Yôhan 12:6 - Bunong Bible Latin Script Cambodian dialect

⁶ Yuđas-Isakariyôt ngơi kơt nây păng mâu ôh yô̆ ma phung o ach ngăn. Păng bunuyh ntŭng, păng bunuyh ndjôt dŭng prăk mpôl oh mon, nđâp ma păng nơh lĕ vay tă sŏ prăk aƀă bơh dŭng i nây dah păng nơm ŭch dŏng.

Bunong

⁶ យូដាស-​អីឆាការីយោត  ​ងើយ​កើត​នៃ​ពាង់​មោ​អោស​យោៈ​មា​ផូង​អ៝​អាច​ងាន់។ ពាង់​ឞូនុយ្ស​នតុង ពាង់​ឞូនុយ្ស​ញអោត​ទុង​ព្រាក់​មពោល​អ៝ស​ម៝ន នអ៝ប់​មា​ពាង់​នើស​លែៈ​វៃ​តាៈ​ឆ៝ៈ​ព្រាក់​អាបាៈ​ឞើស​ទុង​អី​នៃ​ទាស​ពាង់​នើម​អុច​ទ៝ង់។

Nau Brah Ndu Ngơi 2023

⁶ Y-Yuđas lah kơt nây mâu di yor păng yô̆ ma phung o ach ôh, ƀiălah yor păng jêng du huê nơm ntŭng, păng djôt dŭng prăk, rĭ dĭng păng vay mơng sŏk ntŭng prăk bu nklăch tâm nây.

Yôhan 12:6 ပူးပေါင်းရင်းမြစ်များ

Mathay 21:13

Brah Yêsu lah khân păng i nây: “Ta Nau Kôranh Brah Ngơi lĕ geh nchih kơt nđa: ‘Kôranh Brah lah: ‘Nhih Gâp jêng ntŭk ma mbơh sơm ma Gâp’’ Ƀêng ma khân may sŏ jan ntŭk gŭ rgum mpôl ntŭng chrao.”

Luka 8:3

jêh ri bu ur rnha Yôănna, i ur Khusa bunuyh mât uănh mpôl jan kar ma Hêrôt-Ŏntipas i kôranh mât uănh bri Galilê, geh bu ur rnha Susan, ndrel ma bu ur aƀă êng ŏk đŏng, khân păng sŏ drăp ndơ khân păng nơm gay ma kơl Brah Yêsu, ndrel ma mpôl oh mon păng.

Yôhan 10:13

Păng nchuăt nơh, yorlah păng jan kar gay ma geh ndơ nkhôm dơm, păng mâu ôh rvê ma be biăp.

Yôhan 12:5

“Moh kô̆ mâu tăch dak ngi ƀô kah i khlay ngăn nây 300 prăk kăk, pă ăn ma bunuyh o ach?”

Yôhan 13:29

Bunuyh aƀă nđôn lah Brah Yêsu ŭch đă Yuđas-Isakariyôt hăn rvăt ndơ ma dŏng nar nhêt ƀŭn, mâu lah ŭch đă păng hăn pă ndơ ăn ma phung o ach, ach ma Yuđas-Isakariyôt jêng bunuyh ndjôt dŭng prăk mpôl khân păng nây.

I Kôrintô 6:10

phung i ntŭng bu, phung i kơnh ndơ hô ir, phung i nhŭl blâk blek, phung i rak suai bu, phung i ntŭng bu, dâng lĕ phung i nây mâu dơi ôh lăp ta nau Kôranh Brah mât uănh.

Galati 2:10

Geh du nau dơm khân păng ntĭnh ma hên, lơi ta chuêl kơl ma phung kro o ach ta phung nsing ta ƀon Yêrusalem, ndơ i nây jêng ndơ i gâp nđơr jan nâng.

I Têsalônik 5:22

Ăn khân ay may der dâng lĕ ndơ djơh mhĭk.

Yakơ 2:2

Ntât lah, lah geh du huê bunuyh ndrŏng lăp rƀŭn ndrel khân ay may, păng ndok rgên mayh, ndrel ma nsoh bok ao i khlay khlay ngăn, jêh ri geh du huê bunuyh kro o ach nsoh bok ao sat lăp rƀŭn ta ri đŏng,

Yakơ 2:6

tih ma khân ay may mưch phung kro o ach chrao. Ơm mâu di lah phung ndrŏng tŭn jot khân ay may, uih mphŏk khân ay may hăn ta năp kôranh phat dôih heh?