Colósalachi 3:1 - Diosichi Pila

¹ Junni tenca calaquede! Nulari Crístobe mansonhica cuwenta jolajotori, Cristo chununbi sen cosalaca tenca calaquina! Yari jamochi chue. Diosichi tsa tede nanchi chue.

Colósalachi 3:1 ပူးပေါင်းရင်းမြစ်များ

San Mateo 22:44

Miya Diosi lachi Miyaca mantachunae tinue yape yachi tsa tede nanchi chudito yabe pemantasa. Nuca fe losa cariyanae tichunae. Junni junte mechude! tichunae tinue nuca pa jominlaca fe losa carino fecári.

San Mateo 26:64

Junni ya fiquica merasi, Jesús beconan itsantinue: —Tsan joyoe tinue. Junsi man fiquinan nulabe pachinayoe tinue. Manca mate nulari laca, tsachi ica junca, jamochi manquiralaquichunae tinue. Sonban Diosichi tsa tede nanchi mantato chuminca quiralaquichunae tinue. Laca jamochi poyobi manpatanaminca nulari quiralaquichunae tinue.

San Mateo 6:20

jamochi duque tan inola joe. Jamochi seto tanunca julu fituchunae; tinantiya waretuchunae; tarinminla tarinlaquituchunae tie.

San Mateo 6:33

Junni Diosi mantananun tsachi bolonbi pewito nenachun tenfelaina! tie. Diosichi mantaca meráto nenachunnan tenfelaina! tie. Tsanque tenca cato nenanari, nula jera munaranunca Diosi cuwachunae tie.

San Marcos 12:36

Tenca calaquede! David patsa Diosichi Tencachi mantate itsanque pila chuteca joe tinue: Miya Diosi lachi miyaca mantachunae tinue yape yachi tsa tede nanchi chudito yabe pemantasa. Nuca fe losa cariyanae tichunae. Junni junte mechude! tichunae tinue nuca pa jominlaca fe lono fecári.

San Marcos 14:62

Junni Jesuri yayoe tinue. Junni nulari laca, tsachi ica junca, jamochi manquiralaquichunae tinue. Sonban Diosichi tsa tede nanchi mantato chuminca quiralaquichunae tinue. Laca jamochi poyobi manpatanaminca nulari quiralaquichunae tinue.

San Marcos 16:19

Junni Miya Jesús yalabe tsanque cuenta quinunsi, Diosi yaca yachi toca mantanlonue. Junbi Diosichi tsa tede nanchi chudinue Diosibe pemantachun.

San Lucas 12:33

Aman ticatiya tanunca osito, poperelachi lemosi cala cuwalaquina! tinue. In tote tanun cala piyachunae tinue. Junni aman Diosichi tenchi cala cuwatori, ya calaca Diosichica erenun cuwenta jochunae. Junbi yucapiyatuchunae. Junbi ticatiya tanunni jeraituchunae. Nin julunan fituchunae tinue. Nin tarinlanan tarinlaquituchunae tinue. Junni aman in tote layan ticatiya tachique tenfetulajona! tinue. Jamochi ticatiya layan tachique tenfelaina! tinue.

San Lucas 20:42

David Salmo pilabi ya Crístoca Miya tinue. Itsanque chuteca joe: Miya Diosi lachi Miyaca mantachunae tinue yape yachi tsa tede nanchi chudito yabe pemantasa. Nuca fe losa cariyanae. Junni junte mechude! tichunae tinue

San Lucas 22:69

Tsan josanan, amanale nechi la tsachi ica jun joto Diosichibi chuanae tinue. Ya tsara sonban joto, yachi tsa tede nanchi laca chutechunae tinue yape yabe pemantasa.

Mantá Tanla 7:55

Tsan josanan, Esteban Diosichi Tencabe seque jera mantaito, jamochi quirato, Diosichi toca quiranue. Diosicanan tsara senca quiranue. Junsi Jesúcanan Apa Diosichi tsa tede nanchi wiruraminca quiranue.

Románolachi 8:34

Monantiya chiquilaca falta patarino podeilaituchunae. Jesucristo puyato, mansonhito, jamochi manloca joe. Junto Diosichi tsa nan tala chuto, chiquilachi tenchi Diosibe rocainae.

2 Coríntolachi 4:18

Junni chiquilari cacachi quiranunca tennatulajoyoe; cacachi quiratununca tennalarayoe. Aman cacachi quiranun cosalari jerailaichunae. Junni cacachi quiratununlari numatotiya joto polelaichunae.

Efesolachi 4:10

Junni ya patamin, yanan jamochi manlonue. Yoquido banachi lonue yanan jeralete perachun.

Efesolachi 5:22

Sonalanan, Miya Jesucrístoca meránun cuwenta, nulachi unilalacanan meralaquina!

Colósalachi 2:20

Junni tenca calaquede! Nulari Crístobe puyaca cuwenta jolajotori, ¿niyaito yala seitonque micariminlaca meralaquinayun? Yalari ticatiya talalaquitunaque, filaquitunaque, junsi nin taquirantiya quitulajonaque mantaminla joe. ¿Junni tica tsanque mantaminla jun? ¿Yari jeraimin cosa joco? Junni ya mantári epe joe. Diosichi tobi nechi fiqui itoe; in tote nechi fiquiri joe. Tsachilari jun fiquica micarito mantaminla joe. Nulari Diosica tennatuminla jomanpari, ya fiquica tennano jominla jonhoe. Tsan josanan Crístobe puyaca cuwenta jotori, ya fiquica tennatuminla jochunae.

Colósalachi 3:2

Junto Diosichi to tsachilachi mite tenca calaquina! In tote sonnaminlachi mite tenca calaquituna!

Israelítalachi 1:13

Junsi Diosi yachi Naoca man fiquiman pato itsantinue: Lachi tsa nan tala chudide! tinue. Nuca fe josa carichinayoe yape nuca pa jominlaca fe losa. Junni fe losa carino fecári junte chude! tinue. Anjelilacari natiya tsantica itoe.

Israelítalachi 1:3

Naoca tenhito, Apa Diosica tsara sen joeque miintsan joe. Yanan Apa Diosi cuwentanan joe. Ya titiya jeraleca josa timin joe. Tsanque josa titumanpari, jerale tote jeraica jono jomin jonhoe. Junsi Diosichi Nao chiquilachi jutsaca jera tsaletobi, jamochi loto, Miya Diosichi tsa nan tala chudinue.

Israelítalachi 10:12

Cristo mantimini jutsa piyarichun tencachique man nesiri tsanle cuwapoitobi, Diosichi tsa tede nanchi chudinue.

Israelítalachi 12:2

Sujinato, Jesuca duque tenca calaquisa! Yari chiquilaca Diosibe cayaisa carimin jominue. Junni yanan jera seque quereisa carimin joe. Jesuri miraminue padeseitobi, aman duque son joichunaeque. Junca tenhito corosibi puyanato wantainue lu josatiya tennatuto. Junto amana yari jamochi chue. Diosi mantato chunun tsa nanchi chue.

Israelítalachi 8:1

In pilabi jera chutenato, in tenchi tsanque chutenayoe: Tsanque fe sen mantá tan pateleca talarayoe. Jun tenchi tsanque cuenta quinayoe. Ya patele Diosichibi chudica joe Diosi mantananunte tsa tede nanchi.

1 Pédrochi 3:22

Crístori jamochi loto, Apa Diosichi tsa tede nanchi mantato pechue. Junni jerale jamochi nenaminla, anjelilanan, mantá tanlanan, yabe mantaiminla joe.