San Juan 1:48 - Diosichi Pila

⁴⁸ Nataniéliri yaca meráto, ¿Niyaito laca miiyun? tinue. Junni Jesuri beconan pato itsantinue: —Felipe nuca cajasa titusanan quiracayoe tinue ico pele tenpe chuminca.

San Juan 1:48 ပူးပေါင်းရင်းမြစ်များ

San Mateo 10:3

Junsi Felipe, Bartolomé, Tomás, la Mateo jominlayoe. La Mateo casale miyachi tenchi inpuesto cala camin jomanyoe. Junsi manca Jacobo jominhe Alféochi nao. Junsi Lebeo jominhe; yaca Tadéonan tinun jominhe.

San Mateo 6:6

Nula Diosibe rocainatori, tamochi wito tamolan donola joe. Junbi nosale Diosibe rocainola joe. Tsanquinari nulachi Apa Diosiri jera nosa jonuncanan quiramin joto, premio tsanca jeralela quiralaquinasanan cuwachunae tie.

San Juan 1:44

Felíperi Betsaida pueblobi nechi jominue. Andrebe Pédrobenan junbinan chuminlanue.

San Juan 12:21

Aman Jesube penenamin tsachi manca, ya Felipe tinun, junbi peraminue. Ya Betsaida pueblobi nechi jominue Galilea tobi. Junni ya griégola Felípechica jato, duque respetaito pato, itsanlatie: —Chiquila Jesuca quirano munaralarayoe latie.

San Juan 14:8

Junni Jesús tsantinunsi, Felíperi itsantie: —Miya, Apa Diosica chiquilachi quirawode! tie. Wari chiquilari nantari panhalaquituanae tie.

San Juan 2:25

Uyanlabe tsachilaca panhatuminnan, yari tsachilachi tencaca numa miraminue niyan jonunca.

San Juan 6:5

Aman junni duque tsachila jalainaminca quirato, Jesuri Felípebe itsantie: —¿Inchi janaminlachi ano cuwachun tile cayaichunan? tie.

San Juan 6:7

Junni Felipe itsantie: —Duque animali ano munarachunae tie. Duque duque mican bibu canasatiya, jeralelachi nasi nasi nacári cuwano michi ichunae tie.

1 Coríntolachi 14:25

Yala seiton quicaca monantiya miitolajonunca yalachi tencabiri jera mantenhilaichunae. Junto tobi mutsaito Diosica se tilatichunae. Diosi nulabe tsarasica pechueque panilaquichunae.

1 Coríntolachi 4:5

Junni miino óra cajosanan, miichique tenfetulajona! Miya Jesucristo manpatatobi, jera miisa carichunae. Tsachila ticatiya nosa quito nenaminlaca jun mate jera miintsan jochunae. Tsachilachi tencabi niyaque tenca calaquinanunca jun mate jera miintsan jochunae. Jun mate Diosi jerale se tino junlaca se tichunae.