2 Timotéochi 3:3 - Diosichi Pila

³ laquiratumin jolajochunae. Paimin, yucacuramin, lu piyayan jun jolajochunae. Seitonla joto, senlaca paimin jolajochunae.

2 Timotéochi 3:3 ပူးပေါင်းရင်းမြစ်များ

San Mateo 10:21

Junni Jesús camicarinato itsantie: —Tsachila duque seiton ilaichunae tie. Acola tala mantaminlachi cuwapocaalaquichunae tie yape totelaquisa. Apalanan yalachi nalalacanan mantaminlachi cuwapolaquichunae tie yape totelaquisa. Nalalanan apabe ayanbeca paito, totesa carilaquichunae tie.

San Mateo 4:1

Junsi aman Diosichi Tenca Jesuca niyanlanantiya chutunun postoca erenue yape yucan yaca jutsa quisa carichique tenfesa.

San Lucas 10:16

Junni Jesús jun pueblobi chuminlaca tsantisi, ya ereca jun jichinaminlabe man fiquiman pato, itsantinue: —Nulaca meráminla laca meráminla cuwenta jolajochunae. Aman nulaca merátuchi timinlari laca merátuchi timinla cuwenta jolajochunae tinue. Aman laca merátuchi timinla laca eremincanan merátuchi timinla cuwenta jolajochunae tinue.

San Lucas 16:14

Junni fariséolari calaca duque munapunla joto, Jesuchi fiquica cacarito meralaquinue.

San Juan 6:70

Junni Jesunan itsantie: —Nula chunca palucaca wenteca josanan, nula manca yucanchi joe tie.

Románolachi 1:29

Duque seiton iminla joe. Uyan sonabe nosa seitonque nenaminla joe. Jutsa quiminla joe. Uyanlachi cosalaca munaito quiraminla joe. Papunla joe. Uyanlaca duque paiminla joe fe jotusa carichique. Pa tala nenato, tsachilaca totenaminnan quiminla joe. Encanaquin, uyanlaca nene pan,

Románolachi 1:31

Tenca itonla joto, nene paminla, páca polarituminla joe. Laquiratuminla joto, padeseiminlacanan laquiratuminla joe.

1 Coríntolachi 7:5

Junni catiyoe o itiyoe ticaalaquituntsan joe. Junni palunan tsanhino munaratori, pansile moorari telacaano podeilaichunae Diosibe duque rocailaichun. Tsanhica jotonan, junto moora mancayaintsan joe. Moora mancayaitutori, uyanlachi sonalaca, uyanlachi unilalaca pansile munaito quiralaquichunae. Junni yucan nulaca jutsa quisa carichique tenfechunae wantaino podeilaitunan.

1 Coríntolachi 7:9

Juntonan, mancari jutsa quituto nenano podeilaitutori, casalainola joe. Casalaituto sona munachi padeseino jotori, casalainan fe se jochunae.

1 Tesalónicalachi 4:8

In fiquica merátuchi timinlari fiquicasiri merátuchi timin itolajochunae; Diosicanan merátuchi timinla jochunae. Yari yachi Tencaca nulachibi wisa carinan, yaca merátuchi timinla jochunae.

1 Timotéochi 3:11

Sonalanan sen jonola joe. Epele patumin, yucacuratumin, layan cuchitumin jonola joe. Ti quino jonuncatiya peleituto seque quimin jonola joe.

Títochi 1:8

Janaminlaca facaricamin, sen jonunca laquiramin, mantaca merámin, Diosichi sen tsachila jonola joe. Tencachiquenan mantaito seque nenamin jonola joe.

Títochi 2:3

Junsi sinucalacanan payintsan joe yape Diosica respetaito jelerato nenaminla josa. Yucacuratuto, winan ituto nenanola joe. Jerale sonala yalachi unilalaca, nalalaca laquirato, tenca tan nenanola joe. Uyanlachi unilalaca munaito quirano itolajoe. Sen joto, yabi seque chuto, unilabe mantaino joe yape Diosichi itonlari Diosichi fiquica meráminlaca yucacuralaquitusa. Junni sinucala uyan sonalaca tsanque seque nenano micarinola joe.

Santiago 2:6

Junto Diosiri poperelaca tsanque seque pánasanan, nulari yalaca epe poperelari jolajoe tito, natiya laquiratuminla joe. Tenca calaquede! ¿Cala tanlari nulaca fécari seiton quito dosa carichi timinla joco?

2 Pédrochi 2:14

Uyan sonalaca quirasi, cachun tenca caminla joe. Duque jutsa quichi timinla joe. Tenca cumana junlaca jutsa quisa carichique epele paminla joe. Duque tatonan, fécari cachi timinla joe. Yucanhicala joe.

2 Pédrochi 3:3

Casaleri itsanque mantenhinola joe: To yucapiyarino ma quelo inasa, weyan tsachilari Diosichi fiquica epe joe tito cacarilaquichunae. Yalachi tenca munate nenato,

Judas 1:16

Junni ya seitonlari paito paminla joe. Ticanantiya se tituminlae. Yalachi tenca munateri nenaminla joe. Fiqui oco jolajoe. Nene pacachi amico isa carichi timinla joe.

Judas 1:18

Yalari itsantilatie: To yucapiyarino ma quelo inasa, weyanlari Diosichi fiquica cacarito meráminla jochunae tilatie. Diosica natiya tennatuto, yalachi tenca munate nenaminla jochunae tilatie. Crístochi mantá tanla tsantilatie.

Quirajanunca 13:15

Junni jun moldeca sonhisa carino podeie yape cuenta quisa. Junni molde sonhito, ya moldenan yaca se tituminlaca jera totesa carino podeie.

Quirajanunca 13:17

Junni uyanlari, marcaica itonlari nin osin, nin can, quino podeilaitue. Junni ya animalichi marca yachi mumun joe. O mumun itotori, yachi mumunchi numero joe.

Quirajanunca 16:6

Nuchi sen tsachilacanan, nuchi mantate paminlacanan totelaquee tie. Yalaca totenato yalachi asanca larilaquee tie. Junni asanca lariminlachi nuri asancanan mancuwanae yape cuchilaquisa. Tsanquino duque se jominue tie.

Quirajanunca 17:6

Ya sonari winan joe. Diosichi tsachilachi asanca, Jesuchi fiqui paminlachi asanca, cuchica joto, winan ica joe. Junni lari yaca duque wepanato quiranasa,