Colósalachi 1:12 - Diosichi Pila

¹² Tsanque nenaminlari, Apa Diosibe acradeseintsan jochunae. Junni aman yachi tsachilachiri senca cuwachunae yachi tobi. Yachi tobiri tsara uraran jochunae tsen cuwenta. Junni Apa Diosiri nulaca sen suwaca joe nulachinan jun senca pecuwachun. Junni jun tenchi nula son tito yabe duque acradeseintsan jochunae.

Colósalachi 1:12 ပူးပေါင်းရင်းမြစ်များ

San Mateo 25:34

Junto la yalachi miya joto, tsa tede nanchi wiruraminlabe itsantiyanae tie: Lachi Apa Diosi nulaca son tisa carica joe. Matu mate in toca quinato, nulachi tenchinan tsara sen to quicae tiyanae tie. Junbi Diosi nulachi Miya jonan seque chunola jochunae tiyanae tie. Junni jalaide! Jun sen tobi wito chularana! tiyanae tie.

San Juan 14:6

Junni Jesuri itsantie: —Lasiri Apa Diosichica jinun minu joyoe tie. Lasiri tsarasica micarimin joyoe tie. Lasiri sonnasa carimin joyoe tie. Labe cayaiminlasiri Apa Diosichibi feno podeilaichunae tie.

San Juan 20:17

Junni Jesuri yabe itsantinue: —Lachi Apa Diosichica calotuminca laca talatude! tinue. Lachi acolachica, soquilachica jito, yalabe cuenta polaride! tinue. Yalachinan, lachinan Apa Diosichica manlochinayoe tie tina! tinue.

San Juan 4:23

Junni tenca cade! Diosibe rocainato yaca se tinatori, tencabiri tsanquintsan joe. Apa Diosi tsachilaca tsanquisa munarae. Diosibe tsarasi rocaiminla, yaca tsarasi se timinla, inale tencabiri tsanlaquichunae tinue. Amananan tsanquilaquinae tinue.

Mantá Tanla 20:32

Junni aman Diosibe rocainayoe tie yape nulaca seque cuidaisa. Diosiri Jesucrístobe penenaminlaca sen suwamin joe tie yape yachi jolajosa. Junto inale Diosi yachi jerale tsachilachi tenchi nantanancari seque quichunae. Junni nulanan Diosichi fiquica jera meralaquinari, nulachi tenchinan tsanquenan seque quichunae tie. Diosichi fiquiri sen fiqui joe Diosi nulaca laquirayoeque. Nulari jun fiquica seque meralaquitori, sonban tenca ilaichunae tie.

Mantá Tanla 26:18

Junni laca israelita itonlachica jito, yalaca tuca tenca casa caride! tie tinue yape cuni jun cuwenta canenalaratusa. Junni meráminla seiton tenca canunca purato, sen tenca mancalaquichunae tie tinue. Satanachi mantabi nechi loto, Diosi mantananun tsachi bolonbi manwilaichunae tie tinue. Yalari Jesube cayaica jonan, Diosi yalachi jutsaca piyarito, yalaca sen tenca suwachunae tie tinue. Diosichi weyan tsachilaca cuwenta, yalacanan tsanque sen tenca suwachunae.

Románolachi 11:17

Junni chide peleca manan tenca calaquede! Israelítala mantimini tsachi tanun sen olibo tinun chide pele cuwenta jolajoyoe. Israelita itonlari jelen olibo pele cuwenta jolajoe. Junni tsachi tanun olibo pele ali poreereto, nulaca junbi tulannue. Junni nulari tsachi tanun olibo pelebi pealimentailainae.

Románolachi 15:27

Yala Macedóniabi, Acáyabi chuminlari israelítala itotonan, ya popere israelítalachi cala cuwachi latinae. Junni tsanque cuwano se joe. Yalaca Diosibe cayaisa carito cuwaminlari israelítala jominlayoe. Junni yalanan israelítalachi titiya munaranunca beconan mancuwano se joe.

Románolachi 8:17

Junni yachi nalala jotori, ya tanunca chiquilanan talaranae. Crístobe tanola joyoe. Tsan jotonan Cristo cuwentanan pepadeseinola joyoe yape chiquilaca tsaracari sen suwasa Crístobe.

1 Coríntolachi 8:6

Tsan josanan, chiquila yalaca tennatulajoyoe. Chiquilari miralarayoe mancasiri Diosi joeque Apa Diosi. Yari jera quica jonan, yachi tenchi sonnalarayoe. Junsi mancasiri Miyanan joe Jesucristo. Yari Apa Diosichi mantate jera quica jonan, yachi sonbabe sonnalarayoe.

1 Coríntolachi 9:23

Diosichi sen fiqui tenchi jera titiya quimin joyoe jun fiquica seque pemicarimin jochun.

2 Coríntolachi 11:14

Junni juncari natiya wepanatuntsan joe. Quiralaquede! Satanás patsanan Diosichi anjelinan quiran imin joe tsachilaca encanaquechique.

2 Coríntolachi 5:5

Diosiri chiquilaca sen suwaca joe yape ya casan puca mantano podeilaisa. Junsi yachi Tencaca chiquilachibi wisa carie yape tsan jochunaeque miralarasa.

Efesolachi 1:11

Diosiri yachi tenca munate niyantiya quiniquimin joe. Aman chiquila israelítala casale Crístoca quereimin jolajoyoe. Junni Diosi chiquilaca matu male nechi wenteca joto mantanue yape chiquila Crístochi joto yaca duque sen joe tito nenalarasa. Yari duque seque mantamin joe.

Efesolachi 1:18

In fiquica miisa rocainayoe. Diosi nulaca yabe cayaisa tinue yape yachi jolajosa. Aman Diosi yachi tsachilachi duque senca cuwachunae. Junni nulanan jun senca seque tenca cato meralarae. Junni Diosi miituntsancari sonban joto, yaca quereiminlaca jun sonbabe se suwachunae. Aman lari Diosibe duque rocaimin joyoe yape nula ya fiquica jera miilaisa.

Efesolachi 2:18

Yachi tsachila joto, israelita itonlabenan, israelítalabenan Diosichi Tenca pun jolajoyoe. Junni yachi Tenca chiquilachibi wica jonan, jeralela Apa Diosichi queloino podeilaiyoe.

Efesolachi 3:6

Junni ya sen fiquiri itsanque joe: Israelita itonlanan Diosichi tsachila pejono podeilaichunaeque. Nanni matunan Diosi trato quica jominue yachi tsachilaca se larichun. Junni amanari israelítalasiri Diosichi tsachila itolajoyoe; israelita itonlanan Jesucrístobe cayaitori yachi tsachilanan pejolajoe. Jeralela man bolonni jolajoyoe israelítalabe israelita itonlabe.

Efesolachi 4:6

Diosiri mancasiri joe. Ya jerale yaca quereiminlachi Apa joe. Yari jeralelaca mantamin joto, jeralelaca ayudaimin joto, jeralelachibi joe.

Efesolachi 5:11

Seitonla nemente nenaminla cuwenta joto, epele quito nenaminla joe. Yala ticatiya nosa quinanunca panori chiquilari luranola joyoe. Junni junlaberi penenalaratuna! Seque nenalarana! yape uyanlari junlaca seitonla joeque tenhilaisa.

Efesolachi 5:20

Numasitiya, ti tenchitiya, Apa Diosibe acradeseilaina! Chiquilachi Miya Jesucrístochi tsachila joto, Diosibe acradeseilaina!

Efesolachi 5:4

Epe cuenta quin, seiton cuentaca quin, quitulajona! Tsantin nenatuto, Diosibe acradeseito nenanola joe.

Efesolachi 5:8

Casaleri nulachi tencabi jutsa poto, tencabi nemen jominlanue. Tsan jominlaca Miya Jesucristo nulachi tencaca jera tsen mansuwanue. Aman tsente nenaminla joto, seque nenalarana!

Colósalachi 2:2

yape nula jeralelachi tenca sonbailaisa. Laquiracaato, man junni jonola joe. Crístoca paca fiquica tsaracari mirato, seque miralarayoeque tenhinola joe. Yasiri tsarasica miisa carimin joe. Yasiri jerale tsarasi jonunca micarimin joe. Junni ya fiquica casaleri Diosiri miisa caritumin jotonan, amanari ya fiquica micarica joe. Junni ya fiquica tsanque seque miratori, nulachi tenca sonba ilaichunae.

Colósalachi 3:15

Diosichi sonbabe nulachi tencabi wepanatuto pansi chularana! Diosiri nulaca tsanque nenalarasa tica joe yape mancari tsachi puca cuwenta joto seque nenalarasa. Junsi Diosibe acradeseilaina!

Colósalachi 3:17

Niyaque pánatotiya, o ti quinatotiya, Miya Jesuchi mantateri quilaquina! Junsi yachi mantatenan Apa Diosibe acradeseilaina!

Títochi 2:14

Tencachiquenan cuwapoinue chiquilachi jutsaca piyarito chiquilaca jera se larichun. Chiquilaca se suwanue yape yachi tsachila jolajosa. Junni yachi tsachila jolajotori, uyanlabenan duque sen jono munaralaraichunae.

Israelítalachi 12:23

Junsi nulari Diosichi caque nalalachi tsachi bolonbi wicala joe. Jun bolon tsachilachi mumunca Diosichi tobi jera pila chutecala joe. Junsi nulari jerale tsachilaca miimin Diosichica jacala joe. Junbi sen tsachila puyaca junlachi tenca pechularachunae. Yalaca Diosi jera sen suwaca junla joe.

Israelítalachi 3:1

Junni aman acola, soquila, nulanan Diosichi jolajoe. Nulacanan jasa carinue yape yachibi pechularasa. Junni Jesucrístoca tenca calaquede! Chiquila quereinun fiquica ya cuenta quee. Chiquila quereiminlachi tenchi ya duque mantá tan patele cuwenta joe.

Israelítalachi 3:14

Nulari Crístobe cayaitobi, yaca tennato pansi nenamin jominlae. Junni puyano fecári tsanque nenatori, Crístobe man junni jolajochunae.

Santiago 3:9

Fiqui forochi Apa Diosica seque paminlayoe. Junni tsachila Diosi cuwenta jominlaca jun fiqui forochi yucacuraminlayoe.

1 Pédrochi 5:1

Jesucrístochi tsachila tala mantá tanlacanan payichinayoe. Diosichi tsachilaca cuidainola joe opisaca cuidaiminla cuwenta. Junni lanan nula cuwenta mantá tan pejoto, tsanque payinayoe. La Jesucristo padeseinaminca quiracayoe. Junni ina uraran mantá tan manquirainasanan, lanan yabe man junni pejoichunae. Junto nulaca payichinayoe. Nulari Diosichi tsachilaca laquirato, seque cuidainola joe cuidaino muquetue tituto. Encanato cala cachiqueri cuidaituntsan joe; Diosichi tsachilaca ayudaichunni yalaca cuidailaina!

1 Juanchi 1:3

Yaca quirato, yaca meráto, nulabe cuenta polarinayoe yape nulanan chiquilabenan man junni jolajosa. Chiquila mantimini Diosibenan yachi Nao Jesucrístobenan man junni jolajoyoe.

Quirajanunca 21:23

Jun pueblobiri yocanan, nin pecanan munaratulajoe tsesa. Diosi patsanan junbiri tsenae. Opisa Nanan junbi chuminlachi tseno cuwenta joe.

Quirajanunca 22:14

Tsanpaca tsalenun cuwenta tencaca mantsalentsan joe tie sen jochun. Tencaca tsaleca junlari duque son jolajochunae tie. Yala Diosichi pueblo tamolanse wito, numatotiya sonnasa carimin chide pele pucaca fino podeilaichunae tie.

Quirajanunca 22:5

Junni jun pueblobiri numatotiya quepen itumin joe. Tsan jonari tsenonan, lanparinnan, yonan, munaralaratue. Miya Diosiri yalachite tsenae. Yalanan numatotiya mantato polelaichunae.