Efesolachi 4:18 - Diosichi Pila

¹⁸ epele tenca caminla joe. Diosica merátuchi timinla joto, Diosica miitolajoe. Junto Diosica miitoto, Diosibe natiya peitolajoe.

Efesolachi 4:18 ပူးပေါင်းရင်းမြစ်များ

San Marcos 3:5

Junni Jesús yalaca duque pa quiranue. Junsi yalari entendeituchi timinla jonun tenchi duque laquiinue. Junsi ya quiyanpun tsachibe itsantinue: —Tedeca mantuquede! tinue. Junni yari tede mantuquesi manseinue.

San Juan 12:40

Diosi miituchi timinlaca miino podeiton suwamin joe yape miilaitusa. Merátuchi timinlaca meráno podeiton suwamin joe yape meralaquitusa. Tsanque podeiton suwamin joe yape yala Diosibe cayaituto manseilaitusa.

Mantá Tanla 17:30

Nula miratunun mate epele tenca cato nenanunca Diosi wantainiimin jominue tinue. Tsan josanan amanari jerale tote piyanle tsachilaca jutsaca jera telaquepoto casan tala tenca mancalaquedeque mantanae tinue.

Mantá Tanla 3:17

Aman nulabe nulachi miyalabe Jesuca totesa cuwaponato, miitoto cuwapolaquee tinue. Junca mirayoe tinue.

Románolachi 1:28

Diosica telaquepochi timinlaca Diosinan telaquepomin joe yape tenca iton joto seiton quinilaquisa.

Románolachi 11:25

Acola, soquila, nulabe man fiquinan pano muquee yape junca mirato fe sen joyoe tilatitusa. Itsanque joe: Weyan israelítalari merátumin tenca jolajochunae israelita itonla Diosibe jera cayaino fecári.

Románolachi 11:7

¿Junni niyan tintsan jun? Israelítala Diosibe sen jochique tenfelainatonan podeilaitunue. Mannan Diosi wenteca junlari podeilainue. Uyanlacari merátuchi timin tenca suwanue.

Románolachi 2:19

Weyan tsachila tenca iton joto, quirano podeitonla cuwenta epele nenaminla jochunae. Junni nulari yalaca mantucarino podeilaiyoe tilatichunae. Weyanlanan miitoto, yalachi tencabi nemen cuwenta jolajochunae. Junni nulari yalachi tenca tenchi tseno cuwenta jolajoyoe latichunae. Diosi yachi mantá chutesa carito, ¿tica jera mirano jonuncatiya jun pilabi chutesa carinuco? Junni jun pilaca tato, jeralelaca seque micarino podeiyoe tilatichunae.

1 Coríntolachi 1:21

Ya tsachila duque miraminla jotonan, Diosica miino podeitucala joe. Diosi tsa miramin joto, tsan josa carinue tsachilaca uyan quiraque se larichun. Tenca mánta Diosica miino podeitunan, chiquila micarica fiquica quereiminlaca se lariyanae tinue. Ya tsachilari Diosichi fiquica micarinoca epe joe timinla josanan, Diosi tsanque se larinoca se joe tinue.

1 Coríntolachi 2:8

Tsachila tala mantá tanlari junca natiya tenhilaitunue. Junca tenhica jomanpari, tsara sen Miya Jesucrístoca corosibi totesa carino itono jominla jonhoe.

2 Coríntolachi 3:14

Aman jun tsanpachi doinan, israelítala yachi caforoca natiya quirano podeilaitunue. Junni amana mate israelítala jun tsanquenan jolajoe. Aman matu trato pila chuteca fiquica quiranato, seque quereito quiratuminla joe. Tencabi doica jun cuwenta entendeituminla joe. Aman Crístori jun tsanpa doicala cuwenta jominca manlasimin joe.

2 Coríntolachi 4:4

Yucanni yalaca merása carituca joe. Yucan Diosica quereituchi timinlabe Diosi cuwentanan joe. Junto yalaca merása carituca joe yape tsarasi sen fiquica entendeilaitusa. Ya sen fiquiri Crístoca tsaracari sen joeque paca fiqui joe. Crístoca Apa Diosi cuwenta sen joeque paca fiqui joe.

Galácialachi 4:8

Casaleri nulari tsa Diosicari miitominlanue. Epe diosi joe tinunlaberi penenato, yalabe peyunla cuwenta mantaimin jominlanue.

Efesolachi 2:1

Nulari jutsa quiminla joto, tenca puyaca cuwenta jominlanue.

Efesolachi 2:12

Junni nulaca tsantintsan jominue. Crístochi caitominlanue. Diosi wenteca israelita tinunlabe peitominlanue. Diosi israelítalaberi trato quito, nulabe trato pequica itominue. Niyaquenantiya se lono itominlanue. In tote Diosi caquiraca iton cuwentanan chuminlanue.

Colósalachi 1:21

Junni jeralelaca tsanque se patarimin joto, nulacanan tsanquenan se patarinue. Casaleri nulari yaca laquiratuto, pa tala nenato seitonque nenamin jominlanue. Tsan jominlaca yari manse patarinue. Tsachi puca ito puyanue yape nula Diosichi ilaisa. Puyanue yape nanni ina nulari Diosichi cale sen jolajosa. Yari nulaca nanni ina Diosichi cale senlaca wirucarichunae. Junto ya puyanun tenchi jun materi monantiya nulaca culpa quino podeilaituchunae.

1 Tesalónicalachi 4:5

Diosibe penenatuminlari sona cato, delanocasiri tenca cato sona caminlae. Nulari tsanquira itolajona!

Israelítalachi 5:2

Weyan tsachila miitonla jonari, o pele tenca jolajonari, yalabe patelela jamiminca pano podeilaichunae patelelanan cumana tenca joyoeque tenhito.

Israelítalachi 9:7

Manca jali tamochiri, Diosichi tsara sen tamochi mantimini mantá tan patelesiri wimin jominue. Junbiri wata cura man nesiri wimin jominue. Junni patelebe weyan tsachilabe weyante tenhituto jutsa quicala jochunae. Junni ya tsara sen tamochi winatori animalica toteto, asanca petanwino jominue ya jutsa tenchi.

Santiago 4:4

Junni Diosica tennatuminlachi mite nenaminlari Diosica pa nenaminla joe. ¿Niyaito junca tenhilaitiyun? Tsanque seitonque nenalaratori, Diosibe pa tala patilaichunae. Diosica purato, leyan sonala cuwenta jolajochunae.

1 Pédrochi 1:14

Matunan Diosichi fiquica miitoto, nulachi tenca munateri nenato, seitonque nenamin jominlanue. Amanari tsanque nenatuntsan joe. Merámin nalala cuwenta sen jolajona!

1 Juanchi 2:11

Acolaca pa nenaminla mantimini nemenbi cuwenta nenalarachunae. Nemenbi nenato, nunchi jino jonunca miitolajochunae. Nemenbi caca yucapiyaca jochunae.