San Juan 16:32 - Diosichi Pila

³² tinaminlacatiya ara cura suerelaquichunae tie. Laca purato, yaca mansujilaichunae tie. Junni fe sele pato, sujilaichunae tituntsan joe; sujilaichinae tintsan joe. Aman nula laca purato sujica josanan, la mancari itoanae tie. Lachi Apanan labe pejochunae tie.

San Juan 16:32 ပူးပေါင်းရင်းမြစ်များ

San Mateo 26:31

Junbi Jesús chiquilabe itsantie: —Diosichi Pilabi itsanque chuteca joe tie: Opisa cuidaiminca totenan, yachi opisa epele ara cura jera sujilaichunaeque chuteca joe tie. Junni nula amana quepen jun opisa cuwenta laca purato sujilaichunae tie.

San Mateo 26:56

Diosichi mantate paminlari Diosichi Pilabi chuteto, nulaca jera chuteca jominlanue nula tsanquinola jonunca. Junni tsanque chuteca josanan, nulari jun tsannan quilaquinae tie. Junni Jesús tsantinunsi yabe penenaminlari yaca purato jera sujilaiyoe.

San Marcos 14:27

Junni Jesuri yalabe itsantinue: —Amana quepen nula jeralela laca purato sujilaichunae tinue. Aman Diosichi Pilabinan junca itsanque chuteca joe tinue. Opisaca cuidaiminca totenan, yachi opisa epele ara cura jera sujilaichunaeque chuteca joe tinue.

San Marcos 14:50

Junni Jesús tsantinasale, jerale yachi tsachilari yaca purato jera sujilainue.

San Juan 12:23

Junni Jesuri Felípela tsanque cuenta quinunca meráto, itsanque micarie: —La tsachi ica jun jonan, Diosi lachi tsara uraran mantá cuwano óra fachinae tie.

San Juan 16:2

Diosica tennatuminlari nulaca Seitonla joe tito, Diosichi fiqui miinun yabi nechi larilaquichunae yape weyanlabe pelayailaitusa. Man mate nulaca totenato, Diosichi tenchi seitonlaca totenayoe tilatichunae tie.

San Juan 16:25

Junto Jesuri chiquilabe cacuenta quinato itsantie: —La nulabe cuenta quito, conparasion quito cuenta quinamanyoe tie. Man nete mantimini tsantituanae. Apa Diosica tuca paniqueyanae tie.

San Juan 16:31

Junni Jesuri chiquilabe tulanto itsantie: —Amana quereilaiyoe

San Juan 19:27

Junsi aman labenan pato, quirade! tie. In sonari nuchi ayan cuwenta jochunae tie. Junni junte nechi Jesuchi ayanca lachi yabi pechusa carito cuidaiyoe.

San Juan 20:10

Junni menaranun forobi tsanque quiratobi manjilaiyoe.

San Juan 4:21

Junni Jesuri yabe itsantinue: —Meráde! tinue. Nube tsarasica pachinayoe. Inale ja dunan, nin Jerusaléncanan jitutonan Apa Diosibe rocaito se tilatichunae.

San Juan 4:23

Junni tenca cade! Diosibe rocainato yaca se tinatori, tencabiri tsanquintsan joe. Apa Diosi tsachilaca tsanquisa munarae. Diosibe tsarasi rocaiminla, yaca tsarasi se timinla, inale tencabiri tsanlaquichunae tinue. Amananan tsanquilaquinae tinue.

San Juan 5:25

Junni nulabe tsarasica pachinayoe. Numa óra faca joe yape tenca puyaca junla lachi fiquica meralaquisa. Lari Diosichi Nao joto yalabe pachinayoe. Junni laca meráminlachi tencaca mansoncariyanae tie.

San Juan 5:28

Junni la tsantinanunca natiya wepanatulajona! tie. Man mate jerale puyaca joto menaraminlanan lachi fiquica meralaquichunae tie.

San Juan 8:16

Tsanni culpa quitutonan, tsachilaca miimin joyoe culpa talaranunca. Junto la tsachilaca culpa tanunca miitonan, tenca mántari miitiyoe tie. Lachi Apari laca erecae. Junni lachi Apabe labe paluito miiminlayoe. Junto lari tsachilaca miito, tsarasica miimin joyoe tie.

San Juan 8:29

Junni laca eremin labenan pejoe. Lari lachi Apa munaranuncasiri quinanan, laca natiya puratuminhe tie.

Mantá Tanla 21:6

Diosibe rocaitobi, pansile manquiracaichunae tito, barcobi manwito jilaiyoe. Junni Tírobi chuminlari manjilaie.

Mantá Tanla 8:1

Junni Diosica tenca tan tsachila Esteban puyacaca duque laqui tito menalaquinue. Aman israelita mantaminla Estébanca totelaquinasa, Sáulonan yaca totenilaquede! petinaminue. Junni jun male nechi Jesucrístochi tsachila Jerusalenbi duque padeseilainue. Seitonla yalaca Jesucrístobe penenaminla jonun tenchi padeseisa carinaminlanue. Sáulonan Jesucrístobe penenaminlabe duque seiton pejominue. Jesucrístobe penenaminlachi ya cura wito, yalaca muricade larito tanjinue. Unilalacanan, sonalacanan cato jera donue. Junni Jesuchi tsachila ara cura jera jilainue Judea tobinan, Samaria tobinan. Crístochi mantá tanlasiri ara cura jilaitunue.