San Juan 10:31 - Diosichi Pila

³¹ Junni Jesús tsantinunsile, israelítala manaman suca mancalaquee yaca su walacachi quito totechun.

San Juan 10:31 ပူးပေါင်းရင်းမြစ်များ

San Mateo 12:14

Fariséola mantimini junca quirato, junte nechi manloto tenpalaquinue Jesuca niyaque totentsan jonunca.

San Mateo 21:35

Junni wita cuidaiminlari peyunlaca cato, mancaca chidechi quin, mancaca toten, mancaca su walaca quin, quilaquichunae.

San Mateo 23:35

Tsanquinun tenchi duque culpa ilaichunae tie. To quinunle nechi duque sen tsachila totailainue. Jana casale matu to Abel sen jominca yachi aconan totenue. Junte nechi duque wata itsanchi, duque uyan senla totailainasa, Zacarías tinuncaman totelaquinue Berequíachi naoca. Yaca Diosichi yabi totelaquinue Diosichi sen tamobe Diosichi titiya epe cuwanun mesabe jolale. Junni nulari la ereca junlaca toteminla joto, jerale uyanla totachi puyacala tenchinan nulanan culpa talarachunae tie.

San Juan 1:19

Junni israelítalari Juanbe panhabi Jerusalenbi nechi jalaie. Patelelabe yalachi lebita tinun ayudaiminlabe jalaie. Yala israelita mantaminla mantaca junla jato, ¿Moyun? tilatie.

San Juan 10:24

Junni israelítalari Jesuchi awinta layaito itsanlatie: —¿Numasi nu chiquilabe pachun? latie. Diosi wenteca jun Cristo tinun jotori, paniquede! latie.

San Juan 10:32

Junni tsanquechinaminlaca quirato, Jesuri itsantie: —Lachi Apa Diosichi mantate duque seque quiyoe tie nulachi cate. La ticatiya sequesiri quinamanyoe. ¿Jun tenchi laca totechi latinayun? tie.

San Juan 11:8

Junni chiquilari Jesube itsanlatiyoe: —Miya, ¿Judéabi israelita mantaminla tsaina nuca su walacachi quito totechi ticala jotun? latiyoe. Tsan josari, ¿niyaito junchi manjino muquin? tilatiyoe.

San Juan 5:18

Junni ya fiquica meráto, israelita mantaminlari nantanancari pailainue. Jesús jasaino mate tennatumin jotonan, junsi Diosica “Apa” tinitinue. Diosica “Apa” tinato, yari Diosibe parejo joyoe tinaminue. Jun tenchi yaca nantanancari totechi tinaminlanue.

San Juan 8:59

Junni Jesús tsantinunsi, israelítala su calaquee su walacachi quito totechun. Jesús mantimini tsaito, Diosichi yabi nechi manloe. Junsi yalachise poleto jiniie.

Mantá Tanla 7:52

Aman chiquilachi matu to familialari jerale Diosichi mantate paminlaca seiton quimin jominlanue. Ya Diosichi mantate paminlari pato, sen tsachi jano joe latinue. Junni chiquilachi matu to familialari tsantiminlaca totelaquinue tinue. Junni nulaman ya jano jomin sen tsachicanan totesa carilaquinue. Uyanlachi cuwapoto, yaca totesa carilaquinue tinue.