Efesolachi 1:7 - Diosichi Pila

⁷ Ya Nao yachi Apachi mantate puyato, asan larito, chiquilaca se larito cuwae. Chiquilachi jutsaca piyarito se larito cuwae. Chiquilaca duque laquirato perdonaicae.

Efesolachi 1:7 ပူးပေါင်းရင်းမြစ်များ

San Mateo 20:28

La patsa tsachi ica jun joto, peyunlaca mantaquebi jatucayoe. Lanan peyun cuwenta nenabi jacayoe tie. Duque tsachilachi tenchi puyabi jacayoe tie yape casticailaitusa.

San Mateo 6:12

Junni chiquilaca jerale seiton quiminlaca perdonaica jonan, nunan chiquilaca perdonaide!

San Marcos 14:24

Junni Jesús yalabe itsantinue: —Amana Diosi tsachilabe trato quinae jutsa piyarino joyoeque. Junni in binori lachi asan joe tinue. In binoca tenca cato miintsan jochunae Diosi ya casan trato quica joeque. Lari layan tsachilachi tenchi asan larino joyoe tinue.

San Lucas 1:77

Nu Diosichi tsachilaca micarinato, in fiquica micarichunae tinue. Chiquilaca se larichunaeque micarichunae tinue; jutsaca piyarintsan joeque micarichunae tinue.

San Lucas 24:47

Junni la puyato mansonhicabi, piyanle tote tsachilaca jera meracarintsan jochunaeque chuteca joe tinue yalachi jutsaca piyarintsan jochunaeque. Aman jutsa quinunca telaquepoto, casan tala tenca mancalaquinari, yalachi jutsaca piyarichunaeque meracarintsan jochunae tinue. Casale Jerusalenbi, junte nechi piyanle tote, lachi mantate jera tsanque meracarintsan jochunaeque chuteca joe.

San Juan 20:23

Nula molacatiya jutsa perdonainari, yalachi jutsaca perdonaica jochunae tie. Molacatiya jutsa perdonaitunari, yalachi jutsaca caperdonaica itochunae tie.

Mantá Tanla 10:43

Jesucrístori jutsa piyarimin joe tinue. Jerale yabe cayaiminlacari jutsa piyarichunae tinue. Jerale matu tote Diosichi mantate paminlanan jun tsanquenan cuenta polarimin jominlanue tinue.

Mantá Tanla 2:38

Junni Pédrori yalabenan itsantinue: —Nula jeralela jutsa quinunca telaquepoto, casan tala tenca mancato, mumunhilaide! tinue Jesucrístochi icayoe tito. Junni Diosi nulachi jutsaca piyarito, yachi Tencaca nulachibi wisa carichunae tinue. Epe cuwanique cuwenta, yachi Tencaca nulachibi wisa carichunae.

Mantá Tanla 20:28

Junni nulanan tencabe nenato, Miya Diosichi tsachilaca seque payito cuidailaina! tie. Miya Jesucrístochi tsachi bolonla jolajoe. Yachi asanchi yalachi jutsaca piyarica joe. Junni Diosichi Tenca nulachi mantá cuwaca joe yape yachi tsachilaca micarito cuidailaisa. Junni seque cuidailaina! tie.

Mantá Tanla 3:19

Junni nulari jutsa quinunca telaquepoto, casan tala tenca mancalaquede! tinue. Diosibe cayailaide! tinue. Tsanlaquinari, Diosi nulachi jutsaca jera piyarichunae tinue. Miya Diosi nulaca pansi chusa carichunae tinue.

Románolachi 2:4

Uyanlaca culpa quinatonan, jutsa quiminla joe. Tsan josanan, Diosi duque sen joto, nulaca castica caquitue. Pa jotonan wantainae. Junni epenan wantaitue. Nula jutsa quinunca telaquepoto, casan tala tenca mancasa tinae. Jun tenchi nulaca casticaquituto wantainae. Nula mantimini Diosi wantainaminca yape tito tennatuminla joe.

Románolachi 3:24

Jesucristo puyato, chiquilachi jutsaca jera piyarichun pacara quinue. Jun tenchi chiquila tinantiya quitusanan, Diosi chiquilaca laquirato se larimin joe.

Románolachi 3:25

Jesuca caquereituminnan, jutsa quimin jominlayoe. Junni Diosi ya jutsaca casticaquitue. Duque wantaimin joto, chiquila ya jutsa quinasa, Diosi quiraniquinaminue. Junto Diosi chiquilachi jutsaca telaqueponiquimanpari, Diosinan seiton patino jomin jonhoe. Junto Jesucrístoca erenue yaca quereiminlachi jutsaca yachi asanchi piyarisa.

1 Coríntolachi 1:30

Ya nulaca Jesucrístobe pesonnasa carimin joe. Junni Jesucrístori Apa Diosichi mantate chiquilaca duque seque quimin joe. Chiquilaca mirasa carimin joe. Yachi tenchi Diosi chiquilaca sen jolajoe timin joe. Ya chiquilaca se larimin joto, fe seisa caridede jimin joe.

2 Coríntolachi 8:9

Chiquilachi Miya Jesucrístori duque laquiramin joeque nulari jera miralaranae. Yari jerale ticatiya tsacumin jotonan, popere inue yape chiquilanan poperela jomin jotonan, yachi tenchiri titiya jera munaranuncatiya talarasa.

Efesolachi 1:14

Chiquila amanari Diosichi Tencaca nasiri tato miintsan joe Diosi chiquilachi jera ticatiya cuwachunaeque. Ticatiya senca cuwachunae yape chiquila yaca Duque sen joe latisa. Junni Diosichi Tencari cala antisipaquica cuwenta joe. Jun calaca nasiri tato miintsan joe jerale calaca cano joyoeque.

Efesolachi 1:18

In fiquica miisa rocainayoe. Diosi nulaca yabe cayaisa tinue yape yachi jolajosa. Aman Diosi yachi tsachilachi duque senca cuwachunae. Junni nulanan jun senca seque tenca cato meralarae. Junni Diosi miituntsancari sonban joto, yaca quereiminlaca jun sonbabe se suwachunae. Aman lari Diosibe duque rocaimin joyoe yape nula ya fiquica jera miilaisa.

Efesolachi 1:6

Chiquila Diosichi munatinun Naochi tsachila jonan, Diosi chiquilaca duque laquirato, chiquilaca senla joe timinhe. Junto chiquilaca wentenue yape Diosi duque laquiramin jonan yaca sen joe latisa.

Efesolachi 1:8

Matu male nechi Diosi ticatiya quino tenca canaminue. Cristo ticatiya quino jominue. Junni casale tsachilari junca miitominlanue. Amanari chiquilaca laquirato jera micaricae.

Efesolachi 2:4

Jutsaca quiminla joto, tenca puyaca cuwenta jominlayoe. Diosi mantimini duque laquiramin joe. Junni chiquila Crístobe cayainan, chiquilachi tenca puyaca cuwenta jominca mansoncarie. Chiquila seiton jominlaca Diosiri chiquilaca laquichi se larinue.

Efesolachi 2:7

Diosi chiquilabe jelecari sen joe Jesucrístochi jonun tenchi. Junto chiquilaca Jesucrístobe chumin cuwenta suwanue yape uyanlanan tenhilaisa ya duque laquiramin joeque. Numatotiya junca quirawonato polechunae.

Efesolachi 3:16

Junto yabe rocaimin joyoe yape yari tsaracari sen mantá tan joto, yachi Tenca nulachi tencaca sonba suwasa.

Efesolachi 3:8

Jerale Diosichi tsachilale nechi la fe epe tsachi jonun cuwenta joyoe. Tsan jomincanan laca duque laquirato in mantaca cuwae yape israelita itonlaca micarisa. Lari Cristo miratuno quiracari sen joeque micarino joyoe.

Filípolachi 4:19

Junni nulari Diosichi tenchi cuwanan, yanan nulachi mancuwachunae. Lachi Diosiri Jesucrístochi tsachilachi tenchi duque tae. Yari tsaracari senca tae. Junto nulari ti munaranuncatiya jera cuwaniquichunae.

Colósalachi 1:14

Ya Naochi mantá cuwanue yape chiquilaca se larito chiquilachi jutsaca piyarisa.

Colósalachi 1:27

Ya tsara sen fiquica yalaca miralarasa munaraminue. Junni israelita itonlachi tenchinan tsara sen fiqui joe. Yari itsanque joe: Cristo nulachi tencabi wito chunan, nulari manca mate Diosibe tsara sen chularachunae. Cristo nulachi tencabi pechunari, jun ma fecári pansi mérano podeilaichunaeque paca fiqui joe.

Colósalachi 2:13

Junsi Diosiri nulaca Crístobe mansoncarinue. Nulari Diosichi tsachila itoto, jutsa quiminla joto, tenca puyaca cuwenta jominlanue. Diosi mantimini jutsaca piyarito, nulachi tencaca mansoncarinue.

Colósalachi 2:2

yape nula jeralelachi tenca sonbailaisa. Laquiracaato, man junni jonola joe. Crístoca paca fiquica tsaracari mirato, seque miralarayoeque tenhinola joe. Yasiri tsarasica miisa carimin joe. Yasiri jerale tsarasi jonunca micarimin joe. Junni ya fiquica casaleri Diosiri miisa caritumin jotonan, amanari ya fiquica micarica joe. Junni ya fiquica tsanque seque miratori, nulachi tenca sonba ilaichunae.

1 Timotéochi 2:6

Junni jeralelaca se larichun puyanue. Tsanque pacara quinue chiquilachi jutsaca piyarichun. Junni ya sen fiquica cuenta polarino ma fanan, Diosi ya fiquica merawosa carinue.

Títochi 2:14

Tencachiquenan cuwapoinue chiquilachi jutsaca piyarito chiquilaca jera se larichun. Chiquilaca se suwanue yape yachi tsachila jolajosa. Junni yachi tsachila jolajotori, uyanlabenan duque sen jono munaralaraichunae.

Títochi 3:6

Jesucristo chiquilaca se larica jonan, Diosi yachi Tencaca ereniquee yape chiquilachibi wisa.

Israelítalachi 9:22

Unica tratoberi case jeraleca asanchiri casintsan jominue. Tilatiya asan larito puyatunari, jutsa perdonaituntsan joe.

1 Pédrochi 2:24

Chiquilachi jutsa tenchi corosibi wiloito puyae. Yari chiquilachi jutsaca piyarichun puyae yape seque nenalarasa. Ya fudainun tenchi nula manseilaie.

1 Pédrochi 3:18

Jesucrístori jun tsanhinue. Sen jotonan, jerale seitonlachi tenchi puyanue yalachi jutsaca piyarito Diosibe cayaisa carichun. Yachi pucari puyaca josanan, Diosichi Tenca yaca mansoncarinue.

1 Juanchi 2:12

Nalala, Jesucristo nulachi jutsaca piyarica jonan, nulachica erechun pila quinayoe.

1 Juanchi 2:2

Yari chiquilachi jutsa tenchi puyaca jominhe. Juntonan chiquilachi tenchisiri itominue. Piyanlelachi tenchi puyaca jominhe.

1 Juanchi 4:10

Diosi tsa laquiramin joe. Chiquila Diosica nasi laquirasanan, yari casalenan chiquilaca duque fe laquiraminue. Chiquilaca laquirato, yachi Naoca erenue yape chiquilachi jutsa tenchi puyasa.

Quirajanunca 14:4

Yala Diosica telaquepotuto, yacasiri tennaminla joe. Opisa Na nunchi nenasatiya yabe penenaminla joe. Yala tenchi pacara quito, tsachilale nechi yalaca se laricala joe. Jana ti waquecatiya casale cayaca Diosichi nasi cuwanun joe Yachi joe tito. Junni inla jun tsanquenan Diosichinan, Opisa Nachinan jolajoe.

Quirajanunca 5:9

Ya tason tanlari Opisa Náca casan canta quilaquinae. Itsanque canta quilaquinae: Nuri ya seyoca boleno michi sen joe latinae. Nu totaito nuchi asanchi tsachilaca Diosichi tenchi se laricae latinae. Nu se larica junla jerale tsachi bolonbi nechi, jerale fiqui paminlale nechi, jerale tobi chuminlale nechi jolajoe latinae.