San Juan 1:26 - Diosichi Pila

^26-27 Junni Juanni beco manpato itsantie: —Lari nulaca pibiri mumunnayoe. Manca tsachi mantimini laca benechi jachunae tie. Nulachite numa nenasanan, nulari yaca miitolajoe. Yari laca fécari mantá tan tsachi joe tie. Ya tsaracari sen jonan, lari yachi sapato silicari woleto cuwanotiya sen itoyoe tie seri sen jotonan.

San Juan 1:26 ပူးပေါင်းရင်းမြစ်များ

San Mateo 3:11

Junni Juan tsantitobi, aman tsachilabe itsantinue: —Nula jutsa quinunca telaquepoto casan tala tenca mancaminlaca la mumunmin joyoe tinue. Juntonan lari pibiri mumunnayoe. Junni laca benechi manca tsachi jachunae. Laca fécari mantá tan jochunae tinue. Yari tsaracari sen jonan, lari yachi sapatocari leyanto tanjito cuwanotiya sen itoyoe tinue seri sen jotonan. Yari wari pibiri mumuntumin jochunae. Yari Diosichi Tencachi mumunmin jochunae tinue ninchi casimin cuwenta.

San Mateo 3:6

Junni jutsa quimin joyoe timinlaca Juan Jordán pibi mumunnue.

San Marcos 1:8

Lari nulaca pibiri mumunnayoe. Yari pibiri mumunmin itochunae. Yari nulaca Diosichi Tencachi mumunmin jochunae tinue.

San Lucas 3:16

Junni tsanque tenca calaquinasa, Juanni jeralelabe itsantinue: —Te, ya itoyoe tinue. Lari pibiri mumunnayoe tinue. Aman laca benechi manca tsachi jachunae. Yari laca fécari mantá tan jochunae. Yari tsaracari sen jonan, lari yachi sapato silica woleto cuwanotiya sen itoyoe tinue seri sen jotonan. Yari pibiri mumuntumin jochunae; yari Diosichi Tencachi mumunmin jochunae ninchi casinun cuwenta.

San Juan 16:3

Laca tennatuto, lachi Apa Diosicanan tennatuto, tsanlaquichunae tie.

San Juan 17:25

Sen Apa Diosi, uyanla nuca miitucala joe. La nuca tsarasica mirayoe. Lachi tsachilanan miralarae; la nu ereca jun jaca joeque miralarae tie.

San Juan 17:3

Nusiri tsa Diosi joe; lari Jesucristo nu ereca jun joyoe. Junni chiquilaca miraminla, yalari numatotiya sonnato polelaichunae tie.

San Juan 8:19

Junni fariséolari Jesube manpanhato itsanlatie: —¿Nuchi apa tile chun? latie. Jesunan itsantie: —Lacanan, lachi Apacanan nula miitolajoe. Laca miralaramanpari, lachi Apacanan miica jono jominla jonhoe tie.

Mantá Tanla 1:5

Aman Mumunmin Juanbe penenaminlari pibiri mumunhilainue. Nula mantimini nanni ina Diosichi Tencachi mumunhilaichunae tinue. Yachi Tencaca erechunae tinue yape nulachibi wisa. Junni yaca ereno fecári Jerusalenbi cameralarana! tinue. Jesús yachi tsachilabe tsantinue.

Mantá Tanla 11:16

Junca quirato, Miya Jesús paca jun fiquica mantenhiyoe tinue. Jesucristo chiquilabe itsantica jominue tinue: Mumunmin Juanbe penenaminlari pibiri mumunhilainue. Nula mantimini Diosichi Tencachi mumunhilaichunae. Yachi Tencaca erechunae tica jominue tinue nulachibi wisa.

Mantá Tanla 19:4

Junni Páblori yalabe itsantinue: —Juanbe mumunhinato, ¿nulari jutsa quinunca telaquepoto, casan tala tenca mancayoe tito mumunhilainuco? tinue. Juan mantimini nulaca mumunnato, man fiquicanan nulaca micarinue. Juanchi benechi jano jominbe cayailaina! tie tinue. Aman Juan tsantinato, Jesucristo tinunca tsantinaminue tinue.

1 Juanchi 3:1

Seque meralaquede! Apa Diosi chiquilaca duque laquirato, yachi nalala jolajoe ticae. Junni tsanla joyoe. Junni uyanlari yaca miitotori, chiquilacanan miitolajochunae.