San Juan 11:53 - Diosichi Pila

⁵³ Junni Caifás tsantitobi, israelita mantaminlari Jesuca totesa carichique tenfeto nenaminlanue.

San Juan 11:53 ပူးပေါင်းရင်းမြစ်များ

San Mateo 12:14

Fariséola mantimini junca quirato, junte nechi manloto tenpalaquinue Jesuca niyaque totentsan jonunca.

San Mateo 16:21

Junni jun male nechi Jesuri yabe penenaminlaca tuca micarinaminue puyano joyoeque. Itsantinue: —Jerusalén puebloca fenunbi, israelita mantaminla laca padesecarilaquichunae tie. Mantá tan unicalabe, mantá tan patelelabe, israelítala tala mantaca micariminlabe, jerale layaito, laca totesa carilaquichunae tie. Junnasanan la peman ma puyaca joto mansonhiichunae tie.

San Mateo 22:46

Junni Jesús tsantinunbi, niyanlanantiya beconan manpano podeilaitue. Juntele nechi niyanlanantiya yabe manpanhalaquitue luchi.

San Mateo 26:4

tenpanaminlanue Jesuca niyaque nosa cato toteno jonunca.

San Mateo 26:59

Junni mantá tan patelelabe jerale mantaminlabe junbi jera layailaito, testicolaca munaraminlanue yape Jesuca nene pato culpa quilaquisa. Jesuca culpa quito, totesa carichi tilatinue.

San Marcos 14:1

Junni aman casa ma fiesta ichun palu ma cajominue. Jun fiestate lebadura iton bibuca finun jominue. Junnasa mantá tan patelelabe, israelítala tala mantaca micariminlabe Jesuca totechi tito, yaca nosale nechi cachique tenca cade nenaminlanue.

San Marcos 3:6

Junni fariséolari junca quirato, junte nechi manloto jito, Heródechi bolonlabe layaito jera tenpalaquinue Jesuca niyaque totentsan jonunca.

San Juan 11:47

Junni fariséola junca meráto, yalabe mantá tan patelelabe layaito weyan mantaminlacanan jacarito, tenpalaquinue. Yala tenpanato, itsanlatinue: —¿Niyan quicaichunan? Ya tsachiri duque wepanato quirantsancari quinae latinue.

San Juan 12:10

Junni Lázaroca mansoncarica jonunca quirato, duque israelítalari mantá tan patelelaca telaquepoto, Jesube cayainaminlanue. Jun tenchi mantá tan patelelari Lázarocaman toteno tenca canaminlanue.

San Juan 7:1

Junni Jesús tsachilaca tsanque micarinunbi, israelita mantaminla yaca totechi latinaminue. Jun tenchi Jesús Judea tobi nenatuto, Galilea tobiri nenaminhe.

Mantá Tanla 5:33

Jun fecári meralaquinaminnan, israelita mantaminla Pédrolaca duque paito totechi latinue.

Mantá Tanla 9:23

Junni Saulo numari micarinasanan, israelítala tenpalaquinue yaca totechun.