San Juan 12:27 - Diosichi Pila

²⁷ Junni Jesús tsachilabe cuenta caquinato, itsantie: —Tsainanan lachi tenca wepananae tie. ¿Junto niyan tino joinhin? Apa, nu laca padeseisa caritude! tituntsan jochunae tie. Padeseibinan jacayoe.

San Juan 12:27 ပူးပေါင်းရင်းမြစ်များ

San Mateo 11:25

Tsantitobi Jesús yachi Apa Diosibe itsantinue: —Apa, jamochinan, tobinan nusiri Miya joe. Junto nu duque miraminlaca nuchi sen fiquica miisa caritue. Nuri tsachilaca laquirato, uyan tala quino tenca cae tinue. Nalala cuwenta miratuminlacari nuchi sen fiquica miino podeisa carie tinue. Jun tenchi nube acradeseinayoe tinue.

San Mateo 26:42

Junni Jesús tsantisi, manan manjito Diosibe manrocainue. Itsantinue: —Lachi Apa, la padeseinoca polaride! Aman padeseinamincanan polarino jotori, yanan se jochunae. Nu tsanque mantanari, tsanhiyanae tinue.

San Mateo 26:45

Juntobi yabe penenaminlachica manan manjato, itsantinue: —¿Catson tsoniralarayun? ¿Cajasainiilainayun? Aman meralaquede! Laca cuwapono óra faca joe tie. La tsachi ica jun joto seitonlachi cuwapoichinayoe tie yape laca calaquisa.

San Lucas 22:44

Junsi Jesuri tsanque puyano joyoeque tencabi padeseinato, nantanancari sonba rocainue. Chipi larinan, asan wa tsoroca tsan tobi patinue.

San Lucas 22:53

Diosichi yabi ma cura nulachite micarito chuminca calaquitue. Tsanni amana nulachi óra joe. Yucan mantano óra joe tinue.

San Juan 11:41

Junni Jesús tsantinunbi, puyacaca menaranun forote nechi suca manlasilaquee. Junni Jesuri jamochi quirato itsantie: —Apa, nuri laca meránun tenchi la acradeseiyoe tie.

San Juan 12:23

Junni Jesuri Felípela tsanque cuenta quinunca meráto, itsanque micarie: —La tsachi ica jun jonan, Diosi lachi tsara uraran mantá cuwano óra fachinae tie.

San Juan 13:21

Junni Jesús tsantito, yachi tencabi duque wepananato, chiquilabe itsantie: —La nulabe tsarasica pachinayoe tie: Nula manca laca cuwapochunae tie.

San Juan 18:37

Junni Pilato jun fiquica meráto, itsantinue: —¿Junni miya jono patico? tinue. Junni Jesuri itsantinue: —Nu tsa tie tinue. La miya joyoe. Tsarasica pamin joyoe tinue. Tsarasica pachun naicayoe tinue. Jun tenchi toca patacayoe tinue. Tsarasica pánanunca meráminlari lachi fiquica meralaquichunae tinue.

1 Timotéochi 1:15

Junni tenca cade! Jeralela quereintsan fiquica chutechinayoe. In fiqui tsarasi fiqui joe. Duque merántsan fiqui joe. Yari itsanque joe: Jesucrístori jutsa quiminlaca se laribi toca patanue. Junni piyanle jutsa quiminla tala lari fécari jutsa quimin jomanyoe.

Israelítalachi 2:14

Jun nalala tinunlari tsachila jolajoe. Junni Jesunan tsachi inue ya puyanato yucanca jera fe lochun. Yucanni tsachilaca puyasa carimin joe. Junni Jesús puyanato, tsachilaca puyasa cariminca jera fe lonue.

Israelítalachi 5:7

Jesús in tote canenaminnan, Diosibe rocainue. Sonba pato warenato, Diosibe rocainue ya puyacaca manse larisa. Junni Diosica respetaito jeleramin jonun tenchi yaca meránue.