Yôhan 5:18 - Bunong Bible Latin Script Cambodian dialect

¹⁸ Tât ma tăng nau Brah Yêsu ngơi kơt nây, mpôl kôranh phung Israel lơ ma hô ŭch nkhât Păng jât, mâu dơn ôh ach ma Păng jan ndơ i nây ta nar Saƀăt dơm, ach ma Păng kuăl Kôranh Brah jêng Bơ̆ Păng nơm, kơt ndri kơp êng săk Păng nơm tâm ban ma Kôranh Brah.

Bunong

¹⁸ ត៝ត់​មា​តាង់​នាវ​ឞ្រាស​យេឆូ  ​ងើយ​កើត​នៃ មពោល​កោរាញ​ផូង​អីឆ្រាអែល  ​លើ​មា​ហោ​អុច​ងខឹត​ពាង់​ជឹត មោ​ទើន​អោស​អាច​មា​ពាង់​ជាន​នទើ​អី​នៃ​តា​នារ​ឆាបាត់  ​ទើម អាច​មា​ពាង់​ក្វាល់​កោរាញ​ឞ្រាស​ជេង​ឞឹ​ពាង់​នើម កើត​នទ្រី​កើប​អេង​ឆាក់​ពាង់​នើម​តឹម​ឞាន​មា​កោរាញ​ឞ្រាស។

Nau Brah Ndu Ngơi 2023

¹⁸ Yor nây, phung Yuđa lơ hâu joi nau ŭch nkhĭt Brah Yêsu, yor Păng mâu knŏng ƀư rai nau vay tâm nar saƀat dơm ôh, jêh ri kuăl Brah Ndu jêng Mbơ̆, kơp êng săk Păng nơm tâm ban ma Brah Ndu.

Yôhan 5:18 ပူးပေါင်းရင်းမြစ်များ

Mathay 12:5

Jêh ri khân may lĕ geh uănh đŏng ta samƀŭt Nau Vay bân lah phung bunuyh jan brah gŭ jan kar ta nhih jan brah, khân păng hôm jan kar ta nar Saƀăt, nau i nây mâu tâm di ma jan ta nar Saƀăt, yơn ma mâu ôh geh nau tih.

Yôhan 1:19

Geh du nar ri mpôl kôranh phung Israel đă phung bunuyh jan brah, ndrel ma phung Lêvi i phung kơl jan kar ta nhih jan brah ma Kôranh Brah, đă khân păng hăn tă bơh ƀon Yêrusalem ăn tâm mâp đah Yôhan-Ƀaptem, gay ma ôp păng: “May bu moh? May Brah Krist ƀah?”

Yôhan 10:30

Gâp ndrel Bơ̆ Gâp, jêng nguai dơm.”

Yôhan 10:33

Khân păng lah ma Păng: “Hên klŭp May ma lŭ, mâu geh ôh yor ma May jan ndơ ueh, ach ma May ngơi mưch rmot Kôranh Brah, yorlah May bunuyh dơm, May kơp êng săk May nơm lah May tâm ban ma Kôranh Brah.”

Yôhan 14:23

Brah Yêsu lah: “Lah bu moh rŏng ma Gâp, păng i nây jan tâng nau Gâp ngơi, Bơ̆ Gâp rŏng ma păng i nây đŏng. Jêh ri Bơ̆ Gâp, ndrel ma Gâp hăn ta păng, n'ho ma gŭ ndrel ta păng.

Yôhan 14:9

Brah Yêsu ơh ma păng: “Ơ Philip, Gâp gŭ ndrel khân may lĕ jŏ ngăn, mơm dâng may hôm e ê hŏ năl Gâp? Bu moh lĕ say Gâp, păng lĕ say Bơ̆ Gâp đŏng. Mơm dâng may lah: ‘Dăn May nhhơ ăn hên say Bơ̆ May’ kơt nây?

Yôhan 19:7

Mpôl kôranh phung Israel lah ma Pilat: “Phung hên geh nau vay, tâng ma nau vay hên Bunuyh i nây iăt ma nkhât lơi, yorlah Păng kơp êng săk Păng nơm lah Kon Kôranh Brah.”

Yôhan 5:15

Jêh ri bu klô i nây hăn mbơh nkoch ma mpôl kôranh phung Israel ăn bu gĭt Brah Yêsu i bunuyh jan ăn păng bah ri nơh.

Yôhan 5:16

Kơt ndri dâng mpôl kôranh phung Israel ntơm jan jêr ma Brah Yêsu, ach ma Păng jan ndơ i nây ta nar Saƀăt.

Yôhan 5:17

Brah Yêsu lah ma khân păng: “Bơ̆ Gâp hôm jan kar nâng ăp nar n'ho ma tât nar dja, Gâp jan kar kơt Păng nây đŏng.”

Yôhan 5:23

gay ma ăn dâng lĕ bunuyh yơk ma Gâp i Kon Păng, tâm ban ma bu yơk ma Bơ̆ Gâp đŏng. Bu moh mâu ôh yơk ma Gâp i Kon Păng, bunuyh i nây mâu đŏng yơk ma Bơ̆ Gâp nơm i tơm njuăl Gâp.”

Yôhan 7:1

Jêh bơh nây, Brah Yêsu hăn ŏk ntŭk ta bri Galilê, Păng mâu ŭch ôh hăn ta bri Yuđa, yorlah mpôl kôranh phung Israel ŭch tâng nkhât Păng.

Yôhan 7:19

Che Môsê kăl e nơh lĕ ăn nau vay ma khân ay may, yơn ma mâu geh ôh du huê bunuyh ta phung khân may ndjôt nau vay păng ngăn ngên. Lah ndri moh kô̆ khân may ŭch nkhât Gâp?”

Yôhan 8:54

Brah Yêsu lah: “Lah Gâp joi gay ma lư êng săk Gâp nơm, nau lư i nây mâu ôh geh nau khlay. Yơn ma Bơ̆ Gâp nơm ŭch bu lư săk Gâp, Păng i Kôranh Brah i khân may lah yơk mbah nây nơh.

Yôhan 8:58

Brah Yêsu lah: “Gâp lah n'hêl nanê̆ ngăn ma khân may, nôk Abrahăm ê hŏ deh, Gâp lĕ ơm geh jêh.”

Philip 2:6

Bol lah Brah Krist Yêsu tâm ban ma Kôranh Brah nơm ngăn kađôi, Păng kŏ mâu ôh sŏ prăp ma săk Păng nơm Nau i Păng tâm ban ma Kôranh Brah i nây.

Nau Tâm Mpơl 22:1

Jêh ri tông păr i nây nhhơ ăn gâp say dak rlai, jêng dak i ăn nau rêh, rsang tâm ban ma lŭ nglang, hoch lôh bơh rnơl kađăch Kôranh Brah nơm, jêng rnơl kađăch Kon Be Biăp đŏng.

Nau Tâm Mpơl 22:3

Mâu hôm ôh geh nau rtăp ma du ntil ndơ jât. Rnơl kađăch Kôranh Brah nơm, i jêng rnơl kađăch Kon Be Biăp nơm đŏng, gŭ ta ƀon i nây, lŏng bunuyh i sơm kơl jan kar ma Păng, khân păng mra yơk mbah ma Păng.