Yôhan 13:21 - Bunong Bible Latin Script Cambodian dialect

²¹ Jêh Brah Yêsu ngơi nau nây, ta nuih n'hâm Păng ri geh nau rvê rŭng răng ngăn, jêh ri Păng lah: “Gâp lah n'hêl nanê̆ ngăn ma khân may, geh du huê ta mpôl khân may ta oi tay leo bu hăn nhŭp Gâp.”

Bunong

²¹ ជេស​ឞ្រាស​យេឆូ  ​ងើយ​នាវ​នៃ តា​នូយ្ស​នហ៝ម់​ពាង់​រី​គែស​នាវ​រាវៃ​រុង​រាង់​ងាន់ ជេសរី​ពាង់​លាស៖ “គ៝ប់​លាស​នហេល​នានេៈ​ងាន់​មា​ខាន់​មៃ គែស​ទូ​ហ្វេ​តា​មពោល​ខាន់​មៃ​តា​អ៝យ​តៃ​លែវ​ឞូ​ហាន់​ញុប​គ៝ប់”។

Nau Brah Ndu Ngơi 2023

²¹ Jêh Brah Yêsu lah nau nây, Păng geh nau rngot tâm huêng jêh ri mbơh nau nây: “Nanê̆, Gâp lah ngăn ma khân may, du huê tâm phung khân may mra ƀư rlăng đah Gâp.”

Yôhan 13:21 ပူးပေါင်းရင်းမြစ်များ

Mathay 26:21

Nôk gŭ sông sa Păng lah kơt nđa: “Gâp lah n'hêl nanê̆ ngăn ma khân may, ta mpôl khân may geh du huê leo bu hăn nhŭp Gâp.”

Mathay 26:38

Păng lah ma pe nuyh khân păng nây: “Nuih n'hâm Gâp rngot hô ngăn ndă ma khât ro. Khân may hôm gŭ ta dja ƀŏt, gŭ rngeh njrăng ndrel Gâp hŏ.”

Markôs 14:18

Nôk Brah Yêsu gŭ sông sa ndrel mpôl oh mon, Păng mbơh: “Gâp lah n'hêl nanê̆ ngăn ma khân may, ta mpôl khân may geh du huê leo bu hăn nhŭp Gâp, păng i nây gŭ sông sa ndrel bân đŏng.”

Markôs 3:5

Brah Yêsu uănh dâng lĕ bunuyh i gŭ ta nây, Păng ji nuih rngot êng săk Păng nơm, say khân păng dăng ko mâu geh nau tâm yô̆. Jêh ri Păng lah ma bu klô i rven ti nây: “Lŏng may rok ti may nây hŏm!” Jêh ri păng rok ti păng bah kơt ơm đŏng.

Yôhan 11:33

Brah Yêsu say Mari, ndrel ma phung Israel hăn tâng păng nhŭm vơl dadê, Brah Yêsu rngot ŭk rŭl ta nuih n'hâm dŭt hô.

Yôhan 11:35

Nôk nây Brah Yêsu nhŭm.

Yôhan 11:38

Jêh ri Brah Yêsu hăn ta môch, ta nuih n'hâm Păng geh nau ŭk rŭl tay du tơ̆ jât. Môch i nây trôm klêr ta yôk, i trôm nây bu rdŏl ma lŭ kuŏng.

Yôhan 12:27

“Aƀaơ dja nuih n'hâm Gâp geh nau rŭng răng ngăn. A mơm Gâp ngơi aƀaơ dja? Ngơi: ‘Ơ Bơ̆, dăn May rklaih Gâp bơh nau jêr i dja’, bơh? Mâu ôh. Yor ma nau i dja ro dâng Gâp văch ta neh ntu dja.

Yôhan 13:18

Gâp ngơi kơt nđay, mâu ôh ngơi ăn ma dâng lĕ khân may, yorlah Gâp lĕ gĭt bu moh Gâp kơih. Yơn ma iăt ma geh tâm di ma Nau Kôranh Brah Ngơi lĕ nchih lah: ‘Du huê bunuyh gŭ sông sa ndrel Gâp, tih ma păng jan djơh ma Gâp’.

Yôhan 13:2

Tât mong sông sa a măng, Satăng lĕ jan ăn Yuđas-Isakariyôt i kon Simôn geh nau mân leo bu hăn nhŭp Brah Yêsu.

Yôhan 13:22

Mpôl oh mon tâm uănh măt ndrăng khân păng nơm, yorlah khân păng mâu gĭt ôh bu moh Brah Yêsu ŭch lah i nây.

Kôranh Oh Mon 17:16

Dôl Pôl gŭ kŏp Silas, ndrel ma Timôthê ta ƀon Athen, nuih n'hâm păng geh nau rvê rngot hô ngăn, yor ma păng say ta ƀon nây geh rup brah êng êng dadê ngăn.

I Yôhan 2:19

Khân păng i nây lĕ du lôh bơh bân, yơn ma khân păng i nây lĕ ơm mâu ôh di mpôl bân ngăn. Lah khân păng jêng mpôl bân ngăn, khân păng hôm gŭ ndrel bân mro ro. Yơn ma khân păng lĕ du lôh jêh bơh bân, ndri dâng bân say khân păng mâu ôh di mpôl bân.