Efesolachi 1:10 - Diosichi Pila

¹⁰ Jun micarica jun fiqui itsanque joe: Cristo mantano ma fenunbi, piyanlelaca mantachunae. Jerale layaito jamochi chuminlanan, tote chuminlanan, Crístobesiri mantailaichunae.

Efesolachi 1:10 ပူးပေါင်းရင်းမြစ်များ

San Mateo 25:32

Junbi chudinunsi, lachi cale jerale tobi chuminla layailaichunae. ¿Aman jana animalica cuidaimin tsachila opisabe chibobeca wenteto palu bolon quiminla joco? tie. Aman lari jun tsanquenan tsachilaca jera miito wenteto, palu bolon queyanae tie.

San Marcos 1:15

—Ma feca joe tie. Diosi ya mantananun tsachi bolon suwanae tinue. Jun tenchi jutsa quinunca telaquepoto, casan tala tenca mancato, Diosichi sen fiquica quereilaide! tinue.

1 Coríntolachi 10:11

Diosiri yalaca tsanque jera casticaquinue yape tencabe nenalarasa. Junni junca chiquilachi tenchi pila chutesa carinue. Chiquila sonnano matenan to yucapiyarino ma queloinae. Junni chiquilari yalaca tenca cato quirato miinola joyoe yala cuwenta nenatuchun.

1 Coríntolachi 11:3

Junsi man fiquicaman miintsan joe. Apa Diosiri Crístoca mantamin joe. Junsi Crístori unilalaca mantamin joe. Junsi unilala yalachi sonalaca mantaminla joe.

Galácialachi 4:4

Junni ma fenunbi, Diosiri yachi Naoca erenue yape chiquilaca se larisa. Yachi ayanni tsachi sona jominue. Ya Naori tsachi inue. Junni yanan israelita pejoto, Diosichi mantá chutecaca pemeráno jun jominue. Junni yanan ya mantaca pemeráno jun joto,

Efesolachi 1:22

Diosi Crístoca jeralelaca mantá tan suwanue. Junsi yachi tsachilachi Miya suwanue. Crístori jera sen quimin joe. Tsan jotonan, yachi tsachila itonari, yanan cafalta jochunae. Jana tsachi puca cuwenta jochunae. Tsachilachi misu jera pucaca mantamin joe. Chiquilachi misubi tenca janunca tede o nede wecacariminla joyoe. Junni Cristo jun tsanquenan yachi tsachilaca mantamin joe misu cuwenta.

Efesolachi 2:15

Itsanque jominue: Ya puyato, israelítalachi matu mantaca epe suwanue. Junni israelítalanan, israelita itonlanan yachi tsachila joto, man junni jolajoyoe. Junni man junni joto, pataato nenano itolajoyoe.

Efesolachi 3:15

Diosiri yachi tsachilachi Apa joe. Yachi tsachila jeralela Diosichi tobi chuminlanan, in tote chuminlanan, yachi familiala jolajoyoe.

Efesolachi 3:2

Nula meracala jonhoe Diosi laca laquirato wenteca jonunca. Laca wentenue yape nulaca jun sen fiquica micarisa.

Colósalachi 1:16

Diosi yachi Naoca jera quisa carinue. Jamochi jominca, tote jominca, quirasá jominca, quirasá itominca, yari jera quinue. Mantá tan anjeli tsanlaca, mantá tan oco tsanlaca, yala tala miyalaca, yari jera quinue yape yachi jolajosa.

Colósalachi 1:20

Junni yachi Naochi mantá cuwanue yape jeralelaca Diosibe se patarisa. Tote chuminlaca, jamochi chuminlaca, jeralelaca Diosibe se patarimin joe. Corosibi puyato, yachi asanca larito, jeralelaca se patarimin joe.

Colósalachi 3:11

Junni Diosibe casan tala mannenaminla talari jeralela man parejori jolajoyoe. Israelítala o israelita itonla, israelítalachi mite quidoca poraica junla o poraica itonla, fetólalanan o bare tobi chuminlanan, peyunlanan o patronlanan, jeralela man parejori jolajoyoe. Junni jerale Crístobe cayaica junlari jun tsan jun tsannan jolajoyoe.

Israelítalachi 1:2

Junni amana mate, to jeraino queloinasa, Diosi yachi Naocaman chiquilabe cuenta quisa erenue. Yachi Naocari ticatiya piyanleca tsacumin jono joe tinue. Yachi Apachi mantate yari jeraca quica joe. To, yo, pe, ticatiya quica joe.

Israelítalachi 11:40

Diosiri chiquilaca tenca cato, nantanancari seque queyanae tinue. Yalacasiri jera seque quino itoyoe tinue. Yalacanan, chiquilacanan jera man parejori sen suwanae tinue. Jun tenchi yalari mérano jominlanue.

Israelítalachi 9:10

Jamoleri casimin jominlanue. Ticatiya fitusa, ticatiya cuchitusa, pibi tsalaisa, tsanqueri mantamin jominlanue. Tsanminlari pucacasiri casinaminlanue. Tencacari casitumin jominlanue. Diosinan tsanquisa mantá cuwaca joto, casan tratoca manquino fecáriri tsanque mantaca jominue.

1 Pédrochi 1:20

Diosi toca caquituminnan, yaca pato, puyano jochunae tinue. Junni to yucapiyarino ma quelo inasa, Cristo nulaca laquirato jamochi nechi patanue nulachi tenchi puyachun.

Quirajanunca 5:9

Ya tason tanlari Opisa Náca casan canta quilaquinae. Itsanque canta quilaquinae: Nuri ya seyoca boleno michi sen joe latinae. Nu totaito nuchi asanchi tsachilaca Diosichi tenchi se laricae latinae. Nu se larica junla jerale tsachi bolonbi nechi, jerale fiqui paminlale nechi, jerale tobi chuminlale nechi jolajoe latinae.