Colósalachi 4:4 - Diosichi Pila

⁴ Lari tuca micarino joyoe. Junni Diosibe rocailaina! la tsanque tuca micarisa.

Colósalachi 4:4 ပူးပေါင်းရင်းမြစ်များ

Mantá Tanla 4:29

Chiquilari nube mantaiminla joyoe. Tsan josanan, chiquilaca seiton quichi latinae. Aman nu Diosi, junca meráto, chiquilaca sonba tenca suwade! chiquilari jeleratuto nuchi fiquica palaquichun.

Mantá Tanla 5:29

Pédrobe uyan Crístochi mantá tanlabe beconan pato, ya mantaminlabe itsanlatinue: —Chiquilari tsachilacari merátuto, Diosicasiri meránola joyoe latinue.

2 Coríntolachi 3:12

Aman ya casan fiqui tsaracari sen joeque mirato, chiquilari junca micarinato natiya lu titulajoyoe.

Efesolachi 6:20

Ya fiquica micarimin jonun tenchi dorayoe. Crístochi mantate pamin jonun tenchinan dorayoe. Juntonan jeleratuto micarino joyoe. Junni Diosibe duque rocailaina! la tsanquenan jeleratuto micarisa.

Colósalachi 4:5

Jesucrístochi itonlachite nenato, tenca calaquina! seque nenachun. Lan chularatuna! Diosichi tenchi seque quichun tenfelaina!

Colósalachi 4:6

Seque palaquina! Merántsan fiquicari palaquina! Uyanlari nula quereinunca panhalaquinari, yalabe niyaque beconan manpano jonunca miicala jona!