Efesolachi 5:8 - Diosichi Pila

⁸ Casaleri nulachi tencabi jutsa poto, tencabi nemen jominlanue. Tsan jominlaca Miya Jesucristo nulachi tencaca jera tsen mansuwanue. Aman tsente nenaminla joto, seque nenalarana!

Efesolachi 5:8 ပူးပေါင်းရင်းမြစ်များ

San Mateo 3:8

Junni nulachi mumunhino muquilaquinari, casale nulachi jutsaca jera telaquepolaquina! Junsi seque nenalarana! yape nulachi jutsaca tsa telaquepocala joeque quereintsan josa.

San Lucas 1:79

Aman chiquila jutsa quiminla joto, nemente cuwenta jolajoyoe tinue. Junni Diosi chiquilachi tencabi tseisa carichunae yape yachi minubi nenalarasa. Jun minubi nenaminlari wepanatuto pansi nenalarachunae tinue. Ya nachi apa tsanque cuenta polarinue Diosichi mantate pato.

San Lucas 16:8

Junni aman patronni junca miichunae tinue. Junni junca miito, ya seiton mayordomoca tenca oco jocachiri jominue tichunae tinue. Junni Jesús yachi tsachilaca tsanque micarisi, itsantinue: —Diosica tennatuminlari ya mayordomo cuwenta jolajoe tinue. Yala tala necosio ticatiya quinato, Diosibe penenaminlacari fécari tenca oco jolajoe tinue.

San Juan 1:9

Tsen suwamin mantimini tobi pataca jominue. Yari jeralelachi tencabi tsemin joe. Tsachilachi tencabi yasiri tsaracari tsemin joe yape miralarasa.

San Juan 12:35

Junni Jesunan yalabe beconan itsantie: —Nulaca nasi fecáriri catsenano joyoe tie. Junni catse josanan, seque nenalarana! tie nemente nenatuchun. Nemente nenaminla niyaque nenano jonunca miitolajoe tie.

San Juan 12:36

Junni catse josanan, tseminbe cayailaide! tie Diosichi tsente nenaminla jochun. Jesús tsantisi manjito poleto, tsaito chuminhe.

San Juan 12:46

Junni tsachilachi tenca nemen jominbi tse suwabi patacayoe tie. Labe cayaiminlachi tencaca nemenbi nechi laribi patacayoe tie.

San Juan 8:12

Junni aman Jesuri israelítalaca manan manmicarito itsantie: —La jeralelachi tenca tenchi tseno joyoe tie. Labe penenaminlari nemenbi cuwenta chularatuchunae; sonnasa carimin tsenbi chularachunae tie.

Mantá Tanla 17:30

Nula miratunun mate epele tenca cato nenanunca Diosi wantainiimin jominue tinue. Tsan josanan amanari jerale tote piyanle tsachilaca jutsaca jera telaquepoto casan tala tenca mancalaquedeque mantanae tinue.

Mantá Tanla 26:18

Junni laca israelita itonlachica jito, yalaca tuca tenca casa caride! tie tinue yape cuni jun cuwenta canenalaratusa. Junni meráminla seiton tenca canunca purato, sen tenca mancalaquichunae tie tinue. Satanachi mantabi nechi loto, Diosi mantananun tsachi bolonbi manwilaichunae tie tinue. Yalari Jesube cayaica jonan, Diosi yalachi jutsaca piyarito, yalaca sen tenca suwachunae tie tinue. Diosichi weyan tsachilaca cuwenta, yalacanan tsanque sen tenca suwachunae.

Románolachi 1:21

Diosica duque se tintsan joe. Ya tsachila mantimini Diosica miratonan, yaca natiya se tituminlae. Yabe acradeseituminlae. Jun tenchi culpa polarino podeilaituchunae. Epele tenca cato, tenca iton joto, miiton iminla joe.

Románolachi 2:19

Weyan tsachila tenca iton joto, quirano podeitonla cuwenta epele nenaminla jochunae. Junni nulari yalaca mantucarino podeilaiyoe tilatichunae. Weyanlanan miitoto, yalachi tencabi nemen cuwenta jolajochunae. Junni nulari yalachi tenca tenchi tseno cuwenta jolajoyoe latichunae. Diosi yachi mantá chutesa carito, ¿tica jera mirano jonuncatiya jun pilabi chutesa carinuco? Junni jun pilaca tato, jeralelaca seque micarino podeiyoe tilatichunae.

1 Coríntolachi 1:30

Ya nulaca Jesucrístobe pesonnasa carimin joe. Junni Jesucrístori Apa Diosichi mantate chiquilaca duque seque quimin joe. Chiquilaca mirasa carimin joe. Yachi tenchi Diosi chiquilaca sen jolajoe timin joe. Ya chiquilaca se larimin joto, fe seisa caridede jimin joe.

2 Coríntolachi 3:18

Junni chiquilari matu to Moisechi caforo cuwenta doica itolajoyoe. Chiquilari espejo cuwenta Jesucristo tsenaminca quirawominlayoe. Junni fécari seide seide jinato, ya cuwentanan ilainayoe. Miya Jesucrístochi Tenca chiquilaca tsan suwanae.

2 Coríntolachi 4:6

Aman Diosi casaleri to quinato, jera nemen jominca Diosi tsen suwanue. Junni aman Diosinan chiquilachi tencabinan tsen suwaca joe yape Diosica tsarasica sen joeque miralarasa. Jesucrístoca tuca miito, Diosica tsaracari sen joeque tenhiminlayoe.

2 Coríntolachi 6:14

Nulari Jesucrístoca quereituminlaberi parejo penenanari seitochunae. Junni tsanhilaituna! Uyan quiran jolajoe. Meralaquede! ¿Senlabe seitonlaberi man parejori tenca calaquituchunaco? ¿Quepenni malon cuwenta itochunaco?

Galácialachi 5:25

Diosichi Tenca chiquilachibi wica jonari, yabe penenanola joyoe.

Efesolachi 2:2

Casaleri Diosica tennatuminla joto, jutsa quito nenamin jominlanue. Yucanca merámin jominlanue. Ya in tote nenamin ocolachi miya joto, seiton tsachilachi tencaca yucapiyarimin joe yape Diosica meralaquitusa.

Efesolachi 4:18

epele tenca caminla joe. Diosica merátuchi timinla joto, Diosica miitolajoe. Junto Diosica miitoto, Diosibe natiya peitolajoe.

Efesolachi 5:2

Cristo chiquilaca laquiramin joto, tencachiquenan Diosichi cuwapoito puyanue chiquilachi jutsa tenchi. Tsanque cuwapoito, Diosichi tsara uraran pubanca epe cuwaca cuwenta jominue. Junni Crístonan nulaca laquiramin jonun tenchi nula talanan laquiracaato nenalarana!

Colósalachi 1:12

Tsanque nenaminlari, Apa Diosibe acradeseintsan jochunae. Junni aman yachi tsachilachiri senca cuwachunae yachi tobi. Yachi tobiri tsara uraran jochunae tsen cuwenta. Junni Apa Diosiri nulaca sen suwaca joe nulachinan jun senca pecuwachun. Junni jun tenchi nula son tito yabe duque acradeseintsan jochunae.

Colósalachi 1:13

Chiquilachi tencabi yucanbe mantainato, nemen cuwenta jominlayoe. Junni tsan jominlaca Apa Diosiri chiquilaca manse larito, yachi laquiranun Nao mantananun tsachi bolonbi penenasa carinue.

Títochi 3:3

Chiquilanan matute tenca iton jominlayoe. Uyanla cuwenta merátuchi timinla joto, encanaito nenamin jominlayoe. Chiquilanan tenca munate nenaminla joto, seiton quimin jominlayoe. Uyanla tanunca muna timin jominlayoe. Uyanlanan chiquilaca pa jominlae. Chiquila talanan pataamin jominlayoe.

1 Juanchi 1:7

Diosi mantimini tsente chue. Junni tsachilanan tsente cuwenta seque nenatori, yabe man junni jolajochunae. Chiquilari tsente nenalaranari, Diosichi Nao Jesucrístochi asan chiquilachi jutsaca jera tsalemin jochunae.