Efesolachi 4:32 - Diosichi Pila

³² Seque nenato, beco beco laquiracaantsan joe. Jesucrístochi jonan, nulaca Diosi perdonainue. Junni nulanan jun tsanquenan perdonaicaalaquina!

Efesolachi 4:32 ပူးပေါင်းရင်းမြစ်များ

San Mateo 6:12

Junni chiquilaca jerale seiton quiminlaca perdonaica jonan, nunan chiquilaca perdonaide!

San Marcos 11:25

Junni Diosibe rocainato perdonailaina! tinue yape nulachi Apa Diosinan nulachi jutsaca perdonaisa.

San Lucas 1:78

Junni Diosi chiquilaca duque laquirato, chiquilachi jutsaca piyarichunae tinue. Chiquilaca laquirato, chiquilachite jamochi nechi tsechunae.

San Lucas 11:4

Aman chiquilaca jerale seiton quiminlaca perdonaica jonan, nunan chiquilacanan perdonaide! Yucanbe encanaisa caritude! Chiquilaca se laride! yape yucan chiquilaca fe lotusa.

San Lucas 17:4

Aman man malon siete ne nulaca seiton quito, siete neca ya jutsaca telaqueponan perdonaide! tinari, yaca perdonaintsan jochunae tinue.

San Lucas 6:35

Nulari uyan quiraque nenanola joe. Nulaca paiminlacanan laquiralarana! tinue. Seque quilaquina! Faricarilaquina! Mancatuchun tenca faricarilaquina! tinue. Diosi jun tsannan quimin joe. Aman acradeseituminlabenan, isapunlabenan Diosi tsanquenan sen joe. Junni nula ticatiya tsanquito nenatori, jamochi chumin Diosichi nalala jolajochunae tinue. Ticatiya tsanquito nenanari, Diosi nulachi tsaracari senca cuwachunae tinue.

San Lucas 6:37

Junto Jesús man fiquinan micarito itsantinue: —Uyanlaca culpa quitunari, Diosi nulacanan culpa quituchunae tinue. Uyanlaca perdonainari, Diosi nulacanan perdonaichunae tinue.

Mantá Tanla 28:2

Junni junbi chuminla chiquilaca laqui tito, chiquilabe duque sen jominlae. Aman suwa quinasa, jidá jelequira jominhe. Junni nin quilaquee yape chiquila lobailaisa. Chiquilaca mile pechularana! latie.

Románolachi 12:10

Acola tala cuwenta laquiracaalaquina! Uyanlaca fécari respetaintsan joe ticaalaquina!

1 Coríntolachi 13:4

Laquiraminlaca pasuwanari, pailaituchunae. Uyanlaca seque quilaquichunae. Uyanlaca feichique tenfetun, fe sen joyoe titun,

2 Coríntolachi 2:10

Junni nula perdonaica junlari lacanan seiton quicala jonari, lanan yalaca perdonaiyoe. La ticatiya perdonaitori, nulachi tenchinan perdonaiyoe. Crístochi calenan jera perdonaiyoe.

2 Coríntolachi 2:7

Amanale nechi yaca manperdonailaito, son mansuwanola joe yape ya duque laquiito pele tenca itusa.

2 Coríntolachi 6:6

Tsan jotonan, seque nenaminlayoe yape Diosichi tsachila jolajoeque miilaisa. Sen joto, junsi seque mirato paituto wantaiminlayoe. Diosichi Tencachi sonbabe tsanque padeseiminlayoe. Junni tsara duque laquiramin jolajoyoe.

Efesolachi 5:1

Diosi laquiranun nalala jotori, ya cuwenta nenalarana!

Santiago 5:11

Meralaquede! Peleitumin jominlacari pansi jolajoe timinlayoe. Matu tote Job tinun tsachi jominca tenca calaquede. Yari duque padeseinatonan, natiya peleitumin jominue. Junni Diosi tsaracari laquiramin joto, Job michi padeseinaminca jera manse patarinue.

2 Pédrochi 1:7

Junsi Diosica fe meráto, uyan Jesucrístobe penenaminlaca fe laquiramin ide ide jilaina! Junsi yalaca laquirato, jeralelacanan fe laquiramin ilaina!

1 Juanchi 1:9

Chiquilachi jutsaca Jesucrístobe jera panilaquinari, yari jera piyarichunae. Yari seque quimin joe. Junto chiquila seitonque tenca cananunca jera tsalechunae. Tsanno joe; nene patumin joe.

1 Juanchi 2:12

Nalala, Jesucristo nulachi jutsaca piyarica jonan, nulachica erechun pila quinayoe.