2 Coríntolachi 5:4 - Diosichi Pila

⁴ In unica pucanan cajotori, we meralarayoe. Juntonan we mératonan, in unica pucaca purato, puca iton jochique mératiyoe. Uyan fe sen puca tachique we meralarayoe. Puyanun pucacari purato, puyatunun puca mantacáichunae.

2 Coríntolachi 5:4 ပူးပေါင်းရင်းမြစ်များ

Románolachi 8:23

Diosi quica cosalasiri mératue; chiquilanan tsanquenan meralarayoe jera sen jochun. Diosichi Tenca chiquilachibi wito micarie jun sen mate niyan jono jonunca. Junni jun maca quirachique chiquilachi tencabi padeseinato meralarayoe. Jun mate Diosi chiquilaca yachi nalala joeque piyanlelachi cale quirawochunae. Diosi chiquilachi tencaca se larito, chiquilachi pucacanan se larino joyoe tinue. Junni jun mate chiquilachi pucacanan se larichunae. Junni tsan jono josanan, cacachiri caquiralaquitiyoe. Junto cameralarayoe. Ticatiya wari quiratori mératunoe; numa quiraca jonola joyoe.

1 Coríntolachi 15:51

Meralaquede! Miituntsan jomin fiquica nulabe pachinayoe. Jerale tsachilari puyanola itoyoe. Tsan jotonan, jeralelanan canbiyaicaichunae.

2 Coríntolachi 5:2

In tote canenaminnan padeseilainato, Diosichi tobi casan yabi chuno muquilaquee.

2 Coríntolachi 5:3

In pucaca purato, puca iton nenatuichunae. Uyan casan puca mantacáichunae.

2 Pédrochi 1:13

La casonnato, nulaca mantenhisa carino se jochunae tenjae.