Yôhan 8:26 - Bunong Bible Latin Script Cambodian dialect

²⁶ Gâp geh ŏk ngăn nau gay ma ŭch mbơh nkoch ăn ma khân may, nđâp ma phat dôih khân may, yơn ma Gâp mâu ŭch ôh mbơh nkoch, yorlah Kôranh Brah nơm tơm njuăl Gâp, Păng jan tâng nau Păng mbơh nâng, jêh ri moh nau Gâp tăng tă bơh Păng, nau i nây dơm Gâp mbơh nkoch ăn ma bunuyh ta neh ntu dja.”

Bunong

²⁶ គ៝ប់​គែស​អ៝ក់​ងាន់​នាវ​គៃ​មា​អុច​មឞើស​ងក៝ច​អ៝ន់​មា​ខាន់​មៃ នអ៝ប់​មា​ផាត​ទោយ្ស​ខាន់​មៃ យើន​មា​គ៝ប់​មោ​អុច​អោស​មឞើស​ងក៝ច យ៝រ​លាស​កោរាញ​ឞ្រាស​នើម​តើម​ញជ្វាល់​គ៝ប់ ពាង់​ជាន​តឹង​នាវ​ពាង់​មឞើស​នឹង ជេសរី​ម៝ស​នាវ​គ៝ប់​តាង់​តាៈ​ឞើស​ពាង់ នាវ​អី​នៃ​ទើម​គ៝ប់​មឞើស​ងក៝ច​អ៝ន់​មា​ឞូនុយ្ស​តា​នែស​នតូ​អ្យា”។

Nau Brah Ndu Ngơi 2023

²⁶ Gâp geh âk nau ŭch lah jêh ri phat dôih ma khân may; ƀiălah Nơm njuăl Gâp văch jêng ngăn, jêh ri Gâp mbơh ăn ma neh ntu lĕ nau Gâp hŏ tăng tă bơh Păng.”

Yôhan 8:26 ပူးပေါင်းရင်းမြစ်များ

Yôhan 15:15

Gâp mâu ôh hôm kuăl khân may bunuyh sơm kơl jan kar jât, yorlah bunuyh sơm kơl jan kar mâu ôh gĭt moh nau kôranh păng nơm jan. Gâp kuăl khân may jêng mât jăng Gâp nơm, yorlah dâng lĕ nau Bơ̆ Gâp lah ma Gâp, lĕ Gâp mbơh nkoch ăn ma khân may gĭt dadê.

Yôhan 16:12

“Hôm ŏk jât nau Gâp ŭch mbơh nkoch ăn ma khân may, yơn ma khân may mâu ôh dơi ndjôt aƀaơ dja.

Yôhan 17:8

Dâng lĕ nau May ăn ma Gâp nơh, lĕ Gâp ăn ma khân păng dadê. Lĕ khân păng sŏ dơn dadê, ndrel ma khân păng lĕ gĭt n'hêl nanê̆ ngăn Gâp lôh tă bơh May, khân păng iăt ngăn May i nơm njuăl đă Gâp hăn.”

Yôhan 18:20

Brah Yêsu ơh: “Gâp lĕ ngơi ăn ma dâng lĕ bunuyh say, Gâp vay nti lah ta trôm nhih rƀŭn phung bân, ndrel ma ta jŏng gung nhih jan brah, jêng dâng lĕ ntŭk phung Israel gŭ gum. Gâp mâu geh ôh ngơi êng ta njônh njănh.

Yôhan 3:11

Gâp lah n'hêl nanê̆ ngăn ma may, hên mbơh nkoch ndơ hên lĕ gĭt lĕ say, yơn ma khân ay may mâu ôh ŭch iăt ma nau khlay hên mbơh nkoch.

Yôhan 7:16

Brah Yêsu lah: “Nau Gâp nti lah dja, mâu di ôh lôh tă bơh nau Gâp nơm, dja lôh tă bơh Kôranh Brah Nơm tơm njuăl ăn Gâp văch.

Yôhan 7:28

Brah Yêsu hôm gŭ nti lah bu ta jŏng gung nhih jan brah nây, jêh ri Păng nter dăng ngăn, Păng lah: “Ơ, khân ay may tâm lah ndrăng khân ay may nơm, khân ay may lĕ gĭt năl Gâp, lĕ gĭt bơh tă ntŭk Gâp văch đŏng. Yơn ma Gâp mâu ôh văch tâng săk Gâp nơm ŭch. Kôranh Brah Nơm tơm njuăl Gâp Păng jan ngăn tâng nau Păng mbơh nâng, khân ay may mâu ôh gĭt năl Păng.

Yôhan 8:25

Bu ôp Brah Yêsu: “Lah ndri May bu moh?” Brah Yêsu ơh: “Gâp lĕ ơm mbơh jêh ma khân may.

Yôhan 8:27

Yơn ma phung khân păng mâu vât ôh nau Brah Yêsu mbơh nkoch Kôranh Brah Bơ̆ Păng ăn ma khân păng nây.

Yôhan 8:40

Aƀaơ dja Gâp mbơh nkoch ma khân ay may nau ngăn, nau i Gâp tăng tă bơh Kôranh Brah, tih ma khân ay may ŭch nkhât Gâp. Yơn ma Abrahăm mâu ôh jan kơt nđay.

II Kôrintô 1:18

Bân lĕ gĭt n'hêl Kôranh Brah răp jăp ngăn, kơt ndri đŏng nau i hên mbơh nkoch ma khân ay may mâu geh ôh du tơ̆ ngơi nđa, du tơ̆ ngơi nto,