1 Pédrochi 2:1 - Diosichi Pila

¹ Junni natiya pacaalaquituna! Niyaquenantiya natiya encanalaquituna! Nene pato, fe sen joyoe titulajona! Uyanla nulaca feinari, junni paitulajona! Quiranilaquina! Uyanlaca natiya yucacuratulajona!

1 Pédrochi 2:1 ပူးပေါင်းရင်းမြစ်များ

San Mateo 15:7

Nulari fe sen jolajoyoe titonan, seitonla joe. Matu to Isaías Diosichi mantate pánato, nulaca tuca cuenta quinue. Yari itsanque chutenue Diosichi Pilabi:

San Mateo 23:28

Nula jun tsannan jolajoe tie. Tsachilari nulaca quirato, duque sen jolajoe timinlae tie. Nulachi tencabi mantimini seiton jolajoe tie.

San Mateo 24:51

seiton mayordomolaca casticaquichunae tie. Weyan tsachila fe sen joyoe timinla jotonan, duque seitonla joe. Junni yalaca casticaquinato, ya seiton mayordomolacanan pecasticaquichunae tie. Junbi tsachila padeseinato fudachi warelaquichunae tie. Jesús tsanque cuenta quee.

San Mateo 7:5

Jun tsanquenan nulari uyanlaca fe seiton jotonan uyanlaca fe sen jolajoyoe timinla joe. Tsantituntsan joe. Casaleri nula tencachique wa chide petse tsan jutsaca larinola jochunae. Junsi aman seque quirano podeilaichunae tie uyanlachi na chide petse tsan jutsa tenchi payichun.

San Marcos 12:15

Junni Jesuri junca meráto, yala culpa patarichiqueri tsanlatieque tenhito, itsantinue: —¿Nula niya jonan laca culpa patarichi latinayun? tinue. Cala manca tanjalaide! tinue quirachun.

San Lucas 11:44

Aman menaca jonunca tenca calaquede! tinue. Tsachila matu mate menaranun jamote nenatonan, mena joeque tenhilaituchunae. Tenhilaituchunae puyato peteca jun jamote nenalarayoeque. Junni nula fariséola jun tsanquenan jamoleri sen jolajoe tinue.

San Lucas 12:1

Fariséolari Jesuca paito cuenta quilaquinasa, duque mili tsachila junte layailainue. Duque joto, yalachi nede tala teraalaquinaminue. Junni tsanlainasa, Jesús yachi tsachilabe casale itsantinue: —Fariséola seitonla jotonan fe sen jolajoyoe timinla joe tinue encanato. Junni aman tenca calaquede! tinue. Amana nosa jonunca, encanaica jonunca, ina jera miintsan jochunae. Tamochi nosa pacaca jeralela ina manmeralaquichunae tinue. Junni aman tencabe nenalarana! tinue fariséola cuwenta nenalaratuchun.

San Lucas 6:42

Tencachique cacabi wa chide petse posanan, uyanlachi cacabi nechi tsanini chide petse nacacari larito cuwachinayoe latichunae tinue. Jun tsanquenan nulari uyanlaca fe seiton jotonan, uyanlaca seque nenasa payinola joyoe timinla joe tinue. Tsantituntsan joe. Casaleri nula tencachique wa chide petse tsan jutsaca larinola jochunae. Junsi aman seque quirano podeilaichunae uyanlachi na chide petse tsan jutsa tenchi payichun.

San Juan 1:47

Junni Jesuri Nataniel janaminca quirato, yaca itsantinue: —Quiralaquede! Ja tsachi Nataniel sen israelita joe. Natiya nene patumin joe tinue.

Románolachi 1:29

Duque seiton iminla joe. Uyan sonabe nosa seitonque nenaminla joe. Jutsa quiminla joe. Uyanlachi cosalaca munaito quiraminla joe. Papunla joe. Uyanlaca duque paiminla joe fe jotusa carichique. Pa tala nenato, tsachilaca totenaminnan quiminla joe. Encanaquin, uyanlaca nene pan,

1 Coríntolachi 14:20

Acola, soquila, nalala cuwenta tenca calaquituna! Aman jutsa quichunni nalala cuwenta podeituminla jona! Juntonan uwanla cuwenta tenca caminla jona!

2 Coríntolachi 12:20

Aman lari nulachica jitori, laqui jono muquetue. Lachi nulacanan laqui jotusa tenjae. Jun tenchiri nulaca tsanque payinayoe. Pansile la janasa nula weyanlari quino itonunca quilaquichunae. Nulari pataan, uyanlaca fe jotusa pain, yucacuran, pa jun, isa tin, epe fiquica polarin, fe joyoe tin, tinilatichunae. Tsanqueri nenalarasa natiya munaratiyoe. Tsanque nenanilaranari, lari nulaca duque sonba payino patiichunae. Junca nulanan munaralaratuchunae.

Efesolachi 4:31

Nulari pataato, pacaato nenamin jominlanue. Seitonque nenamin jominlanue. Yucacuramin jominlanue. Junni amanari wari tsantinola itoe.

1 Tesalónicalachi 2:3

Epele micarilaquitiyoe; seiton suwachique micaritulajoyoe; encanato micarituminlayoe.

1 Timotéochi 3:11

Sonalanan sen jonola joe. Epele patumin, yucacuratumin, layan cuchitumin jonola joe. Ti quino jonuncatiya peleituto seque quimin jonola joe.

Títochi 2:3

Junsi sinucalacanan payintsan joe yape Diosica respetaito jelerato nenaminla josa. Yucacuratuto, winan ituto nenanola joe. Jerale sonala yalachi unilalaca, nalalaca laquirato, tenca tan nenanola joe. Uyanlachi unilalaca munaito quirano itolajoe. Sen joto, yabi seque chuto, unilabe mantaino joe yape Diosichi itonlari Diosichi fiquica meráminlaca yucacuralaquitusa. Junni sinucala uyan sonalaca tsanque seque nenano micarinola joe.

Israelítalachi 12:1

Jun tsachilari duque testicola cuwenta jolajoe. Yalaca tenhitori miintsan joe Diosica quereino se joeque. Junni tsancari pasuwamin jutsaca jera telaquepoto, Diosibe penenalarasa! Yabe penenaminla jotori, carera sujiminla cuwenta jolajoichunae. Junni ti jadoncatiya telaquepoto, seque sujilaisa! peleituchun.

Santiago 1:21

Junni seiton quito jutsa quicaca jera telaquepolaquina! Junca telaquepoto, Diosichi fiquica seque tenca cato meralaquina! Ya fiquiri nulachi tencaca se larino podeichunae.

Santiago 3:14

¿Junni nulari niyaque tenca caminlayun? ¿Uyanlaca fe lochique paiminlayun? Ticatiya quino joyoe tinatori, ¿tencachique munateri tsantiminlayun? Tsan jotori, tsarasica tenca tan itolajoe. Junto nene pato, tenca tanyoe titulajona!

Santiago 4:11

Acola talari beco beco seitonque pato nenatuntsan joe. Diosichi tsachilaca seitonque palaquitori, Diosichi mantacanan seiton joe timinla cuwenta patilaichunae. Acolaca culpa quilaquitori, Diosichi mantacanan seiton curamin cuwenta patilaichunae. Tsanlaquitori, Diosichi mantaca meráminla itochunae; Diosichi mantaca fe joyoe tito miiminla jochunae sen mantá jonunca o seiton mantá jonunca.

Santiago 4:5

Aman Diosichi Pilabi itsanque chuteca joe: Diosichi Tenca chiquilachibi witobi, duque laquiraeque chuteca joe. Junsi laquiratonan, duque paichunaeque chuteca joe yape yabesiri penenalarasa. Junni Diosichi Pilabi tsantinato, nene paca itoe.

Santiago 5:9

Acola, soquila, nula tala beco beco pataalaquituna! yape nulaca culpa quitusa. Tencabe nenalarana! culpa tanunca miiminni manpatano queloinaeque.

1 Pédrochi 2:16

Peyun ituminlari patronbe mantaituto yalachi tenca munate pansi nenalarachunae. Junni nulanan tsanquenan pansi nenanola joe. Weyanla mantimini uyanlabe mantaitiyoe tito, seiton quito nenaminla joe. Junni yala cuwenta itolajona! Diosichi peyunla cuwenta jolajoyoeque tenca cato nenalarana!

1 Pédrochi 2:22

Yari natiya jutsa quitumin jominue. Junsi nene patumin jominue.

1 Pédrochi 3:10

Diosichi Pilabi junca itsanque chuteca joe: Seque pansi sonnano muquinari, tencabe nenalarana! tinue seitonque patuchun. Nene patulajona! tinue.

1 Pédrochi 4:4

Junni tsanque canenaminla nulaca wepanaminlae. Niyaito tsanque nenatumin icalayunque panhato wepanaminlae. Wepanato, junsi nulaca seiton tito yucacuraminla joe.

Quirajanunca 14:5

Monantiya yalaca culpa quino podeilaitue nene paminla joeque. Diosi mantato chudinun caquele wirurato, culpa itonla joe.