Efesolachi 5:11 - Diosichi Pila

^11-12 Seitonla nemente nenaminla cuwenta joto, epele quito nenaminla joe. Yala ticatiya nosa quinanunca panori chiquilari luranola joyoe. Junni junlaberi penenalaratuna! Seque nenalarana! yape uyanlari junlaca seitonla joeque tenhilaisa.

Efesolachi 5:11 ပူးပေါင်းရင်းမြစ်များ

San Mateo 18:15

Junni Jesús camicarinato chiquilabe itsantie: —Nulachi aco manca nulaca seiton quinari, yachicanan jito, paluito sele cuenta quilaquina! tie. Nulaca meránari, yaca manse patarimin jolajochunae tie.

San Lucas 3:19

Junsi miya Heródecanan payinue. Acochi sonaca josoletuntsan joe tica jominue. Junsi jerale uyan quiraque seiton quinun tenchinan yaca seitoe tito payinue.

Mantá Tanla 26:18

Junni laca israelita itonlachica jito, yalaca tuca tenca casa caride! tie tinue yape cuni jun cuwenta canenalaratusa. Junni meráminla seiton tenca canunca purato, sen tenca mancalaquichunae tie tinue. Satanachi mantabi nechi loto, Diosi mantananun tsachi bolonbi manwilaichunae tie tinue. Yalari Jesube cayaica jonan, Diosi yalachi jutsaca piyarito, yalaca sen tenca suwachunae tie tinue. Diosichi weyan tsachilaca cuwenta, yalacanan tsanque sen tenca suwachunae.

Románolachi 16:17

Acola, soquila, nula tala weyanla uyan tala micarichi timinla joe. Nulaca man bolon, man bolon suwachi timinla joe. Jutsa quisa carichi timinla joe. Nulaca seque micarica jun fiquicari munaratuminla joe. Junni nulaca payinayoe yalaca meralaquitusa. Molatiya tsanque nenaminlaca quirato, yalabe penenatuto, chican nenanola joe.

Románolachi 6:21

Jun mate jutsa quicaca amanari nula luralarae. Junni tsanque nenato ¿niyanhilaiyun? ¿Jutsa quinun tenchi ti calaquiyun? Tinantiya catulajoe. Jutsa quito nenaminlachi tenca jutsa quinun tenchi puyaniichunae.

Galácialachi 6:8

Jutsabe waquetori, jutsabe yucapiyalaichunae. Diosichi Tencabe waquetori, Diosichi Tencaberi numatotiya sonnato polelaichunae.

Efesolachi 4:22

Junni unica camisaca manlarinun cuwenta, seiton tenca canunca mantelaquepolaquede! Casale nulari tsanque seitonque nenamin jominlanue. Seiton quinoca tenca cato, tenca mántanan epele tenca cato, seiton ica jominlanue.

Efesolachi 5:7

Junni tsantiminlabe tina penenatulajona!

Colósalachi 1:12

Tsanque nenaminlari, Apa Diosibe acradeseintsan jochunae. Junni aman yachi tsachilachiri senca cuwachunae yachi tobi. Yachi tobiri tsara uraran jochunae tsen cuwenta. Junni Apa Diosiri nulaca sen suwaca joe nulachinan jun senca pecuwachun. Junni jun tenchi nula son tito yabe duque acradeseintsan jochunae.

2 Tesalónicalachi 3:14

In pilaca merátuchi timinlaca quiranilaquina! mo tsantinanunca. Junni yalaberi monantiya nenalaratuna! yape luilaisa.

2 Tesalónicalachi 3:6

Junni lan chuminlacanan pachinayoe. Chiquilachi Miya Jesucrístochi mantate nulaca mantalaquinayoe lan chuminlabe penenatulajonaque. Jesucrístobe penenamin tsachi manca chiquila micaricaca telaquepoto lan chunari, yabe penenatulajona!

1 Timotéochi 5:20

Juntonan, ya mantá tanlari jutsaca puratuchi latinari, jeralelachi cale yalaca payina! yape weyanlanan junca quirato jutsa quinoca jeleralarasa.

1 Timotéochi 5:22

Seitonlaca tedechi tale quito mantá tan suwatori, yalachi jutsaca se joe tinun cuwenta patichunae. Junni wepana mantá tan suwatuna! Ti jutsacatiya tede potuto nenana!

1 Timotéochi 6:5

Diosichi tsarasi fiquica miitoto, tenca yucapiyacala joto, pataato nenaminlae. Yala epele tenca cato, itsantiminla joe: Diosi yabe penenaminlabe sen joto yalaca oco suwachunae timinla joe. Tsantiminlachile nechi joqueito, yalabe penenatuna!

2 Timotéochi 3:5

Diosichi tsachila jolajoyoe tinatonan, Diosichi sonbabe seituchi timinla jochunae. Junni nu Timoteo, tsantiminlabe natiya nenatuntsan joe.

2 Timotéochi 4:2

Nuri Diosichi fiquica micarina! Meráchi latinasanan, merátuchi latinasanan, ya fiquica micarimin jona! Payina! Mantucarina! Uyanla painasatiya, nuri wantaito, natiya peleituto micarina!

Títochi 2:15

Junto Diosichi jera mantate in fiquica tsanque jera micarina! Seque payina! yape monantiya nuca epe tsachi joe tilatitusa.

Quirajanunca 18:4

Junni ya anjeli labe tsantinunbi, Diosichi tobi nechi man fiquiman meráyoe. Yari itsantie: —Diosi yachi tsachilaca itsantinae tie: Jun pueblobi nechi lolaide! tinae tie. Lotutori, nulanan yalabe parejo jutsa pequilaquichunae tinae tie. Junto yala cuwentanan padeseino patilaichunae tinae tie.