San Juan 10:34 - Diosichi Pila

^34-36 Jesunan ya fiquica meráto itsantie: —¿Nula Diosichi Pilaca tennaminla joyoe latitiyun? tie. ¿Jun pilabi chuteca jun fiquica natiya telatuntsan joco? tie. Aman jun pilabi Diosi patsa tsachilaca pato, “diosila” tinue tie. Junni Apa Diosi jun tsachilachi yachi fiquica cuwaca jominue jera meralaquisa. Laca mantimini wenteto mantá tan suwato erecae tote patato nenasa. Junni Diosi ya tsachilaca diosila tica jonari, ¿niya jonan laca pailainayun tie Diosichi Nao joyoe tinun tenchi? ¿Niyaito laca Diosica seitonque pánae tino podeilaichun? tie.

San Juan 10:34 ပူးပေါင်းရင်းမြစ်များ

San Juan 12:34

Junni ya fiquica meráminlari itsanlatie: —Diosichi Pilabi Cristo tinunca pato, ya numatotiya sonnato polechunaeque chuteca joe latie. Nu Jesús mantimini tsachi ica jun joyoe tito, corosibi totaino joyoe tie latie. ¿Junni tsachi ica jun, yanan Cristo jotun? latie.

San Juan 15:25

Diosichi Pilabi yalachi tenchi itsanque chuteca joe tie. Laca epenan pailaichunaeque chuteca joe. Junni Diosichi Pilabi tsanque chuteca josa, jun tsanquenan patinae.

San Juan 8:17

¿Nulachi mantabi juncanan pila chuteca jotun? tie. ¿Paluca testicola palaquinari, tsa joe tintsan joeque chuteca jotun? tie.

1 Coríntolachi 14:21

Diosichi Pilabi itsanque mantá chuteca joe. Miya Diosi itsantieque chuteca joe: Uyan fiquichi paminla in tsachilabe Miya Diosichi mantate palaquichunae tinue. Diosi uyan to tsachilaca nulachica ereyanae tie tinue yape nulabe palaquisa. Tsan josanan, nulari lachi fiquica merátuchi latichunae tie tinue. Miya Diosi tsantinueque chuteca joe.