San Juan 13:34 - Diosichi Pila

³⁴ Nulachi casan mantá cuwachinayoe tie yape nula tala laquiracaalaquisa. La nulaca laquiranun cuwenta, nula talanan laquiracaalaquina! tie.

San Juan 13:34 ပူးပေါင်းရင်းမြစ်များ

San Mateo 5:44

Junni matu tote tsantica josanan, Jesús uyan quiraque pachinayoe tie: Nulaca paiminlacanan laquiralarana! tie. Nulaca yucaquiminlachi tenchinan Diosibe rocailaina! Nulaca pa jominlabe sen jolajona! Nulaca seiton quiminlachi tenchi Diosibe rocailaina! tie. Nulaca Diosichi tsachila jonun tenchi seiton quilaquinari, yalachi tenchinan Diosibe rocailaina!

San Juan 15:17

Junni nulaca itsanque mantaquechinayoe tie. Nula tala laquiracaalaquina! tie. Jesús tsanque micarie.

San Juan 17:21

yape jeralela man junni jolajosa. Apa Diosi, ¿labe nube man junni jolajoyoco? tie. Junni inlanan chiquilabe man junni jonola joe tie. Tsan jonola joe yape nuca tennatuminlari quereilaisa la nu ereca jun jaca joeque.

Románolachi 12:10

Acola tala cuwenta laquiracaalaquina! Uyanlaca fécari respetaintsan joe ticaalaquina!

Románolachi 13:10

Uyanlaca laquiratori, yalaca natiya seiton quitulajochunae. Junni laquiraminlari Diosichi mantaca jera meráminla jochunae.

Románolachi 13:8

Nelo nenatulajona! Neloratutori, cala mancuwanoca tennatuminnan, jeralelaca laquiranocasiri tennanola jochunae. Uyanlaca laquiraminla Diosichi jera mantaca meráminla jochunae.

Galácialachi 5:22

Aman Diosichi Tencabe penenaminlari uyan quiraque nenalarachunae. Chide pele puca inanun cuwenta yalari sen iniiminlae. Laquiran, son tin, wepanatuto pansi chun, uyanla pasuwanasa paitun, sen joto isapun iton, peleitun,

Galácialachi 5:6

Jesucrístobe cayaica junla tala man parejori jolajoyoe. Quidoca poraica junlanan, o poraica itonlanan, jun tsannan jolajoyoe. Quereicachi quereintsan joe. Junsi quereito, laquiracaantsan joe.

Galácialachi 6:10

Junni numasitiya jeralelabenan sen jolajona! Crístobe cayaica junlabe mantimini fécari sen jolajona!

Galácialachi 6:2

Nula tala tsanque beco beco peayudaicaalaquina! Jesucristo tsanque nenasa mantaca joe.

Efesolachi 5:2

Cristo chiquilaca laquiramin joto, tencachiquenan Diosichi cuwapoito puyanue chiquilachi jutsa tenchi. Tsanque cuwapoito, Diosichi tsara uraran pubanca epe cuwaca cuwenta jominue. Junni Crístonan nulaca laquiramin jonun tenchi nula talanan laquiracaato nenalarana!

Colósalachi 1:4

Chiquilari nulaca meralaquiyoe Jesucrístobe cayaito, jerale yachi tsachilaca laquiralaraeque. Jun tenchi nulachi tenchi acradeseiminlayoe.

1 Tesalónicalachi 3:12

Chiquilari nulaca duque laquiralarayoe. Junto Miya Diosibe rocailainayoe yape nula talanan jun tsanquenan fécari laquiracaalaquisa. Nula talanan fécari laquiracaato, piyanlelacanan jun tsanquenan laquiralarasa tenjae.

2 Tesalónicalachi 1:3

Acola, soquila, numasitiya nulachi tenchi Diosibe acradeseinola joyoe. Nulari Diosica fécari tennamin ilainae. Nula tala fécari jeralelaca laquiracaaminla joe. Jun tenchi acradeseintsan joe.

Israelítalachi 13:1

Acola cuwenta seque laquiracaalaquina!

Santiago 2:8

Miya Diosichi Pilabi itsanque fe merántsan mantaca chuteca joe: Tencachique laquiranun cuwenta, uyanlacanan jun tsanquenan laquiralaranaque chuteca joe. Jun mantaca merátori, seque nenaminla jochunae.

1 Pédrochi 1:22

Tsarasi pacaca meráto, nulachi tenca manseilainue. Jesucrístobe pecayaica junlaca laquirachun manseilainue. Junto beco beco tsarasica laquiracaalaquina!

2 Pédrochi 1:7

Junsi Diosica fe meráto, uyan Jesucrístobe penenaminlaca fe laquiramin ide ide jilaina! Junsi yalaca laquirato, jeralelacanan fe laquiramin ilaina!

1 Juanchi 3:11

Beco beco laquiracaanola joyoe. Ya fiquica nulari casalebi nechi meracala joe.

1 Juanchi 3:23

Yachi mantá mantimini itsanque joe: Beco beco laquiracaato, yachi Nao Jesucrístoca quereintsan joe. Aman Jesucrístonan jun tsanquenan mantanue.

1 Juanchi 4:21

Diosi chiquilaca itsanque mantanue: Laca laquiraminla yalachi acolacanan laquiranola joe tinue.

2 Juanchi 1:5

Junni laquiranun amica, nuchi erechun pila quinato, casan mantaca chutetiyoe. Matu mantacacanan manchutenayoe chiquila tala laquiracaantsan joeque.