San Juan 12:32 - Diosichi Pila

³² Junni lari corosibi totaito, lachi piyanle tsachilaca labe jera cayailaisa cariyanae tie.

San Juan 12:32 ပူးပေါင်းရင်းမြစ်များ

San Juan 1:7

Yari tsen suwaminca cuenta polarichun jominue yape jeralela junca meráto tsen suwaminbe cayailaisa.

San Juan 12:34

Junni ya fiquica meráminlari itsanlatie: —Diosichi Pilabi Cristo tinunca pato, ya numatotiya sonnato polechunaeque chuteca joe latie. Nu Jesús mantimini tsachi ica jun joyoe tito, corosibi totaino joyoe tie latie. ¿Junni tsachi ica jun, yanan Cristo jotun? latie.

San Juan 18:32

(Israelita mantaminla tsanlatinato, Jesús paca jun fiquica se larinaminlae. Jesús corosibi puyano joyoeque paca jominue. Tsannan israelítalari seitonlaca toteto, corosibi totetumin jominlanue; románolari corosibi totemin jominlanue. Junni israelita mantaminla romano miyabe tsanque totedeque rocainato, Jesuchi fiquica se larinaminlae.)

San Juan 19:17

Yanan yachi corosica nanato jie. Junni Misu Chide tinun postoca tanjilaie. (Aman israelítalachi fiquichi misu chideca “cólcota” timin jominlayoe.)

San Juan 3:14

Matu tote Moisechi pinica mantenhide! tinue. Israelítala niyanlanantiya chutunun tose polenato, Moisés pini molde quito jamobi eruncarinue yape tsachila pinica quirato manseilaisa. Junni lanan tsachi ica jun joto corosibi erunhino joyoe.

San Juan 6:44

Apa Diosiri laca erecae tie. Diosi labe cayaino munarasa carinunlasiri labe cayaino podeilaichunae tie. Uyanla podeilaituchunae tie. Cayaica junlacari to jeraino mate la mansoncariyanae tie.

San Juan 8:28

Junni Jesús yalabe manan pato itsantie: —La tsachi ica jun joto erunhito puyano joyoe tie. Laca jamobi eruncaritobi, la ti tsachi jonunca miilaichunae tie. Junni lachi tencachique mantateri tinantiya quitumin joeque, lachi Apa pacacasiri la manpamin joeque, miilaichunae tinue.

Galácialachi 3:13

¿Junni Diosichi mantaca merátunun tenchi yucaquino jonunca niyan timannan? Crístori chiquilaca se larinue yape Diosi chiquilaca yucaquitusa. Diosichi Pilabi junca itsanque chuteca joe: Chidebi eruncarica junlari jeralela yucaquica junla jochunaeque chuteca joe. Cristo tsanque corosibi puyato, tenca mántanan yucaquica inue yape Diosi chiquilaca yucaquitusa.

1 Timotéochi 2:6

Junni jeralelaca se larichun puyanue. Tsanque pacara quinue chiquilachi jutsaca piyarichun. Junni ya sen fiquica cuenta polarino ma fanan, Diosi ya fiquica merawosa carinue.

Israelítalachi 2:9

Jesús mantimini, yanan tsachi ica joto, yari mantamin joe. Yanan tsachi ito, moora nacári anjelilaca nasi pelenan peica jotonan, amanari tsaracari mantá tae. Diosi yachi duque mantá cuwato, yaca tsara sen joe tinue. Jesús padeseito puyaca jonun tenchi, Diosi yachi mantaca cuwanue yape jeralelachi tenchi puyaca jun patisa.

1 Pédrochi 2:24

Chiquilachi jutsa tenchi corosibi wiloito puyae. Yari chiquilachi jutsaca piyarichun puyae yape seque nenalarasa. Ya fudainun tenchi nula manseilaie.

1 Pédrochi 3:18

Jesucrístori jun tsanhinue. Sen jotonan, jerale seitonlachi tenchi puyanue yalachi jutsaca piyarito Diosibe cayaisa carichun. Yachi pucari puyaca josanan, Diosichi Tenca yaca mansoncarinue.

1 Juanchi 2:2

Yari chiquilachi jutsa tenchi puyaca jominhe. Juntonan chiquilachi tenchisiri itominue. Piyanlelachi tenchi puyaca jominhe.

Quirajanunca 5:9

Ya tason tanlari Opisa Náca casan canta quilaquinae. Itsanque canta quilaquinae: Nuri ya seyoca boleno michi sen joe latinae. Nu totaito nuchi asanchi tsachilaca Diosichi tenchi se laricae latinae. Nu se larica junla jerale tsachi bolonbi nechi, jerale fiqui paminlale nechi, jerale tobi chuminlale nechi jolajoe latinae.