2 Pédrochi 3:2 - Diosichi Pila

² Diosichi mantate matu mate paminlachi fiquica mantenhilaina! Miya Jesús nulaca se larimin joto, nulaca niyaquetiya mantaca jonan, yachi mantá tanlari jun fiquica nulaca micariminla joyoe. Junto ya fiquicanan mantenhilaina!

2 Pédrochi 3:2 ပူးပေါင်းရင်းမြစ်များ

San Lucas 1:70

Matu mate Diosichi mantate paminlaca cuenta quilaquinue tinue. Diosichi sen tsachila joto, ya se lariminca itsanlatinue tinue:

San Lucas 24:27

Aman Jesús tsantisi, yalaca Diosichi Pilaca duque micarinue. Casaleri Moisés chuteca pilabi, junsi Diosichi mantate paminlachi pilabi jera micarinue yaca niyan ticala jonunca.

San Lucas 24:44

Junsi Jesús yalabe itsantinue: —¿Diosichi Pilabi laca duque chuteca joco la niyanhino jonunca? Moisés Diosichi mantá chuteca pilabi, Diosichi mantate paminlachi pilabinan, Salmo pilabinan, jeralebi laca duque chutecala joe. Junni lari nulabe canenaminnan, nulaca micaricayoe junbi ticatiya chuteca jonari, jera jun tsannan patichunaeque. Junni amana jera jun tsanquenan patinae tinue.

Mantá Tanla 10:43

Jesucrístori jutsa piyarimin joe tinue. Jerale yabe cayaiminlacari jutsa piyarichunae tinue. Jerale matu tote Diosichi mantate paminlanan jun tsanquenan cuenta polarimin jominlanue tinue.

Mantá Tanla 28:23

Israelítala tsantito, man mate Páblochica jachun trato quilaquee. Junni jun mate duque israelítala junchi jalaie. Yalabe Pablo man malon yalaca tucarichun cuenta quee. Diosi mantananun tsachi bolon niyan jono jonunca micarie. Aman Moisechi mantacanan, Diosichi mantate chuteca pilacanan cuenta quee. Tsanque Diosichi Pilaca duque micarie yape Jesús Diosichi Nao joeque quereilaisa.

Mantá Tanla 3:18

Aman jerale Diosichi mantate paminla matu mate pila chutenato, Jesucrístoca itsanque cuenta polarica jominlanue tinue: Diosi wenteca Cristo tinun tsachi padeseino jochunaeque chutelaquinue tinue. Junni Diosichi Pilabi tsantica josa, Diosiri jun tsannan isa carie tinue.

Mantá Tanla 3:21

Tsan josanan, Jesucrístori tsainaleri camanjatuchunae. Casaleri Diosi jeraleca mansechunae tinue. Matunan Diosichi mantate seque paminlari junca cuenta polarica jominlanue tinue. Junni jera manseno fecári Jesucristo jamochinan cachuno jochunae tinue.

Galácialachi 6:2

Nula tala tsanque beco beco peayudaicaalaquina! Jesucristo tsanque nenasa mantaca joe.

Efesolachi 2:20

Jesucrístochi tsachila jeralela layaito, suca quica ya cuwenta jolajoichunae. Jesucristo patsa, yari caque chuteca su cuwenta jochunae. Ya quiminlari ya suca quirato miintsan jochunae ya seque quinanunca. Junni Crístochi mantá tanlanan, Diosichi mantate paminlanan, yalari jun ya tenchi simiento quica su cuwenta jolajochunae. Yala micarinanunca meráto seiminla joyoe. Junni nulanan Jesucrístochi joto, jun yabi su cuwenta pejolajoe. Diosichi Tenca nulachibi chusa, nula Diosichi ya cuwenta jolajoe yape Diosi nulachibi chusa. Junni jun yaca quinasanan, quinasanan, Miya Diosichi ya peilainayoe.

Efesolachi 3:5

Junni ya fiquiri matu male nechiri miratunun jomin jotonan, amanari miranun ica joe. Crístochi mantá tanlanan, Diosichi mantate paminlanan, ya fiquica miralarayoe. Diosichi Tenca chiquilachi tencabi wica joto micarie.

2 Pédrochi 2:21

Sen mantaca meraca jotonan manpuranari, duque seitochunae. Diosichi sen minuca natiya meraca itomanpari, fe se jono jomin jonhoe.

2 Pédrochi 3:15

Junnasa jun ma we jatunari, wepanalaituna! Nantanancari tsachilaca se larichique méraeque tenca cantsan joe. Chiquilachi laquiranun aco Páblonan nulachi erechun pila quinato, yanan jun tsanquenan micarinue. Diosi yachi tenca cuwaca jonan, duque tenca tan joe. Yaca acoca cuwenta laquirayoe.

2 Pédrochi 3:16

Aman yachi jerale pilabi tsanquenan micarimin joe. Junni yachi pilabi man fiqui man fiqui miino tenfe joe. Miiton cumana tenca tanlari jun tenfe fiquica canbiyaquiminla joe. Diosichi uyan Pilacanan tsanquenan canbiyaquichi timinla joe. Junni Diosichi fiquica tsanque canbiyaquinari, Diosi yalaca casticaquichunae.

1 Juanchi 4:6

Chiquila mantimini Diosichi jolajoyoe. Junni Diosica tennaminla chiquilaca meralaquichunae. Diosichi itonlari chiquilaca meralaquituchunae. Tsanque miintsan jochunae mo tsarasi paca fiquica meráchi timinla jonunca o mo nene paca fiquica meráchi timinla jonunca.

Judas 1:17

Nulaca laquirato payichinayoe. Miya Jesucrístochi mantá tanlachi fiquica mantenhilaide!

Quirajanunca 19:10

Ya anjeliri tsantinunsi, lari yachi nedele telenhiyoe Diosichi cale cuwenta. Tsanhinasa yari itsantie: —Tsanhitude! tie. Lanan nu cuwentanan, uyan Jesuchi fiquica merámin acola cuwentanan, Diosibe pemantaiminni joyoe. Diosichi mantate paminlanan Jesuchi fiquica paminla joe tie. Junni lachi cale telenhituto, Diosichi calesiri telenhina! tie.