1 Coríntolachi 11:2 - Diosichi Pila

² Nulari Diosichi cosalaca tenpanato, lachi fiquicanan natiya pansituminla joe. La miica fiquica nulabe manpolaricaca meráminla joe. Jun tenchi nulaca sen jolajoe tiyoe.

1 Coríntolachi 11:2 ပူးပေါင်းရင်းမြစ်များ

San Lucas 1:6

Zacaríabe Elisabebe Diosichi cale sen jominlanue. Diosichi mantaca jera meráto nenaminlanue.

1 Coríntolachi 11:17

Junni nulaca man fiquiman payino munarayoe. In fiquica payinato, nulaca sen jolajoe titiyoe. Nulari Diosichi tsachila tala layainato, fe sen ituminla joe; fe seiton iminla joe.

1 Coríntolachi 11:22

Nulachi ticatiya cuchin, o fin, quino muquilaquinari, nulachi yabinan fintsan joe. ¿O ya itolajoyun? Diosichi tsachilaca epe jolajoe tin, ano fino itonlaca lucarin, quiminla joe. ¿Junni tsanquiminla jonun tenchi nulaca niyan tino join? ¿Nulaca sen jolajoe tino join? Numanan tsantino itoyoe.

1 Coríntolachi 15:2

Lari nulaca jun fiquica micaricayoe. Junni nula jun fiquica quereito telaquepotutori, se loca jolajochunae. ¿O jamoleri quereicala joyun?

1 Coríntolachi 4:17

Jun tenchi Timotéoca nulachica ereyoe. Yape nulaca mantencarisa yaca ereyoe la niyaque Crístobe penenanunca. Miya Jesucrístochi tsachila tala Timotéonan lachi laquiranun nao cuwenta joe. Ticatiya quisa munaratori, Timotéoca tennantsan joe yari peleituto tsanquiniquichunaeque. Jesucrístochi tsachila tala pueblo cura la micarinanunca Timotéonan jun tsanquenan micarichunae.

1 Coríntolachi 7:17

Diosi nulaca cano mate man quiraque man quiraque nenamin jominlanue. Junni niya quiraque nenaminla jototiya, jun tsanquenan nenanola joe. ¿Jun mate nula israelítalachi miteri quidoca poraica jun jominlayun? Yari yape josa! Jun poraicacari manpiyarichique tenfetulajona! ¿O jun mate quidoca caporaica itominlayun? Yanan yape josa! Quidoca porailaituna! Quidoca poraica junlaca Diosiri fe sen tsachila jolajoe tituchunae. Junsi poraituca junlacanan fe sen tsachila jolajoe tituchunae. Yachi mantaca meráminlacari fe sen tsachila jolajoe tichunae. Junni Miya Jesucrístori nulaca man quiraque man quiraque josa carica jonari, uyan quiran manhichique tenfetulajona! Jerale Jesucrístochi tsachi bolonlaca tsanque mantamin joyoe.

1 Tesalónicalachi 1:6

nulanan chiquila cuwenta ilaie. Junto nulari Diosichi fiquica meráchun duque padeseilaie. Tsanhinasatiya, Diosichi Tenca nulaca ayudaie yape ya fiquica son tito meralaquisa. Tsanque seque meránato, chiquila cuwenta, Miya Jesucristo cuwenta, nenamin ilaie.

1 Tesalónicalachi 3:6

Junni amanari pansi manjoyoe. Timoteo chiquilachica manjato cuenta quee. Nula Diosica duque tennato, nula tala laquiracaalaquito, seque chularae tie. Chiquilacanan laquirato mantenhiminla joe tie. Chiquila manquirachi tica cuwentanan, nulanan chiquilaca manquirachi latinae tie.

2 Tesalónicalachi 2:15

Junni acola, soquila, sonba tenca inilaina! Chiquila micarinanan, meran pun ito nenalarana! Fiquichi micaricaca, o pilachi micaricacanan, jeraleca seque merámin ito natiya peleilaituna!

2 Tesalónicalachi 3:6

Junni lan chuminlacanan pachinayoe. Chiquilachi Miya Jesucrístochi mantate nulaca mantalaquinayoe lan chuminlabe penenatulajonaque. Jesucrístobe penenamin tsachi manca chiquila micaricaca telaquepoto lan chunari, yabe penenatulajona!