Pilato Jesube tsantito, israelítalachica manlato itsantie: —Laberi Jesús natiya culpa itoe tie.

San Juan 19:12

Jesús tsantinan, Pilato yaca manlarichique tenfenaminhe. Tsan josanan, israelítala sonba pato itsanlatie: —Jesuri Miya joyoe tito, nulaca mantamin miyachi contra jochunae latie. Junni nu Jesuca manlaritori, nunan nuchi miyachi contra pejochunae latie.

San Juan 19:3

miyaca cuwenta Biba tilatinue. Israelítalachi miyaca biba quilaquisa! tilatinue. Junni biba quinatonan, tedechi quilaquinue.

San Juan 19:4

Junni Pilato manlato, israelítalabe itsantie: —Quiralaquede! Lachi tencari Jesús natiya culpa itoe tie. Junca miilaisa, yaca nulachica manlarichinayoe tie.

San Juan 19:9

Junni mantanun yabi Jesuca mantanwito, ¿Nunchi nechi joyun? tinue. Tsannan Jesús patunue.

1 Timotéochi 6:13

Aman Jesucrístonan seque pato, Diosichi joyoe tinue. Poncio Pilátobe cuenta quinato tsantinue. Junni lari Jesucrístochi cate, jeralelaca sonnasa carimin Diosichi catenan, nuca itsanque mantanayoe: Nuca mantacaca duque seque meraná! natiya culpa itochun. Chiquilachi Miya Jesucristo manquiraino fecári tsanque nenana!