Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filípolachi 2:6 - Diosichi Pila

6 Yari Diosi jotonan, Diosibe parejo cajochique tenfetunue.

အခန်းကိုကြည့်ပါ။ ကော်ပီ




Filípolachi 2:6
37 ပူးပေါင်းရင်းမြစ်များ  

Uyanlari Diosica natiya quiralaquitue. Yachi mancari Nao mantimini yabe man parejo chumin joto yaca micuwae.


Junni laberi lachi Apaberi man junni jolajoyoe tie.


Junni israelítalari itsanlatie: —Seque quinun tenchi totelaquitiyoe latie. Diosica seiton panun tenchi nuca totelaquechinayoe latie. Nu tsachiri jotonan, Diosi joyoe timin joe latie.


Junni lanan lachi Apa Diosi cuwenta seque wepanato quirantsancari quimin joyoe. Junni lachi fiquicari quereilaitutonan, Diosi tsannan quimin jonun tenchi quereilaina! tie. Jun tsanquinaminca quirato miino podeilaichunae lachi Apa Diosi labe man junni pejoeque. Lanan yachibi pejoequenan miino podeilaichunae.


¿Nulaca purato jito, inale manjanae tituan? tie. Lachi Apa Diosichica manlochinayoe. Yari laca fe mantá tan joe tie. Junni nulari laca jera laquiramanpari, son tino jominla jonhoe yachica lochinaeque.


Junni Felipe panunca meráto, Jesús itsantie: —Felipe, nulabe numari penenasanan, ¿laca camiitolajoyun? tie. Laca quiraminla Apa Diosicanan quiraminla joe tie. ¿Junni ti quichun Apa Diosica quirawode! tiyun? tie.


Junni amana, Apa Diosi, lacanan tsara sen joeque quirawode! tie. To caitosanan, lari nube chuto uraran tsente chumanyoe tie. Junni amananan nuchibi jun tsannan mansuwade! tie.


Junni Jesús tsantinunsiri, Tomari manpato, lachi Miya, lachi Diosi tie.


Junni ya fiquica meráto, israelita mantaminlari nantanancari pailainue. Jesús jasaino mate tennatumin jotonan, junsi Diosica “Apa” tinitinue. Diosica “Apa” tinato, yari Diosibe parejo joyoe tinaminue. Jun tenchi yaca nantanancari totechi tinaminlanue.


Lachi tsanque jera mantá cuwacae yape jerale tsachila laca respetailaisa. Apa Diosica respetainola joe. Junni jun cuwentanan lacanan respetainola joe tie Diosichi Nao jonan. Lari Apa Diosichi Nao joto, Apa Diosi ereca jun jacayoe. Junni laca respetaituminlari Apa Diosicanan respetaitulajoe.


Matu tote Diosi wenteca junlachi alicala jolajoe. Tsachi tala patori, Diosi wenteca Cristo tinun tsachinan israelita tsachi jominue. Yari jeralelaca mantamin Diosi jonun tenchi, yaca numatotiya se tintsan joe. Tsanque joe.


Yucanni yalaca merása carituca joe. Yucan Diosica quereituchi timinlabe Diosi cuwentanan joe. Junto yalaca merása carituca joe yape tsarasi sen fiquica entendeilaitusa. Ya sen fiquiri Crístoca tsaracari sen joeque paca fiqui joe. Crístoca Apa Diosi cuwenta sen joeque paca fiqui joe.


Chiquilachi Miya Jesucrístori duque laquiramin joeque nulari jera miralaranae. Yari jerale ticatiya tsacumin jotonan, popere inue yape chiquilanan poperela jomin jotonan, yachi tenchiri titiya jera munaranuncatiya talarasa.


Junni Diosica duque se tintsan joe. Ya numatotiya chiquilachi Miya joto polechunae. Numatotiya puyatuchunae. Quirasa itumin joe. Jera mirae. Yasiri Diosi joe. Numatotiya yaca respetaintsan joe ya tsara sen joeque. Tsanque joe.


Junni chiquila quereinun fiquiri tsaracari merántsan fiqui joe. Tsachila miitonunca Diosi chiquilaca miisa carie. Yari itsanque joe: Jesucristo tsachi ica jonunca Diosi quirawonue. Ya sen jonunca Diosichi Tenca panue. Ya nenaminca anjelila quiralaquinue. Ya se larimin jonunca yachi tsachila jerale tote chuminlaca merawolaquinue. Ya se larimin jonunca tsachila quereilainue. Ya jamochi manloca jonan, Diosi yaca urara tsente manchusa carinue.


Tsanque nenato, Jesucristo manpatano maca meralarayoe. Ya manpatanato, tsara tsen jochunae. Yari chiquilachi tsara sen Diosi joto, chiquilaca se larimin joe.


Naoca tenhito, Apa Diosica tsara sen joeque miintsan joe. Yanan Apa Diosi cuwentanan joe. Ya titiya jeraleca josa timin joe. Tsanque josa titumanpari, jerale tote jeraica jono jomin jonhoe. Junsi Diosichi Nao chiquilachi jutsaca jera tsaletobi, jamochi loto, Miya Diosichi tsa nan tala chudinue.


Yari Diosichi caque Nao joe. Junni Diosiri yaca na isa carichinato, itsantinue: Lachi anjelila jeralela ya naicachi cale telenhinola joe tinue.


Naocari Diosi itsantica joe: Nunan Diosi joto, numatotiya mantamin joto polechunae tinue. Nu Miya joto, seque mantachunae tinue.


Jesucrístori canbiyaitumin joe. Quisin jun tsannan jomin joto, amana jun tsannan cajoto, numatotiya jun tsannan joto polechunae.


Junsi labe itsantie: —Numa jeraie tie. Jeralelaca caque joyoe. Jeralela jerainasanan cajoanae. Pi munaraminlachi bulananun pica epe cuwanae tie. La cuwaca jun piri numatotiya sonnato polesa carimin pi joe tie.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ