Filemonchi 1:23 - Diosichi Pila

²³ Epafras nuchi saludo erenae. Yanan Jesucrístochi tsachi jonun tenchi pedorae la cuwentanan.

Filemonchi 1:23 ပူးပေါင်းရင်းမြစ်များ

Románolachi 16:7

Junsi Andrónicochinan, Júniachinan saludo erenayoe. Nula israelítala pejoto, labe pedoramin jominlae. Crístochi mantá tanla nulaca duque respetaiminla joe. La Jesucrístobe cacayaica itosanan, nulari numa cayaica jominlanue.

Colósalachi 1:7

Casaleri Epafras nulaca junca numa micarica joe. Epáfraca chiquilari duque laquiralarayoe. Yari chiquilabe Crístochi tenchi titiya pequito nenamin joe. Nulaca ayudaichun, Crístochi tenchi seque quimin joe.

Colósalachi 4:10

Aristarco labe pedorato, nulachi saludo peerenae. Márconan, ya Bernabechi sobrino, nulachi saludo erenae. Yaca nulachi numa fiqui ereyoe. Janari, yaca facarilaquina!

Colósalachi 4:12

Epáfranan nulachi saludo erenae. Yanan nulachi pueblobi nechi joto, Jesucrístochi tenchi ticatiya quito nenamin joe. Yari nulachi tenchi numasitiya Diosibe nulaca laquirato rocaimin joe. Nulari Diosi jera munaranunca miito, sonba tenca ito nenanola joe. Junni Epáfrari nulachi tenchi Diosibe rocaimin joe yape nula tsanque nenalarasa.

Filemonchi 1:1

La Pablo in pila quinayoe aco Filemónchica erechun. Jesucrístoca paca fiquica micarimin jonun tenchi dorato, in pila quinayoe. La Timotéobenan nuchi erechun pila quilaquinayoe. Filemón, nu duque laquiranun amico joe. Chiquila Jesucrístochi tenchi ticatiya quinasanan, nu pequimin jominhe.

Filemonchi 1:9

Tsan jotonan, mantano muquetue. Nuri tsaracari laquiramin joe. Jun tenchi nuca mantatiyoe; nube rocaichinayoe. La Pablo unica joto, amana Jesucrístochi jonun tenchi dorayoe.