Colósalachi 3:20 - Diosichi Pila

²⁰ Nalalanan, nulachi apalaca, ayanlaca jera meralaquina! yape Miya Jesucristo nulaca sen jolajoe tisa.

Colósalachi 3:20 ပူးပေါင်းရင်းမြစ်များ

San Mateo 19:19

apabenan ayanbenan sen jolajonaque, tencachique laquiranun cuwenta uyanlacanan jun tsansinan laquiralaranaque mantaca joe tie.

Efesolachi 5:24

Junni Crístochi tsachila yabe mantainun cuwenta, sonala jun tsanquenan yalachi unilalabe numasitiya mantaino jolajoe.

Filípolachi 4:18

¿Epafrodítori nulachibi nechi calaca lachica tanjaco? Junni lari ya calacari cato michi tayoe. Jera munaranunca tayoe. Junni nulari ya calaca lachi cuwanato, Diosichi epe cuwanun cuwenta quilaquinue. Diosichi uraran insienso cuwanun cuwenta jominue. Diosi junca se joe tichunae.

Colósalachi 1:10

Junni nulachi tenchi tsanque rocaiminlayoe yape Miya Jesucrístochi tsachila joto duque seque nenalarasa. Tsanque seque nenatori, duque sen ito, Diosica fe miide miide jilaichunae. Junni Miya Jesús nulaca tsara sen jolajoe tichunae.

Colósalachi 3:22

Peyunla, meralaquede! Interi nulari patronla tatonan, yalachi tenchi trabajaquituminla joe. Miya Jesucrístochi tenchi trabajaquiminla joe. Tsan jotonan, inte patronlaca seque meralaquina! Junni ticatiya quisa mantanasari, seque quilaquina! chiquilachi Miya Jesucrístochi tenchi. Junni weyan peyunla seiton jolajoe. Patronla quiralaquinasari trabajaquiminla joe yape patronla yalaca sen jolajoe tisa. Nulari tsanla itona! Diosica jelerato respetaito, patronlacanan seque meralaquina!

Títochi 2:9

Junsi peyunlacanan payina! yape patronlaca meralaquisa. Titiya quinato, patronla munatintsanque quinola joe. Beco patuto,