1 Timotéochi 5:9 - Diosichi Pila

⁹ Junni aman biuda manca biuda chutenun pilabi mumun chutesa carichi tinari, casale yabe itsanque panhantsan jochunae. Niyan wata tayunque panhantsan jochunae. Junni sota chunca wata caitonlaca chutetuntsan jochunae. Mancari unilachi sona jominlacari chutentsan jochunae.

1 Timotéochi 5:9 ပူးပေါင်းရင်းမြစ်များ

1 Timotéochi 3:2

Jesucrístochi tsachila tala mantá tanla mantimini sen tsachila jonola joe. Culpa quituntsan jonola joe. Mancasiri sona tan, layan cuchitumin, tenca tan, respetainun, facaricamin, micarino poden jonola joe.

1 Timotéochi 5:11

Sinuca itonlacari chutetuntsan joe. Yalari nanni inale unila munaito, Crístoca purato, unila manquichi tilatichunae.

1 Timotéochi 5:14

Jun tenchi moso biudalaca mancasalailaisa tenjae. Casalaito, na quirato, yaca cuidaito nenalarachunae yape yucan chiquilaca pa jotonan culpa suwano podeitusa.

1 Timotéochi 3:12

Jesucrístochi tsachi bolon tenchi trabajaquiminlari mancasiri sona tan jonola joe. Yalachi nalalaca, yalachi yaca seque mantamin jonola joe.

1 Timotéochi 5:16

Junni Jesucrístobe cayaica jun sonalachi ayanla o familiala biuda jonari, yalari cuidainola joe. Yala tsanque cuidailainari, weyan Jesube penenaminlari layaito familia iton biudalaca cuidaino podeilaichunae.