Yuđas 1:4 - Bunong Bible Latin Script Cambodian dialect

⁴ Gâp đă kơt nây yorlah geh bunuyh aƀă i lăp ntŭng ta phung khân ay may, bunuyh i nây djơh hô ngăn jan tih đah nau Kôranh Brah ŭch, khân păng nti lah mâu chrao ôh lah jan tih ăp ntil, yor ma Kôranh Brah hôm yô̆ tă bơh nau ueh Păng nơm. Khân păng tâm rdâng ma Brah Yêsu Krist i Kôranh bân du huê dơm. Bơh kăl e nơh lĕ geh nchih ma nau tê̆ dôih ma bunuyh kơt khân păng nây.

Bunong

⁴ គ៝ប់​ដាៈ​កើត​នៃ​យ៝រ​លាស​គែស​ឞូនុយ្ស​អាបាៈ​អី​លាប់​នតុង​តា​ផូង​ខាន់​អៃ​មៃ ឞូនុយ្ស​អី​នៃ​អ្យើស​ហោ​ងាន់​ជាន​តីស​ដាស​នាវ​កោរាញ​ឞ្រាស​អុច ខាន់​ពាង់​នតី​លាស​មោ​ច្រាវ​អោស​លាស​ជាន​តីស​អាប់​នតីល យ៝រ​មា​កោរាញ​ឞ្រាស​ហោម​យោៈ​តាៈ​ឞើស​នាវ​អ្វែស​ពាង់​នើម។ ខាន់​ពាង់​តឹម​រាទ៝ង់​មា​ឞ្រាស​យេឆូ​ក្រីស  ​អី​កោរាញ​ឞ៝ន់​ទូ​ហ្វេ​ទើម។ ឞើស​កាល់​អែ​នើស​លែៈ​គែស​ញចីស​មា​នាវ​តេៈ​ទោយ្ស​មា​ឞូនុយ្ស​កើត​ខាន់​ពាង់​នៃ។

Nau Brah Ndu Ngơi 2023

⁴ Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.

Yuđas 1:4 ပူးပေါင်းရင်းမြစ်များ

Mathay 13:25

Yơn ma tât bu lĕ bêch, geh du huê bunuyh rlăng đah păng, hăn sui găr ntil ba brak ta mir i nây đŏng, jêh ri du roh klăk.

Yôhan 17:3

Geh du huê May dơm i brah ngăn ngên. Bunuyh i geh nau rêh n'ho ro tă bơh gĭt năl May, ndrel ma gĭt năl Gâp i Yêsu Krist i May njuăl đă hăn.

Kôranh Oh Mon 11:23

Tât ta ri, păng say nau yô̆ kuŏng Kôranh Brah ăn ma khân păng, păng răm maak ngăn. Jêh ri păng ntŭm nti ăn ma dâng lĕ khân păng, ăn gŭ nâp nsing ma Kôranh Yêsu ma lĕ nuih n'hâm.

Kôranh Oh Mon 15:24

Hên tăng lư, geh phung nsing aƀă i tă bơh ƀon Yêrusalem jan ăn phung khân ay may geh nau mân rvê ta nuih n'hâm, yor ma tăng nau khân păng nây lah. Khân păng i nây hên mâu geh ôh đă.

Galati 2:4

Geh đŏng bunuyh aƀă i ndra jan nsing ma Brah Krist, lăp ntŭng ta phung hên, ŭch Titus koh ntô kađôi, yơn ma phung kôranh ta phung nsing kŏ mâu nchâp păng đŏng. Khân păng man ma lăp gay ma mêt uănh gĭt hên hôm jan tâng dâng lĕ nau vay Môsê mâu lah mâu, khân păng ŭch dâng lĕ phung nsing jan tâng nau vay i nây tâm ban ma jêng dâk ma nau vay i nây, tih ma yorlah Brah Krist lĕ rklaih bu moh i nsing ma Păng, lah ndri mâu hôm khăch ôh jan tâng dâng lĕ nau vay i nây.

Galati 5:13

Ơ oh nô ta nau nsing, Kôranh Brah lĕ kuăl jêh khân ay may ăn jêng kon me bah jan dâk ma nau vay, yơn ma lơi ôh dŏng nau i lĕ jêng kon me i nây ma jan tâng nau kơnh nuih n'hâm ơm i ŭch jan tih ntơm bơh ndŭl me, yơn ma ăn bân tâm sơm kơl băl ma nau rŏng hŏ,

Êphêsô 4:14

Lah ndri bân mâu hôm tâm ban ma kon se dah ma iăt nau bu ntŭm nti nklă ŭch đŏt ŭch têk bân. Bân mâu hôm ôh tâm ban ma ndơ n'hông kalơ dak sial khôm jât năp khôm jât kơi, jêh ri mâu hôm dah ma iăt nau bu blao mƀrôh bu blao rlăm nây đŏng.

I Timôthê 5:8

Lah bu moh i mâu uănh geh ôh ma ndŭl mpôl păng nơm, rlau ma nây jât mâu uănh geh ma rnăk vâl păng nơm, nơm i nây lĕ mƀăr nau nsing jêh, jêh ri păng i nây djơh rlau ma bunuyh i mâu nsing ma Brah Yêsu jât.

II Timôthê 2:12

Lah bân nsrôyh dơi ăt nau jêr jŏt, Bân mra gŭ mât uănh ndrel Păng đŏng. Lah bân rlăch mâu ôh gĭt năl Păng, Păng mra rlăch mâu đŏng gĭt năl bân.

II Timôthê 3:6

yorlah ta mpôl khân păng i nây, geh bunuyh aƀă hăn ta jay bu, jêh ri mƀrôh rlăm phung bu ur i rluk mâl ma nau nti tih khân păng. Phung bu ur i nây dôr nau tih khân păng nơm hô ngăn, ta săk khân păng ri geh nau kơnh ăp ntil ngăn.

I Pêtrôs 2:16

Dâng lĕ bân mâu hôm ôh gŭ ta nâm dah ma nau bu đă, yơn ma lơi ôh dah ma bân nơm ŭch jan ƀêng ma nsôh nau jan djơh chrao, yorlah khân ay may hôm jêng bunuyh sơm kơl jan kar ma Kôranh Brah.

I Pêtrôs 2:8

Jêh ri ‘Jêng lŭ blon i jan ăn bu geh nau chêh prah, Jêng lŭ blon i ăn bu chôt du ngai bơh nau nsing ma Kôranh Brah’. Khân păng i nây dâng geh ma tâm ban ma chêh prah, yor ma mâu ôh iăt nau ngơi Kôranh Brah, nau i nây lĕ ơm Kôranh Brah ndrăp ma khân păng.

I Pêtrôs 4:18

‘Lah bunuyh i sŏng lĕ geh nau jêr dâng geh nau rklaih, Lah ndri lŏng bunuyh djơh, bunuyh i jan tih, ƀŏn lơ hô ma nây ƀah mra geh nau jêr!’

II Pêtrôs 2:10

Păng tê̆ dôih lơ ma hô ma phung i nđơr jan djơh tâng rnglay săk kơnh, ndrel ma phung i mưch rmot tâm rdâng ma bu moh i jan kôranh ma khân păng. Dâng lĕ phung i nây khân păng n'hi êng săk, ndrel ma dăng bôk hô ngăn, mâu ôh klach ngơi djơh mưch rmot ma nơm êng êng ta kalơ trôk i geh nau chrêk lơp.

II Pêtrôs 2:7

Yơn ma Kôranh Brah lĕ rklaih du huê bu klô rnha Lŭt i bunuyh sŏng, i bunuyh rngot ngăn ta nuih n'hâm yor ma say bunuyh ta nôk nây jan djơh nâng ăp nar, tâm dŏng ăp ntil.

II Pêtrôs 3:7

Jêh ri tă bơh nau ngơi Kôranh Brah đŏng, trôk, ndrel ma neh ntu aƀaơ dja, Kôranh Brah lĕ ndrăp ăn ŭnh ma su lơi lĕ phiao ta nar Păng phat dôih dâng lĕ bunuyh, nđâp ma n'groh lơi phung bunuyh djơh ăn lĕ phiao.

I Yôhan 2:22

Lah ndri bu moh bunuyh i năk mƀrôh? Ơm mâu di lah phung i rlăch lah Brah Yêsu mâu di Brah Krist i nơm rklaih tă bơh Kôranh Brah de njuăl. Bu moh i rlăch mâu ôh rom Kôranh Brah Bơ̆, nđâp ma Kon Păng nơm, bunuyh i nây jêng bunuyh i tâm rdâng đah Brah Krist.

Yuđas 1:15

gay ma phat dôih dâng lĕ bunuyh, jêh ri tê̆ dôih dâng lĕ bunuyh tâng ndơ djơh khân păng lĕ jan ta nau i tâm rdâng ma Kôranh Brah, tê̆ dôih ma nau ngơi djơh i phung bunuyh tih ngơi tâm rdâng đah Kôranh Brah’.

Yuđas 1:18

Khân păng lĕ lah: ‘Ta rnôk n'glĕ dŭt tay, mra geh phung ngơi mưch ma nau nsing bân, phung i nây jan tâng rnglay săk khân păng nơm kơnh dơm, jêng ndơ i tâm rdâng đah nau Kôranh Brah ŭch’.

Nau Tâm Mpơl 15:4

Ơ Kôranh Brah! Dâng lĕ bunuyh klach yơk ma May dadê! Dâng lĕ bunuyh rnê May dadê, Yorlah geh du huê May dơm i kloh ueh. Dâng lĕ bunuyh dâng lĕ bri dak mra hăn yơk mbah ma May dadê, Yorlah khân păng say n'hêl nau May jan sŏng ngăn.”