San Juan 1:34 - Diosichi Pila

³⁴ Junto junca quirato nulabe pánayoe tie ya Jesuri Diosichi Nao joeque. Juan israelítalabe tsanque jera cuenta quee.

San Juan 1:34 ပူးပေါင်းရင်းမြစ်များ

San Mateo 11:27

Junni Jesuri yachi Apa Diosibe tsantitobi, tsachilabe itsantinue: —Lachi Apa Diosiri lachi jera cuwaca joe. Yasiri laca tsa mirae tinue. Junsi lasiri yachi Nao joto Apa Diosica tsa mirayoe tinue. Junto uyanlari la entendeisa caritunari, Diosica miino podeilaituchunae tinue.

San Mateo 16:16

Aman Jesucrístobe penenamin manca Simón jominhe Jonachi nao. Tensaato mumun Pedro ino jominue. Yari Jesús panunsi itsantie: —Nuri Diosi wenteca jun Cristo tinun tsachi joe tie. Sonnamin Diosichi Nao joe tie. Junni Jesuri Simonbe itsantie: —Simón, nu tsachilaberi laca tsanque natiya miitue; lachi Apa Diosiri nuca tsanque micarinue. Jun tenchi nu duque son jochunae. Nuca manca mumun pochinayoe; nuca Pedro tichinayoe tie laca tsanque tsarasica panun tenchi. Junni la wenteca jun tsachi bolon jun wa su tsanca tennato seralaichunae. Junni puyan ocolachi postori ya bolonca fe lotuchunae.

San Mateo 17:5

Junni Pedro tsanque cuenta quinasa, tseban poyo yalaca donue. Junni jun poyobi nechi fiquica itsanque meralaquinue: —Inni lachi munatinun Nao joe tinue. Yaca sen joe tiyoe tinue. Junni yaca meralaquina! tinue.

San Mateo 26:63

Jesuri nosasa wiruraminue. Junnan mantá tan pateleri itsantinue: —Tsa Diosi meranasa tsarasica pade! tiyoe tinue. ¿Nuri Diosi wenteca Cristo tinun tsachi joyun? ¿Diosichi Naoyun? tinue.

San Mateo 27:40

Itsantilatie: —Nu Diosichi yaca araleto peman mate manqueyanae timinhe latie. Junni nuri tsanque poden jotori, tenca mántanan se lode! Nu Diosichi Nao jotori, corosibi nechi manpataniide! tilatie.

San Mateo 27:43

Yari Diosichi Nao joto, yaca tennayoe timinhe latie. Diosi Jesuca tsa laquiratori, yaca se larino jochunae latie.

San Mateo 27:54

Aman Jesuca quiramin soldadolabe yalachi capitanbe to wenanunca quiralaquee. Junca quirato, titiya jera niyainanunca quirato, wepanalaito itsanlatie: —In tsachiri Diosichi tsa Nao jominue latie.

San Mateo 3:17

jamochi nechi fiqui mera jominue. Itsantinue: —In lachi duque munatinun Naoe tinue. Ya tenchi duque son joyoe tinue.

San Mateo 4:3

Junni yucan yaca seiton quisa carichi tide janue. Junni yucan yabe itsantinue: —Nuri Diosichi Nao jotori, in suca bibu suwade! tinue.

San Mateo 4:6

itsantinue: —Nu Diosichi Nao jotori, inte nechi supatiniide! tinue yape tsachila wepanato quiralaquisa. Diosichi Pilabi itsanque chuteca joe tinue: Anjelilaca erechunae yape cuidailaisa. Nuca amanle canilaquichunaeque chuteca joe tinue yape nuchi nede subi icatusa.

San Mateo 8:29

Junni yalari Jesuca quirato sonba pato itsanlatinue: —¿Jesús, nuri chiquilaca ti quebi jayun? ¿Nu Diosichi Nao joto, chiquilaca pasuwabi janayun? ¿Casticaquino ma caitosanan chiquilaca casticaquebi janayun? tilatinue.

San Marcos 1:1

Itsanque Diosichi sen fiqui joe Diosichi Nao Jesucrístoca panun fiqui.

San Marcos 1:11

Junsi fiquinan jamochi nechi mera jominue. Yari itsantinue: —Nuri lachi duque munatinun nao joe; nu tenchi duque son joyoe tinue.

San Lucas 1:35

Junni anjeli manpato itsantinue: —Diosichi Tenca nuchica jachunae tinue. Diosi fécari mantá tan joto, nuca poyochi cuwenta dochunae tinue. Junnan ya sen náca Diosichi Nao tinun jochunae tinue.

San Lucas 3:22

Junni Diosichi Tenca palomanan quiran ito pataca josa, jamochi nechi fiqui mera jominue. Itsantinue: —Nuri lachi duque munatinun naoe tinue. Nu tenchi duque son joyoe tinue.

San Juan 1:18

Uyanlari Diosica natiya quiralaquitue. Yachi mancari Nao mantimini yabe man parejo chumin joto yaca micuwae.

San Juan 1:49

Junni Nataniélinan Jesuca Rabí tito itsantinue: —Nu Diosichi Nao joe. Israelítalachi Miya joe tinue.

San Juan 10:30

Junni laberi lachi Apaberi man junni jolajoyoe tie.

San Juan 11:27

Jesús tsantinan, Mártari itsanque tulanquee: —Miya, chiqueri quereiyoe. Nu jamochi nechi patano jomin Cristo joe. Nu Diosichi Nao joe. Junca quereica talari quereiyoe tie.

San Juan 19:7

Junni Pilato tsantinunsi, israelítala itsanlatie: —Chiquila tala mantá joe. Jun mantá tenchi totaino joe latie ya Diosichi Nao joyoe tinun tenchi.

San Juan 20:28

Junni Jesús tsantinunsiri, Tomari manpato, lachi Miya, lachi Diosi tie.

San Juan 20:31

Weyancari pila quiyoe yape nula in pilaca quirato Jesuca quereilaisa. Jesús Diosi wenteca Cristo tinun joe. Ya Apa Diosichi Nao joe. Junca quereiminlari yachi mantate yabe numatotiya sonnato polelaiichunae. Junni nulanan junca jera quereilaisa, in pilaca quinayoe.

San Juan 6:69

Nuca quereito, miicalayoe tie nuri Cristo tinun joeque, sonnamin Diosichi Nao joeque.

2 Coríntolachi 1:19

Diosichi Nao Jesucristo tsarasica pamin joe. Yachi fiquica Silvánobe Timotéobe labe nulaca micarilaquiyoe. Junni Jesucrístori janhan titori, canbiyaitumin joe.

Israelítalachi 7:3

Ya Melquisederi quirainiinue. Diosichi Pilabiri yaca pato, yachi ayanca, yachi apaca, yachi tatalaca, ya nainunca, puyanunca, ticanantiya chuteca itoe. Tsanque joto, Diosichi Nao cuwenta jominue. Jesunan numatotiya puyatumin joto, numatotiya patele joto polechunae.

1 Juanchi 2:23

Junto Diosichi Naoca laquiratuminla joto, Apa Diosibe cayaituminla jochunae. Diosichi Naoca laquiraminlari Apa Diosibe cayaicala jochunae.

1 Juanchi 3:8

Yucanni casalebi nechi jutsa quimin joe. Junni jutsa quimin tsachilari yucanchi jolajoe. Diosichi Nao mantimini yucan seiton suwacaca manse suwabi patanue.

1 Juanchi 4:9

Diosi yachi mancari Naoca chiquilachi tenchi toca erenue yape chiquilari yachi sonbachi sonnalarasa. Junnan miintsan joe chiquilaca laquiraeque.

1 Juanchi 5:20

Junsi man fiquicaman miralarayoe. Diosichi Nao patato, chiquilachi tenca cuwaca joe yape tsa Diosica mirano podeilaisa. Chiquilari tsa Diosibenan, yachi Naobenan, penenaminla joyoe. Yari tsa Diosi joto, yasiri numatotiya sonnato polesa carimin joe.

2 Juanchi 1:9

Jesucristo micarica fiquica telaquepominlari Diosibe cayaica itolajochunae. Junni jun fiquica meráto nenaminlari Diosibenan yachi Naobenan cayaicala jochunae.

Quirajanunca 2:18

Junni labe cuenta quinamin tsachi manpato itsantie: —Diosichi Nao joyoe. Lachi caca nin lunaca tsanni quiran joe. Lachi nedenan tsequiniquiminhe bronse cuwenta. Junni Tiatírabi chumin bolonchi anjelichi erechun lachi fiquica itsanque pila chutede: