1 Pédrochi 3:7 - Diosichi Pila

⁷ Unilalanan nulachi sonalaca seque tenca tan nenalarana! Diosi sonalacanan laquirato, yalacanan numatotiya jamochi sonnato polesa carichunae nulaca cuwenta. Jun tenchi sonalaca fe cumana jolajoe tito, yalaca seque cuidailaina! Tsanquitunari, Diosibe rocainasa merátuchunae.

1 Pédrochi 3:7 ပူးပေါင်းရင်းမြစ်များ

San Mateo 18:19

Junto Jesús chiquilabe manan manpachinayoe tito itsantie: —Nula palucari o pemancari lachi mantate layailainari, lanan nulabe pejoanae tie. Junni nula tala layaito rocailaina! tie. Paluca nacá jototiya, ticatiya rocainilaina! Man tencari cato rocailainari, lachi Apa Diosi nulaca meráto tsanhisa carichunae tie.

1 Coríntolachi 7:3

Junni unilala yalachi sonalaca caniquintsan joe. Yape josa, quitiyoe tituntsan joe. Sonalanan yalachi unilalabe catsoniintsan joe. Yalanan yape joe, itiyoe tituntsan joe.

Efesolachi 3:6

Junni ya sen fiquiri itsanque joe: Israelita itonlanan Diosichi tsachila pejono podeilaichunaeque. Nanni matunan Diosi trato quica jominue yachi tsachilaca se larichun. Junni amanari israelítalasiri Diosichi tsachila itolajoyoe; israelita itonlanan Jesucrístobe cayaitori yachi tsachilanan pejolajoe. Jeralela man bolonni jolajoyoe israelítalabe israelita itonlabe.

Efesolachi 4:30

Diosi yachi sen Tencaca nulachi cuwae yape yachi jolajoyoeque tenhilaisa. Nulaca yachica tanlono fecári yachi Tencaca nulachibi pechusa carie. Junni nulari Diosichi Tencaca tina laqui suwalaquituna!

Efesolachi 5:33

Junni nula jeralelanan tencachique laquiranun cuwenta, nulachi sonalacanan laquiralarana! Sonalanan, nulachi unilalaca respetailaina!

Efesolachi 6:18

Junsi Diosichi Tenca ayudainasa, Diosibe numasitiya duque rocailaina! Peleituto jerale Diosichi tsachilachi tenchi duque tenca cato rocailaina!

Colósalachi 3:19

Unilala, tencachique sonalaca laquiralarana! Yalaca pailaituna!

1 Tesalónicalachi 4:4

Jeralela tencachique sonaca seque mantanola joe. Sona canato, Diosibe mantaito seque canola joe.

Títochi 3:7

Chiquilaca laquirato se suwae. Tsanque chiquilaca se larie yape numatotiya sonnato polenola joyoeque tenhito meralarasa. Junni chiquilaca tsanque se suwanan, seque méranola joyoe.

Israelítalachi 1:14

Anjelilari Diosibe seque mantaiminla joe. Yalari puca itonla joe. Diosi mantaca junni nenaminla joe Diosi se larino junlaca cuidaichun.

1 Pédrochi 3:1

Sonalanan tencachique unilalabe mantainola joe. Junni yalachi unilala weyanlari pansile Diosichi fiquica merátuchi timin jotonan, yalachi sonalaca seque nenaminlaca quirato Jesucrístobe cayainilaichunae. Nula sonalari respetaito seque nenaminlaca quirato, nulachi unilalanan pansile cayailaichunae payitusanan.