Filípolachi 4:8 - Diosichi Pila

⁸ Junni acola, soquila, man fiquinan cajoe. Sencasiri tenca calaquina! Tsarasi jonunca, laquiranunca, se tinunca tenca calaquina! Jelenquiran fiquica, encanainunca tenca calaquituna! Tsachi mancaca tsara seque quinae latinari, yacari tenca calaquina! Ticatiya seque pantsan jonunca tenca calaquina!

Filípolachi 4:8 ပူးပေါင်းရင်းမြစ်များ

San Mateo 22:16

Junto tsachilaca erelaquinue yape Jesube cuenta quito, yaca palaque pasa carichique tenfelaisa. Weyanla fariséolabe penenamin jominlanue; weyanla miya Heródebe penenamin jominlanue. Yalari Jesúchica jato itsantilatie: —Chiquila miralarayoe latie nu tsarasica micarimin joeque. Tsachila niyaquetiya palaquinanunca tennatuto, Diosichi minuca tuca micarimin joe. Mantaminla, epe tsachila, nuberi jun tsannan jolajoe latie.

San Marcos 6:20

Heróderi Juanca Diosichi sen tsachi jonunca miraminue. Junto duque jelerato totesa carica itominue. Junni Juan micarinaminca meráto, Herodes layan entendeitunue. Tsan jotonan son tito meraniquimin jominue.

San Lucas 16:15

Junni Jesús yalabe itsantinue: —Nulari duque tenfeminlae yape uyan tsachila nulaca sen jolajoe tilatisa. Aman nulachi tencabi mantimini Diosi mirae tinue. Tsachila duque sen joe tinunca Diosi ti quiran seiton joe timin joe tinue. Jesús tsanque micarinue.

San Lucas 2:25

Aman junni unica tsachi manca Jerusalenbi chuminue Simeón mumun. Diosica tenca cato seque nenamin jominue. Junni Diosichi Tenca yachi tencabi jera pejominue. Ya tsachi méraminue yape Diosi israelítalaca laquirato se lariminca eresa.

San Lucas 23:50

Junni aman tsachi manca jominue José mumun. Yari Arimatea pueblobi nechi jominue Judea tobi. Yari sen tsachi joto, Diosi ya mantananun tsachi bolon suwasa méraminue. Israelítala tala mantamin pejotonan, Jesuca totechi timinlachi parte peitominue.

San Juan 7:18

Tencachique mantate paminlari fe jochi timinla jochunae tie. La mantimini fe jochi titiyoe. Diosi ereca jun jaca joto, yacari fe mantá tan joe tintsan joe tiyoe tie. Junbe miintsan joe la tsarasica pamin joeque. Natiya nene pátiyoe tie.

Mantá Tanla 10:22

Junni Cornelio ereca junla beconan pato itsanlatinue: —Capitan Cornelio chiquilaca eree latinue. Aman yari seque quimin joe latinue. Diosica respetaito jeleramin jonan, piyanle israelítalanan yaca sen joe timinlae latinue. Junni Diosichi anjeli Cornéliobe cuenta quito, nuca jasa caride! tie latinue. Nuri Cornéliochi yaca jato, micarino joe tie latinue yape ya merása.

Mantá Tanla 22:12

Junsi Pablo israelítalabe cacuenta quinato, itsantinue: —Junnasa mantimini Damáscobi israelita manca chuminue tinue Ananías mumun. Jerale Damáscobi chumin israelítala Ananíaca sen joe timin jominlanue tinue. Israelítalachi mantaca meráto nenamin jominue.

Mantá Tanla 6:3

Jun tenchi, acola, soquila, meralaquede! Nula tala sieteca tsachilaca wentelaquede! Jera sen joe tinunla, Diosichi Tencabe jera mantaiminla, tenca tanla jonola joe. Junni chiquila yalaca ano poto cuwasa mantalaqueyanae latinue.

Románolachi 13:13

Junni tsente nenaminla talari seque nenantsan joe. Jilu itoto, winan ituto, uyan sonalabe o uyan unilalabe nosa seitonque nenatuto, pacaatuto nenantsan joe. Uyanlaca fe jochique pataato nenatuntsan joe.

Románolachi 13:3

Senlari mantaminlaca jeleralaratuchunae. Seitonlari jeleralarachunae. Mantaminlaca jelerano muquetulajonari, seque nenalarana! Junni yala nulachi tenchi Diosibe mantaiminla joto, nulaca sen jolajoe latichunae. Seiton quitori, ¿junni mantaminlaca jelerano jotuchinan? Yalachi espada epe tatulajoe. Yalari Diosibe mantaiminla joe seitonlaca casticaquichun.

Románolachi 14:18

Crístobe tsanque mantaito nenalaranari, Diosinan tsachilanan nulaca sen jolajoe latichunae.

1 Coríntolachi 4:5

Junni miino óra cajosanan, miichique tenfetulajona! Miya Jesucristo manpatatobi, jera miisa carichunae. Tsachila ticatiya nosa quito nenaminlaca jun mate jera miintsan jochunae. Tsachilachi tencabi niyaque tenca calaquinanunca jun mate jera miintsan jochunae. Jun mate Diosi jerale se tino junlaca se tichunae.

2 Coríntolachi 13:7

Junni lari nulachi tenchi duque Diosibe rocainayoe yape nulari seitonque nenalaratusa. Aman nula seque nenalaranari, tsachila tenhilaichunae chiquila seque micariminla joeque. Tsan josanan, tsachila yape tsanque tenhilaisa nulaca seque nenasa titiyoe. Tsachila chiquilacari nene paminla joe tilatinasatiya, nulacari seque nenalarasa tenjae.

2 Coríntolachi 6:8

Weyan tsachilari chiquilaca respetaiminlae; weyanlari chiquilaca epe jolajoe timinlae. Weyanlari chiquilaca duque se timinlae; weyanlari seiton jolajoe timinlae. Chiquilaca encanaminla joe tilatinasanan, chiquila tsarasica paminla joyoe.

2 Coríntolachi 8:18

Junni Títoberi manca acocanan erelaquechinayoe yape peaconpanaisa. Jerale Jesucrístochi tsachila ya acoca seque paminla joe Diosichi fiquica seque micarimin joe tito. Junsi yaca wentelaquee yape inale labenan peaconpanaisa, cala layaca junca Jerusalenca purabi jisa. Chiquilari jun calaca Jerusalenca tanjinato, poperelaca ayudaichun tsanlaqueyanae yape yalaca duque laquiralaraeque tenhilaisa, yape Miya Jesucrístoca duque se tilatisa. Junni ya duque calaca layato Jerusalenca tanjinato, seque tanjino muquilaquee yape monantiya chiquilaca tarinlaquinaeque culpa patarino podeilaitusa. Diosi chiquilaca mirae ya calaca seque tanjilaichunaeque. Junni tsachilacanan junca pemiralarasa tenjae yape culpa patarino podeilaitusa. Jun tenchi chiquilabe, ya acobe, uyanlabe, jera layaito ya calaca tanjinola joyoe. Junni ya acocari, Jerusalenca jino junca, yacanan Títobenan nulachica erelaquechinayoe.

Galácialachi 5:22

Aman Diosichi Tencabe penenaminlari uyan quiraque nenalarachunae. Chide pele puca inanun cuwenta yalari sen iniiminlae. Laquiran, son tin, wepanatuto pansi chun, uyanla pasuwanasa paitun, sen joto isapun iton, peleitun,

Efesolachi 4:25

Chiquila jeralela man bolonni jotori, jeralelanan nene patuto, tsarasica cuenta quintsan joe.

Efesolachi 5:9

Diosichi Tencabe mantaitori, tsarasica pato, jeralelabe sen jolajochunae.

Filípolachi 3:1

Junni acola, soquila, nulari Miya Jesucrístochi jotori, son tilatina! Nulaca numa micarica jun fiquica manan manmicarinori natiya luratiyoe. Lari nulaca jun fiquica manan manmicarinatori, nulaca fe sonba tenca suwanayoe yape peleilaitusa.

Colósalachi 4:5

Jesucrístochi itonlachite nenato, tenca calaquina! seque nenachun. Lan chularatuna! Diosichi tenchi seque quichun tenfelaina!

1 Tesalónicalachi 4:12

Junni tsanque nenalaranari, nulachi tinantiya falta itochunae. Junni uyan tsachilanan nulaca respetailaichunae.

1 Timotéochi 2:2

Miyalachi tenchi, jerale mantá tanlachi tenchi Diosibe rocaintsan joe chiquila tala wepanatuto pansi chularachun. Tsanque wepanatuto pansi chuto, Diosibe seque chuno podeicaichunae.

1 Timotéochi 3:11

Sonalanan sen jonola joe. Epele patumin, yucacuratumin, layan cuchitumin jonola joe. Ti quino jonuncatiya peleituto seque quimin jonola joe.

1 Timotéochi 3:4

Yalachi yabi pechuminlaca seque mantaquin, tencachique nalalaca merása carin, jera respetaisa carin, quimin jonola joe.

1 Timotéochi 4:12

Nuri moso jotonan, seque nenana! Tsanque nenanari, uyanlari nuca quirato miilaichunae niyaque nenano jonunca. Seque pan, seque nenan, laquiran, Diosica querein, uyan sonabe nosa nenatun, jona! Junni uyan Jesube penenaminlari nuca quirato miilaichunae. Nuca tsanque seque nenaminca, na joto epenan micarinae tino podeilaituchunae.

1 Timotéochi 5:10

Uyanlari ya biudaca niyan latinunca miintsan jochunae. Sen jominhe tilatinari, chutentsan jochunae. Náca uwa suwaminlacari chutentsan jochunae. Ya biudalari fe joyoeque tenca catuto, Diosichi tsachilaca peayudaiminla jonari, yalachi mumunca chutentsan jochunae. Padeseinaminlaca laquirato ayudaiminlacari chutentsan jochunae. Seque quinoca tenca caminlacari chutentsan jochunae.

1 Timotéochi 5:2

Junsi sinucalaberi nao cuwenta jona! Junsi moso sonalabe cayan cuwenta jona! Seitonque tenca cato quiratuna!

Títochi 1:8

Janaminlaca facaricamin, sen jonunca laquiramin, mantaca merámin, Diosichi sen tsachila jonola joe. Tencachiquenan mantaito seque nenamin jonola joe.

Títochi 2:14

Tencachiquenan cuwapoinue chiquilachi jutsaca piyarito chiquilaca jera se larichun. Chiquilaca se suwanue yape yachi tsachila jolajosa. Junni yachi tsachila jolajotori, uyanlabenan duque sen jono munaralaraichunae.

Títochi 2:2

Unicalaca payito, winan itusa payina! Senla, tenca tanla nenato laquiranola joe. Jesucrístoca sele quereinola joe peleituto.

Títochi 2:7

Nunan jera sen jono joe yape mosola nuca quirato miilaisa niyaque nenanola jonunca. Seque tenca cato, sencasiri micarina!

Títochi 3:14

Jerale Jesucrístobe penenaminlanan tsanque ayudaino miinola joe. Seque quinola joe munaraminlachi cuwano podeilaichun. Epe chunola itoe; ticatiya munaraminlachi ayudainola joe.

Israelítalachi 11:2

Matu tote Diosichi tsachilari yaca quereilainan, Diosi yalaca se tinaminue.

Israelítalachi 13:18

Chiquilachi tenchi Diosibe rocailaina! Chiquilachi tencabi jutsa itolajoyoeque tenhito, seque nenano munaralarayoe.

Santiago 1:27

Diosica tsara seque tenca tanla mantimini apa iton nalalacanan, biudalacanan ayudaiminla jochunae. Diosica tennatuminla seiton quilaquinasatiya, yalari seiton quituminla jochunae. Junni Apa Diosiri yalaca sen jolajoe tichunae palaituto Diosiberi nenaminla joeque.

Santiago 3:17

Aman Diosi tenca cuwanari, seque tenca calaquichunae. Pataalaquituchunae. Jamimin palaquichunae. Uyanla ticatiya panhanasatiya, pailaituchunae. Duque laquiralarachunae. Sen jolajochunae. Fiqui canbiyaituto, tsarasi palaquichunae. Nene palaquituchunae.

1 Pédrochi 1:22

Tsarasi pacaca meráto, nulachi tenca manseilainue. Jesucrístobe pecayaica junlaca laquirachun manseilainue. Junto beco beco tsarasica laquiracaalaquina!

1 Pédrochi 2:12

Nulari Diosica quereituminlachi quelote chutonan, seque nenalarana! Nulari seque nenalarasanan, pansile nulaca seiton jolajoe tinilatichunae. Junni seque quinaminlaca quirato, Diosi yalaca tenhisa carino mate uyan tala palaquichunae. Jun mate Diosica duque seque panola jochunae nula seque quinun tenchi.

1 Pédrochi 4:8

Junni seque tenca cantsan fiquica chutechinayoe: Nula tala tsarasi laquiracaalaquina! Nulari nulaca duque jutsa quiminlaca laquiratori, yalaca pailaituchunae.

2 Pédrochi 3:1

Nulachi palu ne carta erenayoe matulenan manqui, in manqui. Paluqui cartabinan sen fiquica mantenhisa carino muquee. Ya fiquica numa miralarae. Junni seque mantenhisa carino muquee.

1 Juanchi 3:18

Lachi nalala cuwenta meralaquede! Fiquichisiri laquiratulajona! Uyanlabe sen joto, tsa laquiralarana!

1 Juanchi 3:3

Jesucrístochi mantate tsanhino joyoeque tenca cato meralarayoe. Junni tsanque méraminlari ya cuwentanan seicala jochunae.

1 Juanchi 4:1

Nulaca laquirato payinayoe. Duque tsachilari nene pato, Diosichi Tencachi mantate micarinayoe tito nenalarae. Junni jerale micariminlaca quereituntsan joe. Casaleri yalaca miintsan jochunae Diosichi mantate paminla jonunca o yucanchi mantate paminla jonunca.