Colósalachi 3:8 - Diosichi Pila

⁸ Amanari tsanque nenanoca jera telaqueponola joe. Pailaituna! Pacaalaquituna! Yucacuralaquituna! Seitonque palaquituna!

Colósalachi 3:8 ပူးပေါင်းရင်းမြစ်များ

San Mateo 5:22

Junni matu tote tsantica josanan, Jesuri uyan quiraque pachinayoe tie. Paiminlanan juisioito casticailaichunae tiyoe tie. Junsi yucacuraminlanan fe mantá tanlachi cale wiruinola jochunae tie. Junsi ti quira tenca iton joe timinlari yucanchi ninbi quepoitotiya ilaichunae tiyoe tie.

San Marcos 7:22

tarinno, titiya uyanla tanunca munaito quirano, uyanlaca seiton quino, nene pano, seiton quino, uyanla tanun tenchi pa nenano, uyanlaca epele pano, uyanlaca fe joyoe tino, junsi tenca iton jono, yalasiri duque seiton suwano joe tiyoe tinue.

Románolachi 13:13

Junni tsente nenaminla talari seque nenantsan joe. Jilu itoto, winan ituto, uyan sonalabe o uyan unilalabe nosa seitonque nenatuto, pacaatuto nenantsan joe. Uyanlaca fe jochique pataato nenatuntsan joe.

1 Coríntolachi 3:3

Nulachi tenca munate canenalarae. Nula tala fe joyoe tito, pataato canenaminnan, ¿tenca munate nenaminla jotiyun? Tsanlari Diosichi itonla cuwenta nenalarae.

2 Coríntolachi 12:20

Aman lari nulachica jitori, laqui jono muquetue. Lachi nulacanan laqui jotusa tenjae. Jun tenchiri nulaca tsanque payinayoe. Pansile la janasa nula weyanlari quino itonunca quilaquichunae. Nulari pataan, uyanlaca fe jotusa pain, yucacuran, pa jun, isa tin, epe fiquica polarin, fe joyoe tin, tinilatichunae. Tsanqueri nenalarasa natiya munaratiyoe. Tsanque nenanilaranari, lari nulaca duque sonba payino patiichunae. Junca nulanan munaralaratuchunae.

Galácialachi 5:15

Laquiratuto pacaatori, pansile yucapiyaricaalaquichunae.

Galácialachi 5:20

epe diosi joe tinun moldechi cale telenhin, pone quin, ocobe miin, pataato quicaan, pa tala nenan, uyanlaca fe jochi tin, isa pun, yucacuran, lu oco jun, pa muquinasa jun,

Galácialachi 5:26

Chiquila fe jochique tenfetuntsan joe. Uyanlaca fe jochique tenfelainari, uyanlanan beconan fe jochique tenfelaichunae. Yari duque seitochunae. Uyanla tanuncari natiya munaito quiralaquituna!

Efesolachi 4:22

Junni unica camisaca manlarinun cuwenta, seiton tenca canunca mantelaquepolaquede! Casale nulari tsanque seitonque nenamin jominlanue. Seiton quinoca tenca cato, tenca mántanan epele tenca cato, seiton ica jominlanue.

Efesolachi 4:25

Chiquila jeralela man bolonni jotori, jeralelanan nene patuto, tsarasica cuenta quintsan joe.

Efesolachi 4:26

Pansile pataatori, yo cawitusanan manse patilaina! jutsa quituchun.

Efesolachi 4:29

Seiton fiquica palaquituna! Tencabe pato, tsachila meráno jonun fiquica palaquina! Sen fiquicasiri palaquina! yape meráminla fe seque tenca calaquisa.

Efesolachi 5:4

Epe cuenta quin, seiton cuentaca quin, quitulajona! Tsantin nenatuto, Diosibe acradeseito nenanola joe.

Colósalachi 3:5

Puyacalari wari jutsa quituminla joe. Junni nulanan puyacala cuwenta jotori, Diosichi itonlachi mite nenanoca telaquepolaquede! Uyan sonalabe o uyan unilalabe nosa seitonque nenalaratuna! Sonalaca seitonque munaito quiralaquituna! Cano itonunca cachi titulajona! Uyanlachica munaito quiralaquituna! Uyanlachica munaito quiraminlari seiton jolajoe diosi joe tinun moldechi cale telenhiminla cuwenta.

Colósalachi 3:9

Seitonque nenanoca telaquepocala jotori, nula tala nene patuntsan joe. Camisa unicaca larito queponun cuwenta, seitonque tenca canunca telaquepolaquee.

1 Timotéochi 1:13

Lari casaleri Miya Jesucrístoca yucacurato, yachi tsachilabe seiton jomanyoe. Junni tsancari seiton quinamincanan laca laquirato se larie. Yari miraminhe lari miitoto, yaca tennatuto, tsan jominheque.

1 Timotéochi 1:20

Himenéobe Alejándrobe tsanhicala joe. Yalaca Satanachi cuwapoca cuwenta casticaquiyoe yape Diosica yucacurano miitolajosa.

Israelítalachi 12:1

Jun tsachilari duque testicola cuwenta jolajoe. Yalaca tenhitori miintsan joe Diosica quereino se joeque. Junni tsancari pasuwamin jutsaca jera telaquepoto, Diosibe penenalarasa! Yabe penenaminla jotori, carera sujiminla cuwenta jolajoichunae. Junni ti jadoncatiya telaquepoto, seque sujilaisa! peleituchun.

Santiago 2:7

Aman nulaca Jesucrístochi tsachila jolajoe timinlae. ¿Junni cala tanlari Jesucrístochi sen mumunca fécari yucacuraminla joco?

1 Pédrochi 2:1

Junni natiya pacaalaquituna! Niyaquenantiya natiya encanalaquituna! Nene pato, fe sen joyoe titulajona! Uyanla nulaca feinari, junni paitulajona! Quiranilaquina! Uyanlaca natiya yucacuratulajona!

2 Pédrochi 2:18

Yalabe miiminla encanaiminla joe. Yala casaleri uyan tsachila cuwenta palaque tenca cato, jutsa quimin jominlanue. Junni jutsaca telato, se lolainasanan, ya seitonque micariminlari yalaca manaman jutsa manquisa carichi timinla joe. Fe min joyoe tito, itsantiminla joe: Diosibe mantaito nenalaratori, Diosichi peyunla cuwenta ilaichunae timinla joe. Junni tsanque peyun cuwenta jono seitoe timinla joe. Peyun cuwenta itoto, nulachi tenca munateri nenanilarana! timinla joe. Uyanlachi sonaca munajanari, canilaquintsan joe timinla joe peyun itolajoyoeque. Junni tsachilari jutsa quichi timinla joto, yalaca meráminla joe. Junni tsanque micariminla tenca iton jolajoe. Peyunla cuwenta itolajona! tinatonan, yalanan jutsachi peyunla cuwenta jolajoe. Motiya tsachi mancaca fe loto mantánari, junni ya tsachiri peyun cuwenta ichunae. Ya seitonque micariminlaca jutsa fe loto mantánan, jutsachi peyunla cuwenta icala joe.

Judas 1:13

Lamaribi latsaca tenca calaquede! Wa latsa quinato, ti seiton petsecatiya larimanhe. Yala jun tsan quiraque lu tintsan quiminla joe. Jana bareca jiminlari sen tsabobe tuilaimanhe topiyatuchun. Aman tsabori epele jinari, jun tsabobe natiya tuino podeilaituchunae. Junni jun cuwentanan ya epele micariminlabenan natiya tuino podeituntsan jochunae. Yalari numatotiya nemen minu padeseito chuto polelaichunae.

Judas 1:8

Tsan josanan in epele tenca caminlari ya matu to seitonla cuwenta nenaniraminla joe. Yalanan tenca itonla joto, ti seitoncatiya quiniquiminla joe tencachique puca yucapiyano jonunca tennatuto. Mantá tanlaca natiya tennatuto, anjelilacatiya yucacuraminla joe.

Quirajanunca 16:9

Niyato, Diosica paito seitonque palaquee yalaca casticaquinae tito. Junni tsanla jotonan, jutsa quinanunca telaquepotuto, casan tala tenca mancalaquitue. Diosica se joe tinantiya titulajoe.