San Juan 1:14 - Diosichi Pila

¹⁴ Junni ya “Diosichi Fiqui” tinun jominnan tsachi inue. Tsachi ito, chiquilabe pesonnaminue. Duque laquirato, tsarasica pamin jominue. Apa Diosichi mancari Nao joto, duque mantá tan jominue. Junni tsan jominca chiquilari quiralaquiyoe.

San Juan 1:14 ပူးပေါင်းရင်းမြစ်များ

San Mateo 1:16

Aman Joseri Maríachi unila jominue. María mantimini Jesuchi ayan jominue. Ya Jesuca Cristo tinun joe.

San Lucas 2:11

Amana Davichi pueblobi na manca nainue. Ya na nulaca se larimin jochunae. Diosi wenteca jun CRISTO tinun Miya joe tinue.

San Lucas 2:7

Junni pension quidi jonan, cotonlabi chuminlanue. Junbi casale náca quinue. Unila na jominue. Junto ya náca pirato, animalichi ano cuwanun pateyabi tsorenue.

San Lucas 9:32

Junni aman Pédrolachi duque capiya janasanan, catsolaitunue. Junni Jesús tseinanunca quiralaquinue. Paluca Jesube raminlacanan quiralaquinue.

San Juan 1:1

To quino mate numa jominue. Diosibe pejominue. Yari tsachilachi micuwanue Diosi niyan jonunca. Junto yaca “Diosichi Fiqui” tinun joe. Junto “Diosichi Fiqui” tinun jotonan, yanan Diosinan jominue.

San Juan 11:40

Junni Jesuri itsantie: —¿La pacaca quereitori, Diosi wepanato quirantsancari quinaminca quirachunae tituan? tie.

San Juan 14:6

Junni Jesuri itsantie: —Lasiri Apa Diosichica jinun minu joyoe tie. Lasiri tsarasica micarimin joyoe tie. Lasiri sonnasa carimin joyoe tie. Labe cayaiminlasiri Apa Diosichibi feno podeilaichunae tie.

San Juan 14:9

Junni Felipe panunca meráto, Jesús itsantie: —Felipe, nulabe numari penenasanan, ¿laca camiitolajoyun? tie. Laca quiraminla Apa Diosicanan quiraminla joe tie. ¿Junni ti quichun Apa Diosica quirawode! tiyun? tie.

San Juan 17:22

Nuri laca duque sen joeque micuwae. Junni lanan inlaca tsarasi sen suwanayoe yape man junni jolajosa chiquila cuwenta.

San Juan 17:24

Nu, Apa Diosi, inlaca labe cayaisa carica joe tie. Junni lachi inlaca labe pechularasa tenjae tie. To caitosanan, nu laca laquirato, tsaracari mantá tan chusa carie. Junni inlaca labe pechularasa tenjae yape uraran mantá tan chuminca pequiralaquisa.

San Juan 18:37

Junni Pilato jun fiquica meráto, itsantinue: —¿Junni miya jono patico? tinue. Junni Jesuri itsantinue: —Nu tsa tie tinue. La miya joyoe. Tsarasica pamin joyoe tinue. Tsarasica pachun naicayoe tinue. Jun tenchi toca patacayoe tinue. Tsarasica pánanunca meráminlari lachi fiquica meralaquichunae tinue.

San Juan 2:11

Junca wari Jesús casale wepanato quirantsancari seque quee yaca duque mantá tan joeque tenhilaisa. Caná pueblobi tsanquee Galilea tobi. Junni yachi tsachila junca quirato, yaca fécari quereilaiyoe.

San Juan 3:16

Diosi piyanlelaca duque laquirae. Tsancari laquirato, yachi mancari Naocanan erenue yape yabe cayaiminlachi tenca puyatuto numatotiya sonnato polelaisa.

San Juan 3:18

Yabe cayaiminlacari culpa itonla joe timin joe. Yabe cayaituminlacari numa culpa quica jochunae Diosichi mancari Naobe cayaitunun tenchi.

San Juan 6:51

Lari Diosichibi nechi patato, la sonnasa carimin finun joyoe tie. Jun finunca fiminlari numatotiya sonnato polelaichunae tie. Junni yape jeralela sonnano podeilaisa, jun anoca cufino joyoe tie. Junto fino tito lachi pucacanan tsantinayoe tie.

San Juan 8:32

Junto tsarasi fiquica miilaichunae. Amana uyanlari nulaca fe loto mantaminla joe; peyunla cuwenta suwacala joe. Junni tsarasi fiquica jera miitobi, uyanlachi peyun cuwenta natiya itolajochunae tie.

Mantá Tanla 13:33

Junni Jesús puyan tsominca mansoncarinato, tsara seque queyanae tica joto tsanquinue. Diosichi Pilabi yaca chuteca joe. Salmo dobi Diosi Jesube cuenta quicaca itsanque chuteca joe: Nu lachi Nao joe; amana nuca Nao joeque payoe tie tinue.

Románolachi 8:3

Diosichi Pilabi mantá chuteca joe titiya quinola joeque. Junni tsanque mantá tan jotonan, duque cumana jominla joanue. Jun mantári sonban tenca suwatue yape jun mantaca meráno podeilaisa. Junni Diosi yachi Naoca erenue yape tsachi isa. Jutsa tanlanan quiran pejosa carinue. Junni chiquilachi jutsa tenchi ereto, yaca casticaquinue. Ya tsachi icaca casticaquinue uyan tsachilachi jutsa tenchi. Tsanque erenue yape chiquilari jutsabe nenatuto yachi Tencabe nenato, yachi mantaca meráno podeilaisa.

Románolachi 9:5

Matu tote Diosi wenteca junlachi alicala jolajoe. Tsachi tala patori, Diosi wenteca Cristo tinun tsachinan israelita tsachi jominue. Yari jeralelaca mantamin Diosi jonun tenchi, yaca numatotiya se tintsan joe. Tsanque joe.

2 Coríntolachi 12:9

Junni michi rocainasanan, Diosiri labe itsantie: Laca padeseinaminca quirato, yari duque laquirato ayudaiyanae tie yape padeseinatotiya wantainiisa. Chiquilacari fe cumana jominca Diosi fe sonba suwano poden joyoe tie. Jun tenchi cumana joyoeque son tito pamin joyoe yape Crístori yachi sonbaca lachi cuwasa.

Galácialachi 4:4

Junni ma fenunbi, Diosiri yachi Naoca erenue yape chiquilaca se larisa. Yachi ayanni tsachi sona jominue. Ya Naori tsachi inue. Junni yanan israelita pejoto, Diosichi mantá chutecaca pemeráno jun jominue. Junni yanan ya mantaca pemeráno jun joto,

Efesolachi 3:8

Jerale Diosichi tsachilale nechi la fe epe tsachi jonun cuwenta joyoe. Tsan jomincanan laca duque laquirato in mantaca cuwae yape israelita itonlaca micarisa. Lari Cristo miratuno quiracari sen joeque micarino joyoe.

Colósalachi 1:19

Junni Diosiri niyantiya jomin joto, yachi Naocanan jun tsanquenan josa carinue tsanque se jochunae tito.

Colósalachi 2:9

Aman Crístori tsachi ica jun jotonan, Diosi patsa joe. Jun tenchi uyanlachi epe fiquica tennalaratuna!

1 Timotéochi 3:16

Junni chiquila quereinun fiquiri tsaracari merántsan fiqui joe. Tsachila miitonunca Diosi chiquilaca miisa carie. Yari itsanque joe: Jesucristo tsachi ica jonunca Diosi quirawonue. Ya sen jonunca Diosichi Tenca panue. Ya nenaminca anjelila quiralaquinue. Ya se larimin jonunca yachi tsachila jerale tote chuminlaca merawolaquinue. Ya se larimin jonunca tsachila quereilainue. Ya jamochi manloca jonan, Diosi yaca urara tsente manchusa carinue.

Israelítalachi 1:3

Naoca tenhito, Apa Diosica tsara sen joeque miintsan joe. Yanan Apa Diosi cuwentanan joe. Ya titiya jeraleca josa timin joe. Tsanque josa titumanpari, jerale tote jeraica jono jomin jonhoe. Junsi Diosichi Nao chiquilachi jutsaca jera tsaletobi, jamochi loto, Miya Diosichi tsa nan tala chudinue.

Israelítalachi 1:5

Diosichi Pilabi itsanque chuteca joe. Diosi yachi Naoca itsantica joe: Lachi Nao joe tinue. Amana nuca Lachi Naoe tiyoe tinue. Junsi man postote Diosichi Pilabi itsanque chuteca joe: Yachi Apa joanae tinue. Lachi Nao jochunae tinue. Anjelilaca mantimini natiya tsantitunue.

Israelítalachi 10:5

Jun tenchi Crístori in tote patachinaminnan junca panue. Diosichi Pilabi Cristo pacaca itsanque chuteca joe: Diosi, nuri animalica toteto cuwananunca munaratue tinue. Junni junto lachi tenchi tsachi puca quee tinue la tsachi isa.

Israelítalachi 2:11

Jesuri yachi tsachilaca se suwamin joe. Junni yabe ya manse suwaca junlabe Diosichi jolajoto, man junni jolajoe. Jun tenchi yalaca acola, soquila tino natiya luratue.

Israelítalachi 5:5

Junni Crístonan yachi tenca munate mantá tan patele itunue. Diosiri yaca pato, itsantinue: Nuri lachi Nao joe tinue. Amana nuca Nao tinayoe tinue. Tsantinato aman yaca patele suwanue.

1 Juanchi 4:14

Apa Diosiri yachi Naoca erenue yape jerale tote chuminlaca se larisa yape yucan catusa. Chiquila Crístoca quiraminla joto, tsanque micarino podeilaiyoe.

1 Juanchi 4:9

Diosi yachi mancari Naoca chiquilachi tenchi toca erenue yape chiquilari yachi sonbachi sonnalarasa. Junnan miintsan joe chiquilaca laquiraeque.

2 Juanchi 1:7

Layan tsachila nene pato, epele micariminla joe. Yalari Jesucristo jamochi nechi patato tsachi ica junca quereitiyoe timinla joe. Yalari Crístoca pa tala nenato, nene paminla joe.

Quirajanunca 19:13

Yachi baren camisaca asanbi uncarica jun joe. Yachi mumun diosichi fiqui tinun mumun joe.

Quirajanunca 21:3

Junsi mantato chudinunbi nechi manan fiquica meráyoe. Yari sonba pato, itsantie: —Quirade! tie. Diosiri tsachilabe chuto poleno joe tie. Yalari yachi tsachila jolajochunae tie. Junni Diosi patsa yalabe chuto yalachi Diosi jochunae.