2 Coríntolachi 7:2 - Diosichi Pila

² Chiquilaca laquirato facarilaquina! Chiquilari mocanantiya seiton quitulajoyoe. Mocanantiya seiton tenca suwatulajoyoe. Mocanantiya encanatulajoyoe.

2 Coríntolachi 7:2 ပူးပေါင်းရင်းမြစ်များ

San Mateo 10:14

Weyanlari nulaca facarituto, natiya merátuchi latichunae tie. Junni nulari tsan jominlaca telaqueponilaquina! Yalachi yabi nechi manlonato, o yalachi pueblobi nechi manlonato, to poyo nedebi midicaca jera piquisito manjilaina! Junbi chuminlaca seiton jolajoe tito, to poyoca piquisilaquina! tie.

San Mateo 10:40

Junsi Jesús capánato itsantie: —Nulaca facariminlari lacanan facarimin cuwenta jolajochunae tie. Junni laca facariminlari laca mantamincanan facarimin cuwenta jolajochunae.

San Lucas 10:8

Pueblo máncabi winasari, nulaca seque facarinari, aman junbi ti cufinatiya filaquina!

Mantá Tanla 20:33

Junni Pablo cacuenta quinato itsantie: —Lari nulachite micarinato, uyanlachica natiya munaito quiratucayoe. Uyanlachi calaca o oroca o tsanpaca munaito quiratucayoe tie.

Románolachi 16:18

Tsanque micariminla chiquilachi Miya Jesucrístoca merátuto, yalachi tenca munateri nenaminla joe. Otoque sen fiquinan quiranca pato micarito, tenca itonlacari querecariminla joe.

2 Coríntolachi 1:12

Itsanque tenca cato son timinlayoe. Nunchitiya nenatori, seque nenamin jolajoyoeque miralarayoe. Nulachi pueblobi nenatonan, seque nenamin jominlayoe. Diosichi tsachila joto nene patuto nenaminlayoe. Junni chiquilari seque nenato, tenca mánta duque mi joto, nenalaratiyoe. Diosichi sonbaberi seque nenalarayoe. Yari chiquilaca laquirato seque nenasa carimin joe. Junca tenca cato son timinlayoe.

2 Coríntolachi 11:16

Manan mantsantichinayoe: Lacari tenca iton joeque tenca calaquituna! Tsan josanan, laca tenca iton joe titori, laca tenca itonca cuwenta meranilaquede! La tencachiqueca cuenta quinaminca meralaquede!

2 Coríntolachi 11:9

Lari nulabe pechusa, ticatiya munaranunca nulari cuwano itominlanue. Macedóniabi chumin acolari calaca lachi erelaquinue. Nulabe panhatucayoe. Junsi numatotiya panhatuanae tiyoe.

2 Coríntolachi 4:2

seque micariminlayoe. Junni ticatiya seiton quinunca, nene panunca jera telaquepocalayoe. Aman Diosichi fiquica encanatuto micarito, canbiyacarituminlayoe. Diosichi tsarasi fiquica tuca micariminlayoe. Junni tsachilari chiquila tsanque pánaminca meráto, Diosichi cale chiquilaca miilaichunae tsarasica paminla joeque.

Filípolachi 2:29

Junni Miya Jesucrístobe duque acradeseinato, Epafrodítoca son tito facarilaquina! Yari Crístochi tenchi titiya quinaminnan, casi puyawiyae. Junni yari puyano jototiya nulachi tenchi laca duque ayudaino munaraminue. Ya tsanlaca duque respetaintsan joe.

Colósalachi 4:10

Aristarco labe pedorato, nulachi saludo peerenae. Márconan, ya Bernabechi sobrino, nulachi saludo erenae. Yaca nulachi numa fiqui ereyoe. Janari, yaca facarilaquina!

1 Tesalónicalachi 2:10

Nula Jesucrístobe cayaica junla chiquilaca miralarae. Diosinan chiquilaca mirae. Yachi joto, nulabe sen jominlayoe. Monantiya culpa quituntsanque nenaminlayoe.

Filemonchi 1:12

Yaca tsaracari laquiratonan, tsacuminchica manherentsan joe tito, nuchica manhereniquinayoe.

Filemonchi 1:17

¿Junni nuri laca niyaque tenca canayun? ¿Laca nube parejo peayudaimin joeque tenca canayun? Tsanque tenca canatori, laca cuwenta Onésimoca facariniquede!

2 Juanchi 1:10

Junni nulachica micaribi jaminlaca tenca cato meráto quiralaquina! Juntonan tsarasi fiquica micarilaquitunari, yalaca tina facaricalaquituna! Yalabe nin wiyato seque chudilaide! titulajona! Tsanlatitori, yala seitonque pánanunca sen joe timin cuwenta patilaichunae. Junni nulachi yabinan yalaca tina pocalaquituna!