Yôhan 14:28 - Bunong Bible Latin Script Cambodian dialect

²⁸ Khân may lĕ tăng jêh nau Gâp mbơh nkoch ma khân may: ‘Gâp du lôh bơh khân may, jêh ri Gâp plơ̆ tay đŏng ta khân may’. Lah khân may rŏng Gâp, khân may răm maak ngăn gĭt Gâp hăn ta Bơ̆, yorlah Bơ̆ kuŏng rlau Gâp.

Bunong

²⁸ ខាន់​មៃ​លែៈ​តាង់​ជេស​នាវ​គ៝ប់​មឞើស​ងក៝ច​មា​ខាន់​មៃ៖ «គ៝ប់​ទូ​លោស​ឞើស​ខាន់​មៃ ជេសរី​គ៝ប់​ព្លឹ​តៃ​ដ៝ង់​តា​ខាន់​មៃ»។ លាស​ខាន់​មៃ​រ៝ង់​គ៝ប់ ខាន់​មៃ​រាម់​មអាក​ងាន់​គឹត​គ៝ប់​ហាន់​តា​ឞឹ យ៝រ​លាស​ឞឹ​ក្វ៝ង់​រាលាវ​គ៝ប់។

Nau Brah Ndu Ngơi 2023

²⁸ Khân may iăt nau Gâp lah jêh: ‘Gâp hăn, jêh ri Gâp mra plơ̆ đŏng ma khân may.’ Lah khân may rŏng ma Gâp, khân may mra răm maak, yor nau Gâp hăn sĭt ma Mbơ̆, yorlah Mbơ̆ toyh lơn ma Gâp.

Yôhan 14:28 ပူးပေါင်းရင်းမြစ်များ

Mathay 12:18

‘Kôranh Brah lah: ‘Bunuyh dja, bunuyh sơm kơl jan kar ma Gâp, lĕ Gâp kơih Păng, Gâp rŏng Păng hô ngăn, di nuih n'hâm Gâp klơ̆ ngăn. Gâp ăn Brah Huêng Ueh Gâp gŭ ta Păng Gay ma phat dôih phung i mâu di phung Israel ma nau sŏng.

Yôhan 10:38

Yơn ma lah ndơ Gâp jan tă bơh Bơ̆ Gâp ngăn, ăn khân may nsing ma Gâp hŏm yor ma ndơ Gâp jan i nây, bol lah khân may mâu nsing ma nau Gâp ngơi kađôi. Ndri dâng khân may gĭt vât n'hêl Bơ̆ Gâp nơm gŭ ndrel ta Gâp, jêh ri Gâp gŭ ndrel ta Bơ̆ Gâp.”

Yôhan 13:16

Gâp lah n'hêl nanê̆ ngăn ma khân may, bunuyh sơm kơl jan kar mâu ôh kuŏng rlau ma kôranh păng, bunuyh ntơyh nau mâu đŏng kuŏng rlau ma nơm đă păng hăn.”

Yôhan 14:12

Gâp lah n'hêl nanê̆ ngăn ma khân may, bu moh nsing ma Gâp, moh kar Gâp jan, păng jan đŏng, jêh ri păng jan kar kuŏng rlau i nây jât, yorlah Gâp sât ta Bơ̆ Gâp.

Yôhan 14:18

Gâp mâu ôh ntlơi khân may jêng tâm ban ma kon đơi, Gâp mra plơ̆ ta khân may đŏng.

Yôhan 16:7

Gâp ŭch mbơh ăn khân may gĭt, nau Gâp du lôh bơh khân may geh nau khlay ngăn ma khân may. Lah Gâp mâu du lôh, Nơm kơl mâu ôh văch ta khân may. Yơn ma lah Gâp du lôh, tay Gâp njuăl Păng ăn ma khân may.

Yôhan 20:17

Brah Yêsu lah ma păng: “Lơi kuăn kŏn Gâp, yorlah Gâp ê hŏ ôh sât a Bơ̆ Gâp. Dăn ay hăn mbơh nkoch ma phung oh nô Gâp: ‘Gâp sât a Bơ̆ Gâp, jêng Bơ̆ khân may đŏng, Gâp sât a Păng i Kôranh Brah, jêng Brah i khân may yơk mbah đŏng’.”

Yôhan 20:21

Brah Yêsu lah tay ma khân păng: “Ăn nau đăp mpăn ma khân may! Gâp đă khân may hăn ta ntŭk êng êng, kơt ma Bơ̆ lĕ đă Gâp hăn dja đŏng.”

Yôhan 5:18

Tât ma tăng nau Brah Yêsu ngơi kơt nây, mpôl kôranh phung Israel lơ ma hô ŭch nkhât Păng jât, mâu dơn ôh ach ma Păng jan ndơ i nây ta nar Saƀăt dơm, ach ma Păng kuăl Kôranh Brah jêng Bơ̆ Păng nơm, kơt ndri kơp êng săk Păng nơm tâm ban ma Kôranh Brah.

Yôhan 7:33

Khân păng hăn tât ta ri, Brah Yêsu lah: “Gâp gŭ ndrel khân ay may hôm du ƀlât dơm, jêh ri Gâp mra plơ̆ sât tay ta Nơm tơm njuăl Gâp nơh.

I Kôrintô 11:3

Yơn ma gâp ŭch mbơh ăn khân ay may gĭt, Brah Krist jêng tâm ban ma bôk ma dâng lĕ bu klô, sai jêng tâm ban ma bôk ma ur păng nơm, jêh ri Kôranh Brah jêng tâm ban ma bôk ma Brah Krist.

I Pêtrôs 1:8

Khân ay may mâu ôh vay say Păng, yơn ma khân ay may hôm rŏng Păng. Bol lah aƀaơ dja khân ay may mâu ôh say Păng kađôi, khân ay may hôm e nsing ma Păng đŏng, jêh ri geh nau răm maak dŭt hô ngăn, mâu hôm ôh blao ntât,

Nau Tâm Mpơl 1:11

lah ma gâp kơt nđa: “Moh ndơ i may say aƀaơ dja, ăn may nchih du mlŏm samƀŭt, jêh ri njuăl ăn ma phung nsing pơh ƀon ta bri Asi dja: Ƀon Êphêsô, ƀon Samirna, ƀon Pơkamuh, ƀon Thiathira, ƀon Sardih, ƀon Philađĭlphia, ndrel ma ƀon Laođisê.”