Efesolachi 3:16 - Diosichi Pila

¹⁶ Junto yabe rocaimin joyoe yape yari tsaracari sen mantá tan joto, yachi Tenca nulachi tencaca sonba suwasa.

Efesolachi 3:16 ပူးပေါင်းရင်းမြစ်များ

San Mateo 6:13

Yucanbe encanaisa caritude! Chiquilaca se laride! yape yucan chiquilaca fe lotusa. Nusiri Miya joe; nusiri tsara poden joe; nusiri tsara sen mantá tae. Amen

Románolachi 7:22

Lachi tencabi Diosichi mantaca sen joe tiyoe.

1 Coríntolachi 16:13

Tencabe nenato, peleituto Diosica tennalarana! Sonban tenca joto fe lolaina!

2 Coríntolachi 12:9

Junni michi rocainasanan, Diosiri labe itsantie: Laca padeseinaminca quirato, yari duque laquirato ayudaiyanae tie yape padeseinatotiya wantainiisa. Chiquilacari fe cumana jominca Diosi fe sonba suwano poden joyoe tie. Jun tenchi cumana joyoeque son tito pamin joyoe yape Crístori yachi sonbaca lachi cuwasa.

2 Coríntolachi 4:16

Junto chiquilari pele tenca ituminlayoe. Aman chiquilachi pucari unica ito yucapiyanasanan, chiquilachi tencari ma cura casan cuwenta manhide ide jiniiminlayoe.

Efesolachi 1:18

In fiquica miisa rocainayoe. Diosi nulaca yabe cayaisa tinue yape yachi jolajosa. Aman Diosi yachi tsachilachi duque senca cuwachunae. Junni nulanan jun senca seque tenca cato meralarae. Junni Diosi miituntsancari sonban joto, yaca quereiminlaca jun sonbabe se suwachunae. Aman lari Diosibe duque rocaimin joyoe yape nula ya fiquica jera miilaisa.

Efesolachi 1:7

Ya Nao yachi Apachi mantate puyato, asan larito, chiquilaca se larito cuwae. Chiquilachi jutsaca piyarito se larito cuwae. Chiquilaca duque laquirato perdonaicae.

Efesolachi 2:7

Diosi chiquilabe jelecari sen joe Jesucrístochi jonun tenchi. Junto chiquilaca Jesucrístobe chumin cuwenta suwanue yape uyanlanan tenhilaisa ya duque laquiramin joeque. Numatotiya junca quirawonato polechunae.

Efesolachi 3:15

Diosiri yachi tsachilachi Apa joe. Yachi tsachila jeralela Diosichi tobi chuminlanan, in tote chuminlanan, yachi familiala jolajoyoe.

Efesolachi 3:8

Jerale Diosichi tsachilale nechi la fe epe tsachi jonun cuwenta joyoe. Tsan jomincanan laca duque laquirato in mantaca cuwae yape israelita itonlaca micarisa. Lari Cristo miratuno quiracari sen joeque micarino joyoe.

Efesolachi 6:10

Junni Miya Jesucrístochi sonbabe sonban tenca ilaina!

Filípolachi 4:13

Crístori lachi tencaca sonba suwanasari, niyaquetiya quino podeiniiyoe.

Filípolachi 4:19

Junni nulari Diosichi tenchi cuwanan, yanan nulachi mancuwachunae. Lachi Diosiri Jesucrístochi tsachilachi tenchi duque tae. Yari tsaracari senca tae. Junto nulari ti munaranuncatiya jera cuwaniquichunae.

Colósalachi 1:11

Junni Diosiri tsaracari sonban joto, nulachi tencaca sonba suwachunae yape nulari duque son tito, quereinoca numanan peleituto nenalarasa. Sonban tenca ito, niyan quilaquinasatiya pailaituchunae. Junni chiquilari Diosibe nulachi tenchi duque rocaiminlayoe yape nula tsantin nenalarasa.

Colósalachi 1:27

Ya tsara sen fiquica yalaca miralarasa munaraminue. Junni israelita itonlachi tenchinan tsara sen fiqui joe. Yari itsanque joe: Cristo nulachi tencabi wito chunan, nulari manca mate Diosibe tsara sen chularachunae. Cristo nulachi tencabi pechunari, jun ma fecári pansi mérano podeilaichunaeque paca fiqui joe.

Colósalachi 2:2

yape nula jeralelachi tenca sonbailaisa. Laquiracaato, man junni jonola joe. Crístoca paca fiquica tsaracari mirato, seque miralarayoeque tenhinola joe. Yasiri tsarasica miisa carimin joe. Yasiri jerale tsarasi jonunca micarimin joe. Junni ya fiquica casaleri Diosiri miisa caritumin jotonan, amanari ya fiquica micarica joe. Junni ya fiquica tsanque seque miratori, nulachi tenca sonba ilaichunae.

2 Timotéochi 4:17

Junni tsachilari laca puracala josanan, Miya Diosiri laca natiya puratue. Yari laca sonba tenca suwae yape yachi fiquica jera pano poden josa, yape jerale israelita itonlanan jun fiquica meralaquisa. Tsanque Diosi laca puyano polarisa carito se larie.

Israelítalachi 11:34

Weyanlari sonban nin lunaminca piyarilaquinue. Weyanlari se lolainue pa jominla espadachi totechi latinasanan. Weyanlari cumana jominlari Diosibe sonbailainue. Weyanlari duque sonba quera quicaato, bare to soldadolaca suerelaquinue.

1 Pédrochi 3:4

Man malon fecáriri moso ilaichunae; junteri poleniichunae. Nula mantimini uyan tala moso ilaina! Paituto, seque tenca calaquina! Tsanquitori, jamoleri moso itolajochunae; tencabinan moso jolajochunae. Diosiri junca tsara se joe tichunae.