Efesolachi 5:14 - Diosichi Pila

¹⁴ Diosichi Pilabi junca pila chuteca joe. Itsanque chuteca joe: Catson tsominla, mansonhilaide! Puyaca jotonan, mansonhilaide! Junni Cristo nulachi tencaca tsen suwachunaeque chuteca joe.

Efesolachi 5:14 ပူးပေါင်းရင်းမြစ်များ

San Lucas 1:78

Junni Diosi chiquilaca duque laquirato, chiquilachi jutsaca piyarichunae tinue. Chiquilaca laquirato, chiquilachite jamochi nechi tsechunae.

San Lucas 15:24

Lachi nao puyaca jominnan, mansonhica cuwenta joe. Topiyaca nenato manfae tichunae tinue. Junni fiesta quilaquichunae.

San Juan 8:12

Junni aman Jesuri israelítalaca manan manmicarito itsantie: —La jeralelachi tenca tenchi tseno joyoe tie. Labe penenaminlari nemenbi cuwenta chularatuchunae; sonnasa carimin tsenbi chularachunae tie.

Mantá Tanla 13:47

Aman Miya Diosi patsa chiquilaca uyanlachica erenue. Diosichi Pilabi junca itsanque chuteca joe: Diosi nulaca erecayoe tinue yape israelita itonlaca micarilaquisa. Micaribi jilaide! tinue jerale bare tobi chuminlanan jera miilaisa Diosiri jutsa quiminlaca se larimin joeque. Diosichi Pilabi tsanque pila chuteca joe tilatinue.

Románolachi 6:13

Nulachi tede, nede, misu, caca, fiqui foro, titiya jera nulachi eramienta cuwenta joe. Junni eramientalaca jutsachi cuwapotuna! yape seiton quisa caritusa. Diosichi cuwapona! yape ticatiya sen quisa carisa. Nulachi tenca puyaca cuwenta jominca Diosi mansoncarinue. Junni yabe mantailaina!

1 Coríntolachi 15:34

Junni sele mantenca cato, jutsaca manquilaquituna! Nula weyanlari wari Diosica miituchi timinla joe. La nulaca lucarichun tsantinayoe.

2 Coríntolachi 4:6

Aman Diosi casaleri to quinato, jera nemen jominca Diosi tsen suwanue. Junni aman Diosinan chiquilachi tencabinan tsen suwaca joe yape Diosica tsarasica sen joeque miralarasa. Jesucrístoca tuca miito, Diosica tsaracari sen joeque tenhiminlayoe.

Efesolachi 2:1

Nulari jutsa quiminla joto, tenca puyaca cuwenta jominlanue.

Colósalachi 3:1

Junni tenca calaquede! Nulari Crístobe mansonhica cuwenta jolajotori, Cristo chununbi sen cosalaca tenca calaquina! Yari jamochi chue. Diosichi tsa tede nanchi chue.

2 Timotéochi 1:10

Junni duque wata poletobi Jesucrístoca ereto, tsachilaca miisa carinue yalaca se larino joyoeque. Jesucristo chiquilaca se larimin joto, puyasa caritumin joe. Numatotiya sonnato polesa carimin joe. Junni Diosiri tsachilaca eree yape Jesucrístoca paca sen fiquica micarilaquisa.